The Uncontrollable

/ 8

/ ဒဏ္ဍာရီတွေ ယုံတမ်းစကားတွေကို ရှင် ယုံလား /

______

နှစ်တွေကြာမှအတူတူစားရတဲ့ထမင်းဝိုင်းကလည်း
တိတ်ဆိတ်နေသည်။ အပြင်လူဖြစ်တဲ့ Lisa က
တော့ သူမတို့မိသားစုအခြေအနေကိုသာအကဲခတ်နေတယ်။ Jennie က လူကြီးမင်းကိုတစ်ချက်က​လေးမှမကြည့်သလို လူကြီးမင်းလည်းထို့နည်းတူ။
Jisoo ကတော့ Lisa ကိုခဏခဏဆိုသလိုကြည့်
နေခဲ့ပါသည်။

တိတ်ဆိတ်စွာစားသောက်ပြီးစီးသွားတဲ့နေ့လည်စာ
နေရာမှာ လက်ဖက်ရည်နဲ့မုန့်တွေကနေရာပြန်ယူ
လာတာကြောင့် စိတ်ရှုပ်ပေမယ့်လည်း Jennie
ထိုင်နေရပြန်သည်။ Lisa ကိုတစ်ချက်လှမ်းကြည့်လိုက်ပေမယ့် သူကတော့မုန့်စားရင်းအလုပ်ရှုပ်နေသည်။ သက်ပြင်းသာချနေမိတဲ့သူမအဖြစ်ဟာ
အရမ်းမွန်းကြပ်နေခဲ့သည်။

" Lee Yooshin ပြန်ရောက်လာပြီ Jennie "

လူကြီးမင်းပြောတဲ့စကားကသိပ်မများပါဘူး။
သို့သော်လည်း အခန်းထဲမှာရှိတဲ့လူသုံးယောက်၏
အာရုံစူးစိုက်မှုကလူကြီးမင်းဆီကိုရောက်သွားသည်။

Jisoo မျက်ဝန်းတွေလင်းလက်သွားသည်။
Jennie မျက်နှာကစိတ်ရှုပ်ခြင်းတွေကိုပိုလာသည်။
Lisa ကတော့ဘယ်သူလဲဆိုတာကိုသိချင်မိသည်။

Lee Yooshin ကဘယ်သူလဲ။
ဘာလုပ်တဲ့သူလဲ။ မြို့တော်ဝန်ကသူရောက်လာပြီ
လို့ပြောတာတောင်လှိုက်လှဲမှုတွေနဲ့။

" Jennie လက်ခံမယ်လို့ထင်ပါတယ် "

" ဒါပေမယ့်..."

" အဖေ အနားယူချင်ပြီ "

Jennie ဘာစကားမှ​ပြောချိန်မရလိုက်ပါ။
အစေခံတစ်ချို့ဝင်လာပြီး စားပွဲလေးတွေကို
သိမ်းဆည်းသွားသည်။လူကြီးမင်းကတော့
စာအုပ်တစ်အုပ်ကိုဖတ်နေသည်။

တိတ်ဆိတ်စွာပဲ သူမနေထိုင်ရာနေရာဆီပြန်လာ
ခဲ့ကြသည်။ သူမတို့ထိုင်ခဲ့သောစားပွဲလေးက
မိုးရေတွေကြားမှာမြင်မကောင်း။ မိုးရေစိုနေတဲ့စက္ကူအလွတ်တွေပေါ်မှာဆေးတွေကပေပွ နေသည်။

" ညီမ "

အဆောင်ပေါ်လှမ်းတက်မယ့်သူမခြေထောက်တွေ
ရပ်တန့်သွားသည်။ အသံလာရာဘက်ကိုလှည့်ကြည့်
မိတော့ အမျိုးသားတစ်ယောက်သူမကိုပြုံး၍ကြည့်နေတာကိုတွေ့ရသည်။