I'm a Chef in the Modern Era [Myanmar Translation]

Chapter - 64

Unicode

သစ်ခွပူတင်း
_________

စားသာက်ပြီး‌နောက်တွင် မေမေရှန်က ခံစားချက်တွေဖလှယ်ဖို့ဆိုတဲ့ခေါင်းစဉ်နဲ့ သူမနဲ့အတူ ဥယျဉ်လေးထဲမှာလမ်းလျှောက်ပေးဖို့ ရှန်ဖူ့ကို နားရွက်ဆွဲကာခေါ်သွားသည်။ ထို့နောက်တွက်တော့ ဖေဖေရှန်နဲ့သခင်ကြီးရှန်က လင်ရှုယီကို သူတို့နဲ့ စာကြည့်ခန်းကိုလိုက်ခဲ့ဖို့ပြောသည်။

ရှန်ဖူ စိုးရိမ်နေသည်။ သူတို့က လင်ရှုယီတစ်ယောက်တည်းကိုစကားပြောချင်လို့ သူတို့ကို ခွဲနေတာ အသိသာကြီးပဲမဟုတ်လား? သူတို့က လင်ရှုယီကို စိတ်မသက်မသာဖြစ်စေမယ့်စကားမျိုးပြောလိုက်မှာကို သူ စိုးရိမ်နေတာမဟုတ်ဘူး။ အဲ့လိုသာဆို သူတို့က လင်ရှုယီရဲ့ခံစားချက်တွေကို စဉ်းစားပေးပြီး ပထမဆုံးတွေ့ဆုံပွဲကို ဒီလောက်အဆင်ပြေအောင်လုပ်မှာမဟုတ်ဘူးလေ။ ဒါက ရှန်မိသားစုရဲ့သဘောထားနဲ့ရပ်တည်ချက်ကို ပြပြီးပြီဆိုတာ သိနိုင်တာပဲ။ အနည်းဆုံးတော့ သူတို့က လင်ရှုယီကို အရမ်းကျေနပ်သဘောကျတယ်။

သို့သော်ငြား ဒါက သူ့ရှေ့မှာပြောလို့မရနိုင်တဲ့ တစ်စုံတစ်ရာရှိ‌နေပြီး သူ့ကိုပထုတ်လိုက်ကြတာပဲလို့ ရှန်ဖူ့ကို ခံစားနေရစေသည်။ မည်သို့ဆိုစေ ရှန်ဖူ့တွင် ကန့်ကွက်ချိန်မရှိလိုက်ဘဲ မေမေရှန် ၏နားရွက်ဆွဲကာ ခေါ်ထုတ်သွားခြင်းကိုခံလိုက်ရပြီဖြစ်သည်။

ရှန်ဖူ့ကို တံခါးအပြင်ဘက်တွန်းပို့ပြီးနောက်တွင် မေမေရှန်က ခေါင်းလေးပြန်ဝင်လာကာ လင်ရှုယီကို ချစ်ဖို့ကောင်းစွာပြောလေ၏။

"စိတ်မလှုပ်ရှားနဲ့နော် ရှောင်ယီလေး။ ဘာဖြစ်ဖြစ် မင်း လက်မလျှော့လိုက်နဲ့။"

လင်ရှုယီခေါင်းထဲမှာ မေးခွန်းတွေဖြင့်ပြည့်သွားတော့သည်။ တစ်နည်းပြောရလျှင် မေမေရှန့်ကိုကြည့်ကာ ရယ်ရမလားငိုရမလားမသိတော့သူက ဖေဖေရှန်ဖြစ်၏။

"ရှင် သူများကို အခက်တွေ့အောင်မလုပ်နဲ့နော်။"

မေမေရှန်က ဖေဖေရှန့်ကိုပြောသည်။

"ကျွန်မပြောတာ ကြားလား?!"

ချွေးမလေးရသွားပြီးနောက် ကိုယ့်ယောက်ျားကိုစွန့်ပစ်လိုက်သည့် သူ့ဇနီးကိုကြည့်ရင်း ဖေဖေရှန် တကယ်ပင်နင်သွားရှာ၏။