نوفيلا بنات فيروز

الفصل الخامس

الفصل الخامس
رائد : سيلا مش موجوده خالص تفتكر قاعده فين؟
أمير وهو يبلع ريقه : تقصد هم قاعدين ؟
تميم : هم مين!؟
ليشير أمير بيده على طاوله البنات لينظر كلا من رائد وتميم لهم بغضب.
أمير بغيظ : هما كلهم هيتخطبوا ولا اي، لينظر بجانبه لا يجد  احد ونظر أمامه وجودهم متوجهين ناحيه الفتيات ليركض خلفهم.
اما على الطاوله الجالسين عليها الفتيات.
سيلا بصدمه : يالهوي.
سديم : اي في أي؟
سيلا : دول رائد و تميم جايين معاه  يادي الكارثه.
سدره : ربنا يستر.
بوراك : اي في أي؟
سديم : احم مفيش إللي جاي هناك ده هو حبيب سيلا.
لينظر بوراك له بطرف عينه ويؤما برأسه.
سدره بقلق:ما تيجي نمشي يا سديم.
سديم : ليه؟
سدره : احسن  يتخانقوا مع بعض.
سديم 
ببرود : لا مش معقوله تميم بارد و رائد محترم وأمير بيحب يبين برستيج قدام الناس.
تميم : اهلا اهلا بتعملوا اي هنا يا هوانم؟
سديم : احم يا تميم احنا جينا مع سيلا.
رائد : يعني سيلا جايه تقابل العريس قومتوا جيتوا معاها.
سدره : اه.
رائد: طيب يلا بينا يا هانم انتي وهي من هنا.
دينيز بغضب : انت مين انت يا اخ.
تميم : مين البلايتشو ده؟
سديم بصدمه : ده بلايتشو ده ملبن مهلبيه آيس كريم.
تميم بغضب : متعصبنيش ويلا بينا يا سديم.
دينيز : مش هتروح معاك مين انت؟
تميم : مش هتروح طيب قالها وقام بإعطاء دينيز لكمه ليقع على الأرض ليذهب بوراك ويعطي تميم لكمه وهكذا حدث الشجار وانتهى بهم المطاف في مركز الشرطة.
                        ************
في مركز الشرطة
الشرطي : مكن اعرف اي اللي حصل؟
تميم : محصلش حاجه يا فندم ده كله سوء تفاهم.
الشرطي : طيب احم اهدي يا انسه بطلي عياط مفيش حاجه قالها وقام باعطاءها مناديل.
سدره برقه : شكرا لحضرتك.
الشرطي بهيام : هو في كده يا ناس.
رائد : احم احم.
الشرطي : اه طيب حد يقولي اي علاقتكم ببعض.
سديم : انا هقول يا فندم.
الشرطي باعجاب : اتفضلي يا انسه.
تميم بغيظ : يارب...
سديم : دول ولاد خالتي ودول ولاد جوز مامتي يعني كلنا قرايب مفيش حد غريب ياريت ميكنش في محضر أو حاجه.
الشرطي : لا طبعا يا انسه مفيش تقدروا تمشوا .
                     **************
في خارج مركز الشرطه
سديم : انا اسفه يا شباب انا السبب في كل اللي حصل.
بوراك بابتسامه : ولا يهمك يا حبيبتي فداكي وشي.
دينيز : هو مين الحيوان ده؟
سديم : احم ابن جوز مامي.
دينيز : طيب همشي أنا بقا سلام قالها وقبل جبينها وركب سيارته وذهب.
سدره بحزن : كنتوا تعالوا اتعشوا معانا.
على بابتسامه : مره تانيه  اوعدك بكده...
سدره بابتسامه : احلى علوش في الدنيا قالها وعانقها لتبادله العناق ويذهب ويأخذ معه بوراك.
لتذهب الفتيات حيث واقفون الشباب حيث أن أمير اخذ سيلا وذهب.
سديم بغضب : ممكن اعرف اي اللي عملتوه جوه ده؟
تميم ببرود : سديم لو مش عايزه مشاكل اركبي العربيه ونتكلم في البيت.
سدره : اركبي يا سديم.
لتنظر له سديم بغضب وتصعد إلى السياره.
                            ***********
في البيت
سديم بغيظ : ادينا جينا البيت ها قولوا بقا ينفع اللي حصل ده؟
تميم : يعني ينفع انك تروحي تخرجي مع شباب متعرفهمش.
سدره : بس دول ولاد خالتنا بجد.
رائد : ايوا يعني ولاد خالتك ازاي واحنا اول مره نشوفهم.
سديم: عشان هما عايشين في تركيا مش هنا.
رائد: طيب تعالي يا سدره عايز اتكلم معاكي قالها واخذها وذهب ليتكلموا في غرفتها.
سديم : ها مش هتنطق يا لوح التلج.
تميم : تعالى يا سديم.
سديم بخوف : لا.
تميم : تعالي بس هقولك حاجه.
لتنظر له سديم وتقترب منه.
سديم : ها عايز اي؟ ولكنها صرخت فجأه عندما قام بسحبها واجلسها على قدمه واحاطه خصرها بيده بقوه لدرجه انه جعلها تآني بضعف.
سديم : اه ابعد عني يا تميم انت بتوجعني.
ليميل عليها تميم ويدفن وجه في شعرها لكي يهدأ هو نفسه لا يعرف لما غاضب منها فما المشكلة ان تقابل ابن خالتها أو تقابل شخصا آخر ما دخله هو ولكنه لا يجد الإجابة لذا فضل الصمت، اما هي فعندما وجدته هكذا صمتت ولم تتكلم فهي نفسها مشاعرها متداخله تعترف انه يؤثر بها، لترفع يدها وتحيط عنقه وتسحبه لها اكثر.
                         *************
في غرفه سدره
سدره : ها عايز اي؟
رائد : هو يعني ابن خالتك ده بيحبك.
سدره باستغراب : اه طبعا بيحبني.
رائد بغضب :نعم!
سدره : انا بردو مش فاهمه انت مضايق ليه؟
رائد : مش عارف.
سدره : مش عارف أمم طيب اي رايك تهدأ وتقعد ترتاح وانا هعمل اي حاجه نشربها.
رائد : ماشي.
وبعد قليل
أحضرت له كوب قهوه.
سدره : ها اي رايك؟
ليمسك رائد يدها ويقبلها ويقول : تسلم ايدك طعمها حلو.
سدره بخجل : طيب يلا نشوف سديم و تميم احسن يكونوا قتلوا بغض.
رائد : يلا.
ليخرجوا يجدوا تميم نائم على الاريكه وأمامه سديم وهو يحيطها من الخلف ويدفن وجه في عنقها.
رائد بصدمه : هو اي اللي بيحصل بينهم!؟
سدره : مفيش حاجه بس باين عليهم مراهقين فناموا.
رائد : طيب انا هصحيه وامشي احنا مينفعش نبيت هنا.
سدره : لا عادي مفيش مشكلة ممكن تنام على الكنبه تانيه وانا هاخد سديم اوضتها.
رائد: تمام.
لتذهب هي لايقاظ سديم ولكن بدون فائده فهي لا تستيقظ وهو لا يريد تركها يمسكها بأحكام كأنها ستهرب منه.
سدره : خلاص انا هسيبهم كده مش راضين يسيبوا بعض. قالتها وجلست على الكرسي.
رائد باستغراب : مش هتنامي؟
سدره بتعب : مش هقدر.
رائد : ليه؟
سدره : عشان مش بعرف انام لوحدي.
رائد : اه فهمت طيب اي رايك تنامي على الكنبه دي اللي جمبيها وانا هبقي قدامك علطول.
سدره : ماشي قالتها وذهبت للنوم عليها لينظر هو عليها ويبتسم.
                     ***********
في  القصر
عادل : هما الولاد مجوش.
داليا : لا.
مصطفي باستغراب : ليه؟
داليا : انا كلمت رائد  وهو قالي يعني إنهم هيقعدوا عند أمير عشان يجهزوا للعرض لأنه بكرا.
عادل : ياه انا نسيت العرض خالص ده فعلا بكرا.
مصطفي : اه ربنا يوفقهم.
داليا : يارب انا سمعت انهم غيرو العارضة الأساسية.
عادل : حصل امتا الكلام ده؟
مصطفي : انا كمان مش عارف حصل امتا الكلام ده بس مش مهم المهم انه يبقى العرض كويس.
عادل : عندك حق.
                     *************
في الصباح
في بيت سديم وسدره
كان أول من استيقظ هو تميم لينظر يجد نفسه يحيطها من الخلف ليبتسم هو نفسه لا يتذكر متى نائم ليقوم بلفها له ليصبح وجهها أمام وجه ليرفع يده ويتلمس وجهها وهو شارد بها لتفتح هي عينيها عندما شعرت بلمسته.
سديم بابتسامه : صباح الخير.
تميم : صباح النور.
سديم : احم عجبك كده اهو بسببك نمت بالفستان.
تميم : مانتي لو مكنتيش روحتي المكان ده مكنش حصل كل ده.
سديم بغيظ : يعني دلوقتى انا اللي غلطانه.
تميم ببرود : ايوا انتي اللي غلطانه.
سديم بغضب : طيب ابعد ايدك عني بقا قالتها وهي تحاول أبعاد يده عن خصرها لكنه لم يبعدها بل قام بسحبها إليه أكثر.
تميم بابتسامه : خلاص متزعليش انا اسف قالها وقبل وجنتها لتغمض هي عينيها متأثره بلمسته.
سديم بخجل لأول مره : احم انا هروح اغير الفستان وانت صحي رائد وسدره قالتها وركصت إلى غرفتها لينظر هو خلفها بابتسامه وهو يتمتم بأنها مجنونه.
وبعد قليل
بعد أن استيقظ الجميع
كان يجلسون يفطرون معا
رائد : احنا هنروح لأمير عشان العرض.
تميم : ماشي.
سديم : طيب واحنا هنروح امتا؟
تميم : سيلا هتيجي ليكم وتلبسوا وبعدين تيجوا الحفله.
سديم : ماشي.
رائد : طيب يلا بينا.
تميم : يلا.
                  ***********
في المساء
في بيت سديم وسدره
سدره بقلق : انا قلقانه اوي  و خايفه اوي ممكن مامي لما تشوف الصور تضربنا.
سديم : تضربنا اي يا بنتي بعدين ده عرض وفيه شويه صور اي المشكلة يعني.
سيلا : اه انا كمان مش شايفه في مشكلة وبعدين انتو ساعدتوا تميم ورائد.
سدره : كلامكم صح.
سديم بحماس : اه صح بعد ما أمير خدك معاه اي اللي حصل.
سيلا بخجل : احم قالي انه بيحبني وجاي طلبني من بابي كمان.
سدره : الف مبروك يا سيلا.
سديم بدراما : عقبالي يا رب.
سيلا بمشاكسه : عقبالك مع مين بالظبط؟
سديم بتوتر: وانا هعرف منين.
سدره : طيب يلا نلبس الساعه ٧ واكيد الحفله بدأت.
سيلا : اه يلا.
                   *************
في الحفله
عادل : الحفله حلوه اوي بجد الشباب عملوا مجهود يجنن.
مصطفي : اه المكان منظم بطريقه حلوه.
داليا: بس هما امتا هيظهروا صوره العارضه انا متحمسه عشان اشوفها.
فيروز بتمتمه : ربنا يستر.
عادل : مالك يا فيروز سرحانه ليه؟
فيروز بتوتر: لا مفيش حاجه.
ليصمت الجميع عندما صعد تميم ورائد على المنصه.
تميم : سيداتي سادتي انا بشكر كل اللي جم النهاردة عشان يشوفوا ازياءنا وبشكر كل اللي ساعد في العمل ده ومنهم المصور العالمي أمير و مصممه الأزياء ومساعده كمان سيلا المنصوري ودلوقتي هنشوف صور العارضة قالها لتظهر صور سدره وسديم وهم يعانقون بعض وصوره أخرى لسدره وصوره لسديم، لتدخل في هذه اللحظه سدره وتقف بجوار رائد وبعدها تدخل سديم وتقف بجوار تميم.
تميم : طالعه زي القمر.
سديم بغرور : ده أقل حاجه عندي.
تميم بمشاكسه : انا عجبني الفستان مش اللي لابسه الفستان.
سديم بغيظ : والله!.
تميم بتجاهل لسديم : احم طالعه تجنني يا سدره.
سدره بخجل : احم شكرا يا تميم.
تميم : العفو.
رائد : اه صح يا بنات طالعين حلوين.
سيلا : شكرا.
سديم : بجد يا رائد انت جنتل مان احسن من ناس كتير.
تميم بضحك : بقيت وحش انا دلوقتي.
سديم : اه.
أمير بضحك : انتو لايقين على بعض اوي.
ليحيط تميم خصر سديم ويقول : تفتكر شكلنا حلو.
أمير : اه حلو.
اما في الناحيه الأخرى
عادل بغضب : ممكن حد يفهمني اي اللي بيحصل حد فيكم كان يعرف عن اللي هيحصل ده؟
مصطفي : انا اول مره اعرف انه سدره وسديم هما العارضتين الجداد.
داليا : انا كمان مكنتش اعرف.
فيروز بتوتر : احم انا كنت اعرف بس انه سديم هتساعد تميم في العرض وهتبقي عارضه بس مكنتش اعرف انه سدره هتكون معاها.
عادل بغضب : يعني كنتي عارفه كل ده ومقلتيش ليا حاجه.
فيروز بصدق  : انا فكرت انه تميم قالك.
عادل : لا مقليش حاجه وهو هناك مبسوط وبيحتفل وانا هنا عامل زي الاطرش في الزفة.
مصطفي :طيب اهدي يا عادل احم يعني بلاش فضايح الصحفيين في كل حته نتكلم لما  نرجع البيت.
عادل بتنهيده : ماشي بس ده ميمنعش اننا نحتفل معاهم قالها وأخذ فيروز وذهب.
داليا بتوتر : تفتكر هيعمل اي؟
مصطفي : مش عارف وفي نفس الوقت خايف.
داليا : طيب يلا نروح ورائهم احسن يتخانق هو و تميم.
مصطفي : اه يلا بينا.
                **************
اما على طاوله الشباب
أمير : الناس عاجبها العرض والأزياء شكلنا هنكسر الدنيا.
سيلا : يارب.
امير: احم انا كنت عايز اقولكم حاجه يا شباب انا وسيلا هنتخطب قريب.
تميم : ياه اخيرا البغل فهم.
أمير : بغل مين؟
سديم بضحك :انت ههههه.
أمير : مش مهم المهم اني فهمت قبل فوات الأوان وهتجوز  اميره قلبي قالها وقبل يد سيلا الذي ابتسمت له بخجل.
سديم بمشاكسه : تفتكروا هلاقي واحد زي أمير كده يقولي يا اميرتي.
تميم : وليه لا؟
سيلا : اه صح طيب قوليلنا اي مواصفات فأرس أحلامك؟
سديم : أمم يكون طويل و وسيم طبعا و يبقى غيور عليا اوي ومتملك زي الروايات يقولي انتي بتاعتي انا وبس.
سيلا : ده اي جو الأفلام ده يا بنتي.
سديم بتمتمه : هلاقيه أن شاء الله.
سيلا : طيب وانتي يا سدره؟
سدره بخجل : احم انه يكون متفهم و محترم و بيحبني اوي ويفهمني من قبل ما اتكلم.
سيلا : ياه فعلا انتو توأم متناقض.
ولكن يقطع كلامهم قول عادل.
عادل بغيظ : الحفله حلوه اوي يا شباب وخصوصا فقره العارضة.
تميم ببرود : اكيد حلوه مش أعمالي.
عادل : حسابنا في البيت يا تميم.
تميم : وعلى أي  ما نتحاسب هنا احسن.
فيروز :احم خلاص كفايه يا عادل الف مبروك يا شباب اللبس يجنن.
تميم : شكرا لذوقك يا مدام فيروز.
ليأتي عليهم في هذه اللحظه كلا من داليا و مصطفى.
مصطفي : الف مبروك يا شباب.
رائد: الله يبارك فيك يا بابا.
داليا بغيظ : مش هتسلموا عليا.
ليبتسم تميم ويذهب لها ويعانقها وبعدها يذهب رائد.
داليا : وانتي وهي مش هتسلموا.
لتنظر لها سديم بتفاجئه ولكنها أخذت اختها وسلمت عليها.
داليا بفخر : انا فخوره بيكم يا ولاد الحفله تجنن.
عادل : والفضيحة تجنن بردو.
داليا وكأنها لم تسمع كلامه  : وأنت يا تميم ناوي تنزل لبس العرس امتا؟
تميم باستغراب : بتسألي ليه؟
داليا بضحك : اصل ناويه اتجوز مصطفى تاني.
رائد : الله عليك يا مصطفى يا جامد هههه.
مصطفي : ولد عيب.
داليا : لا بجد هتنزلوا فستان الفرح امتا؟
رائد : بعد٣ شهور أن شاء الله بس بردو عايزه فستان  عروسه ليه؟
داليا : اصل ناويه اشتري فستانين عشان عروستك انت واخوك.
تميم باستغراب : مش لما تجي العروسة الأول.
داليا بخبث : هتيجي هتروح فين يعني قالتها ونظرت لكلا من سدره وسديم بطرف عينيها.
عادل : هي الحفله دي هتخلص امتا؟
تميم : بعد ساعه.
عادل : كويس اوي.
                         ************
في القصر
عادل بغضب : ها عايز اعرف اي اللي عملتوه ده ومن غير إذن كمان؟
تميم : إذن اي ده شغلنا.
عادل : بلاش تستفزني يا تميم جاوب على قد السؤال.
رائد : احم طيب اسأل يا عمو اللي انت عايزه؟
عادل : كانت فكره مين انه سديم تبقى عارضه؟
سديم بتوتر : فكرتي.
تميم : لا كانت فكرتي أنا.
سديم : لا فكرتي انا.
عادل بغيظ : يا سلام اي الحلاوه دي بيدافعوا عن بعض كمان هسال تاني كانت فكره مين؟
تميم ببرود : فكرتي.
عادل : طيب فكره مين انه سدره تبقى عارضه.
رائد بتوتر : فكرتي انا وأمير.
عادل : طيب انا مش هعمل مشكله على اللي حصل وهنسي الموضوع تماما بس ده اخر تحذير ليكم قالها وذهب ليتنهد الجميع براحه.
مصطفي : الحمدلله محصلش مشاكل قالها وذهب.
داليا : هروح انام انا بقا قالتها وذهبت.
فيروز : احم انتو هتقعدوا هنا النهارده.
سديم : لا طبعا.
فيروز : سديم معلش عشان خاطري.
سديم : خاطرك غالي يا مامي بس كرامتي أغلى انا اسفه مش هقعد هنا ثانيه واحده.
فيروز بتعب : وانتي يا سدره؟
سدره : معلش يا مامي انا همشي مع سديم.
فيروز بحزن : ماشي قالتها وكانت ستذهب ولكن فجأه شعرت بصداع رهيب وكانت ستقع لولا أن سديم وسدره قاموا بمساندتها.
سديم بقلق : انتي كويسه يا مامي.
فيروز : متقلقوش انا تمام.
سدره : اه ده اكيد الضغط.
فيروز : اه مانتوا لو تسمعوا كلامي.
سديم بتنهيده : طيب يا مامي هنقعد بس النهاردة بس وهنمشي بكرا.
فيروز : ماشي قالتها وذهبت ولكن مسكت يدها سدره واليد الأخرى قام بمسكها رائد لكي يقوموا باصالها لغرفتها ولم يتبقى سوى تميم الذي ينطر أمامه بشرود وسديم التي تنظر له بحزن فهي ترى الحزن والألم واضح في عينيه.
سديم : تميم يا تميم.
تميم بانتباه : ايوا.
سديم بغمزه : عندكوا شامبوا.
تميم باستغراب : اه عندي ليه؟
سديم : انت مسمعتش الترند الجديد المفروض اني اقولك عندكوا شامبوا تقولي لا معندناش راح انا اقولك طب عندكوا دباديشب تقول اه عندنا دباديشب .
تميم : هههههه انتي مسخره والله.
سديم بغمزه : بس خليتك تضحك في الاخر وده الأهم.
تميم بابتسامة : شكرا يا سديم.
سديم : العفو بس على أي؟
تميم : على انك عملتي جو في حياتي الممله.
سديم : لا انا كده هتغر اوي عمك تلاجه بيشكر فيا يالهوي ده لازم يتكتب  اليوم ده في التاريخ.
تميم ببرود : تلاجه ماشي ابقى شوفي مين هيعزفلك بيانو قالها وذهب.
سديم : لا استنى يا تميم انا اسفه كله الا انك تمنعني اني اسمع عزفك تميم قالتها وركضت خلفه.
ولم يلاحظا هما الاثنان انه داليا كانت تقف تشرب ماء وتنظر لهم.
داليا بابتسامه : يعني كمان خلتها تدخل اوضه الموسيقى يا تميم وفي الاخر تقولي لما نلاقي العروسه الأول ده طلعت العروسه جاهزه ومستنيه الفستان  بس ربنا يسعدك يا حبيبي قالتها وذهبت إلى غرفتها.
                     ***********
في الصباح
وعلى مائده الطعام
عادل : صباح الخير يا جماعه.
الجميع : صباح الخير.
مصطفي : في شركه عايزه تتعاقد معانا وخصوصا مع تميم ورائد هما عجبهم الأزياء جدا.
عادل : كويسه.
مصطفي : احم وفي شركه عايزه تتعاقد معاكوا يا بنات هتبقوا عارضات ليهم اي رايكم؟
تميم ببرود : الكلام ده مش هيحصل ألغى العرض يا عمو.
مصطفي : ايوا بس ده قرارهم هما.
سديم بابتسامه : لا يا عمو ده قرارنا كلانا احنا متفقين اننا مش هنشتغل غير مع تميم ورائد بس.
مصطفي : إذا كان كده ماشي.
ليصمت الجميع فجأه عندما رن هاتف عادل.
عادل : الو يا يحي انا تمام انت عامل اي كويس طيب وعليا عامله اي ؟ طيب الحمد لله عايزكم تنزلوا قريب ماشي اي خبر اي ماشي هشوفه دلوقتي.؟
سديم : مين يحي ده؟
تميم : جوز عمتي.
سديم : اه.
عادل بغضب  وهو يقرأ الأخبار قال : حلو اوي كده.
مصطفي : اي في أي؟
عادل : خد اقرا وبصوت عالي خلي الشباب يسمعوا.
مصطفي : ماشي لينظر مصطفي للخبر بصدمه ولم يتكلم.
داليا : اي في أي قالتها وأخذت منه الهاتف وصدمت وأعطت الهاتف لفيروز.
فيروز بصدمه قالت : فضيحه عائله الكيلاني وصلتنا أخبار  أمس أنه سديم وسدره أبناء زوجه عادل الكيلاني هما العارضتان الاساسيتان وعرفنا ماذا دفعوا ثمنا لذلك فقد كان قبل الحفله الابن الأكبر لعادل تميم الكيلاني و الابن الآخر رائد الكيلاني نائمون في بيت زوجه  عادل الكيلاني والذي يسكن فيه كلا من سديم وسدره فقط والاخبار تؤكد أنها ذهبوا لهم في المساء وذهبوا من عندهم في الصباح وها هي الصور توضح ذالك، والصور كانت كالتالي تميم وهو يدخل البيت ويعانق سديم أمام الباب وصوره أخرى وهو خارج هو ورائد من عندهم صباحا.
سدره بدموع : الكلام ده غلط احنا معملناش كده.
سديم : مامي مالك ساكته ليه الكلام ده غلط انتي عارفه انه بناتك مش كده؟
فيروز : هو سؤال واحد هسالوا اليوم اللي قبل  الحفله تميم ورائد   كانوا عندكم؟
سديم : يا مامي والله الموضوع مش كده.
فيروز بغضب : بلاش لف ودوران يا سديم جابوا على سؤالي.
سديم بتوتر : ايوا كانوا عندنا.
فيروز بصدمه : يعني نائموا عندكم يعني كنتوا في البيت لوحديكم وكدبتوا علينا يعني كلام الصحفي ده صح.
سدره بدموع : لا مش صح والله يا مامي مش صح.
تميم : احم اهدي يا مدام فيروز الكلام ده كدب احنا فعلا كنا عندهم بس محصلش بينا حاجه ده غير أننا كنا هناك عشان العرض.
عادل بغضب : وليك عين تتكلم كمان.
تميم : اه اتكلم ومتكلمش ليه انا مغلطتش في حاجه.
عادل بغضب : انت ولد مش متربي.
تميم : انا راجل يا عادل بيه راجل انا مش طفل صغير وبعدين انا احسن من واحد مقدرش يساعد مراته وهي بتموت.
عادل بغضب : أخرس يا قليل الادب قالها وقامه بصفعه لينظر له الجميع بصدمه.
نهايه الفصل.