قمري ..
يوومةة محمد
✨🍁🍁🍁
" ههههههههه توا نشوفوكك ياواطيه شن بديري لما يوصلو الصور لبوك ههههه ، بعدين زفر بغضب وكمل كلامه ، انااا اللي يلععب مععاااي عمره مافلت منييي وهوو بخير ياهانمم "
....
اني : سند خلاص عيني توا معش توجع فياا
سند : اسكتي متشبحيش فيها منفخه تقول خاشه مصارعه
اني : هههيي 😁😁
سند : خيرك
اني : احم لا شيي
سند : نحبك
اني : شنوو😳
سند : زي ماسمعتي ويومين تانيات نجيب العيله
ع قد مانصدمت ع قد مافرحتت قريب طرت
......…
روحت للحوش بعدها لما شافتني ماما دارت عزاء بعدها خشيت لداري طحت فيها نوومه للعصر نضت ع صوت امي تهزب
ماما : البلي متاعك من مبكري يرن مباش يسكت ردي عليه ولا نا نرد
اني بكسل : اااه باااهيي
جبدته ولقيتها اكتر من 28 مكالمه من سند😳ماهذا
نضت بسرعه ورنيت عليه اول ماضبح سكر عليا ورن تاني
سند : خيرررككك ماترررديييييش ع امييي من مبكرييي وانييي ع نااااارررر
اني : حبيبي اسفه والله كنت راقده
سند : شن هيااا ؟!
اني : كنت راقده
سند : اللي قبلهاا
اني : اسفه والله
سند : اللي قبلهااااااااااا
اني : حبيبي
وصكرت عليهه .. وووووووه ععلياااا بنتبخررر ياناااسسس ي حشمتييي شنننن درررت بسس
شويه ووصلتني رساله منه
" ياعيون حبيبك والله .. بطلي امها الحركه هدي خير مانفشخلك دلاعه "
بتسمت ورديت عليه
" افشخلييي دلاعييي خليي ناكلهييي "
بعدها بشويه رد
" غدوا نفشخهالكك 🤤 "
بغيض رديت عليه
" اخسس ياصايع "
سند : نحبها الصياعه معااكك🤤
.....
خزي عليه تحشمت معش عرفت شن نرد سكرت التلفون وقعمزت نتبسم
ماما تعيط من الصاله : خزي ياصااايعه مش فالحه غير تتصيعي معاه
اني : من حقيي ياماما نحححببببه
محسيتش الا بشبشب ع ظهريي
ماما : نوووضي عطك مايرفعكك ماتقولش تتحشم ع وجهها وهدي اميي نووضي يعطك ديي ضمي الحوش واغسلي الماعين
نضت بعد ما كنست كرامتي
___________________
ف ليل ....
كنت ف داري نقراا .. جتني ريم
ريم : امي قتلك انزلي ضروري
اني : علاش به
ريم : منعلمش قتلك انزلي وخلاص
اني : به توا نجي
ريم : نقوللها قتلك منيش جايه
اني : قهرتك تعرفي تقوليلها نعلقك فوق
طلعت تجري
سكرت شيتاتي وجبدت تلفوني وكان صامت 🔇
شفت رساله من سند فتحتها
" لما تمي كلميني لازم يابقره "
رديت عليه
" الملزوم يتعب ياحبي "
سكرت التلفون ونزلت لامي
ماما : طيب فينا ياللا باهي اللي نزلتي
اني : اي والله .. قعمزت ع كنبه
ماما : خوك جاي
اني : من خوي
ماما : خوك نادر
اني : به شن بنديرله؟
ماما : تخشي الكوجينه وتسقي العشي خير مانوضلك
اني : اووووووف وهو الخرا ماعنداش حوش يلمه ولا مرا اطيبله ولاا شننننن كل شهر جاايناا ياكل اللي ف الكوجينه ويروح مش ساده بطنه رايحه زي كهنة معبد آمون
ماما لوحت عليا الشبشب : نوضيي يابلي نووضيي قطيعة تقطع لسانك انشالله
اني : انلااااا قولي ل ريم
ريم : لالاالالاااا يافالحه دورك انتي توا
ماما : انا قلت قمر تنوض يعني شنو؟
يعني تنوضي خير مانوضلككك توووووا
اني : ينوضلك عزرائيل
ماما : ششنننن هيااااا
اني : والله العظيم بالغلط يماما طلعت مني بروحهااا
وطلعت جري للكوجينه .. جهزت كل شي ف سفر وطلعت للصاله نسقبلو ف نادر ومراته
_______________________
طبعا نادر يسكن بعيد علينا شوي وطبيعة شغله ماتخليشي ديما يجينا وهك وواخد من مسلاته
مرته سماهاا امينه .. سمراء شوي لكن تهبل زي نادر
__________________________
ماما فتحت الباب وانا وراها ووراي ريم
ماما : اهلا اهلا زارتنا البركه
سلمنا وبعد بوس واحضان ودموع تماسيح خشينا قعمزنا ف صاله
هدرزنا شوي وبعدها جبنا العشاء
طبعا نادر الوحيد الراجل فينا .. لان بابا وسعيد مسافرين
___________________________
اني فمي معبي : نادر حبيبي
نادر احرف مني : همممم شيتبيي " شن تبي "
اني : فلوس
نادر : مقعمزلك ع مصرف الجمهوريه مالا
اني وقفت ماكله : اي طبعا مالا علاش بطنك هكي
امينه وامي ساكتات وياكلن
نادر بغيض : خيرها بطني ؟؟!
اني : معقوله متشبحش ف الكرشه هادي كلهاااا
نادر : مدخلكش مناكلش ف حصتك
اني : لا تاكل ف حصة التالته 😒 نقص خيرلك راهو اللي يشوفك يحسابك شكارة رايحه
امينه : حرام عليك خلي حبيبي ف حاله
اني : حبك برص وانت كان مجاش يوم وطلقاتك امينه منتسماش قمر بنت الرقاصه .....
ماما : من الرقاصه يابنت الكلب
اني : شاكه في روحك يالحب
ماما : نوضي من قدام وجهي خيرلك
اني : لالا والله نبصر تووووووبه معش نقول حتى حرف
ريم : غير نسمع صوتك تو نقول لبابا انك حلفتي وحنتي
اني : 😒😒😒
أنت تقرأ
قمري ❤️ (روايات ليبية)
Humorوع سبيـل التذڪيـر : سيـستجـيـب 🤍🕯 . بقلمي .. مريم موسى محمد✨🌸.
