عيني اذا نظرت لحُسنك سبحت، سُبحان من خلق الجمال وجملك ..

-2-

فتحت عيونها بهدوء بعد ما سمعت صوت الكابتن وهو ينبه انهم يربطوا احزمة الامان للهبوط
عدلت جلستها وربطت حزامها ولفت لقت عبدالله نايم احتارت تصحيه ولا لا وبعد صراع مع نفسها هزته بشويش وبهدوء صحى على صوتها وهو يناظرها
رهف بأدب : ما باقي شيء على الهبوط اربط حزامك
عدل جلسته وربط حزامه وحس بألم فضييع براسه
انتبهت له رهف وطلعت مسكن للصداع ومويه واعطته
ابتسم لها بتعب : ما تقصرين
ابتسمت له بالمثل
هبطوا على ارض السعوديه وبالتحديد جده وفتحت جوالها وانصدمت من كمية الرسائل اللي جاتها والمكالمات
ضحكت وقالت بصوت منخفض : يا حبيبييي انت
عبدالله سمعها وهو يفكر بنفسه بألف سؤال وسؤال اذا هذا حبيبها او احد ثاني وبعد استوعب انه ماله دخل
قطع عليه حبل افكاره صوت رهف : تحس بصداع للحين
ابتسم لها : لا شكرًا من بعد المسكن اللي عطيتيني اياه راح
رهف : الحمدلله
تجهزت وراحت لقسم الشناط عشان تاخذ شنطتها
جاها اتصال وردت بسرعه وبفرح : هلا بعيون وقلب وروح رهف
عبدالله وهو وراها حس بشوية حزن وقال بنفسه محظوظ اللي تحبه
وبعدين استوعب على نفسه وقال انه ماله شغل وانه ما راح يشوفها اصلًا غير هالمره
رهف بضحكه : الله يهديك يا اخوي من اول ما فتحت جوالي بالطياره وهو كله مكالمات ورسائل منك اللي يمسع يقول اول مره اركب طياره
ضحكت بصوت مسموع : لا تخرب المفاجأه وروح لامي اشغلها عشان ما تحس بأي شي وما عليك باخذ تاكسي واجي ماله داعي تستقبلني
سكرت من الجوال وانتبهت انو شنطتها بعيده وهرولت وقال بصوت مسموع لو سمحت ممكن تاخذ شنطتي
اخذ شنطتها ونزلها لها
وصلت وقالت بنفس متقطع بدون ما ترفع راسها : شكرًا...شكرًا مره
عبدالله : عفوًا ارتاحي نفسك مو منتظم
رهف ابتسمت لما رفعت راسها وشافته : شسوي كنت اكلم اخوي وانشغلت خفت الشنطه تروح
ابتسم عبدالله من كل قلبه لما عرف انو اخوها : الله يخليه لك الحين ارتاحي طيب لحد ما يرجع نفسك طبيعي
رهف بحماس وشوق : ما اقدر ارتاح ابي اروح البيت بسرعه واقابل اهلي
عبدالله وهو يراقب حماسها كأنها طفله انتبه للكارد اللي بشنطتها وكان عليه اسمها ورقمها
رهف : يلا انا بروح فرصه سعيده لاني عرفتك يا عبدالله
ودعها عبدالله وراحت
-
بمكان ثاني
وصل عند اهله واستقبلوه بكل فرح وشوق وصياح امه وضحكات ابوه وتراحيبه وحضن خواته
عبدالله يضحك : الله الله لى داري ان السفر بيخليكم تشتاقون لي هالكثر كان من زمان مسافر
ام عبدالله : البيت بدونك ما يسوى يمه هالمره لا ترجع لندن بسرعه الله يرضى عليك
عبدالله بحب : من عيوني اصلًا عشانكم ماخذ اجازه اسبوعين ولف على ابوه
ابو عبدالله بضحكة وعناد : من سمح لك تاخذ اجازه وانا صاحب الشركة؟
ام عبدالله لفت بسرعه : هذا بدال ما تقول خذ اجازه شهر بعد مو اسبوعين
ابو عبدالله يمثل الجدية : لا الشغل ما ينتظر ومو لازم يتكاسل فيه هالمره اجازه اسبوعين بكره يقول ابي شهرين
ام عبدالله عصبت : مو مبعد ولدي عني غير شركتك ذي
عبدالله وهو يراقبهم ويضحك : فديتك يمه ابوي يمزح هو بنفسه عطاني اجازه شهرين بس انا رفضت وخليتها اسبوعين لاني ما اقدر ااجل الشغل
ابو عبدالله قاطعهم وهو يتذكر : صح يا ولدي اليوم معزومين عند عمك ابو طلال ولما درى انك بتجي لزم انك تحضر العشى معنا
عبدالله : ابشر بس بمناسبة وش العزيمة
ابو عبدالله : ذابح عشان اخت زوجته جت اجازه بعد من الخارج ويبون يفرحونها لانها اول مره تجي من بعد ابتعاثها
ام عبدالله : اي يحتفلون برهف اخت ام طلال
عبدالله فز لما سمع الاسم وقال بسرعه : بروح اتجهز للعشى
راح غرفته يتجهز وينزل اغراضه وهو يدعي انها تكون رهف اللي بالطياره لانه بيكون اسعد انسان بالعالم لو طلعت هي مو معقوله من اول ما شافها وهي عاجبته واعجب برسمها وكلامها ورقتها وكل شي فيها حتى لما نامت وتأمل ملامحها وابتسامها وهي نايمه ولا لما حزن بما حسبها تكلم حبيبها ما يدري وش اللي يحس فيه معقوله هذا كله اعجاب بس؟ لا لا يمكن حب ! ايوه حب من اول نظره طول ما هو يتجهز وهو يفكر فيها ويدعي تكون هي بعد ما هلص نزل عند اهله وطلعوا يبون يروحون العزيمه.
-
اتصلت على مزون وعلمتها انها وصلت استقبلتها اختها ام طلال ومزون وهم يرحبون ويبكون ومشتاقين وكانت مشاعرهم ملخبطه وهي نفس الشي
رهف : اااه يا حبي لكم بس وين امي مشتاقة له مره وينها الغاليه
مزون : بغرفتها تعالي نروح لها صدقيني اذا شافت بتبكي اكثر مننا مره مشتاقه لك وتحيب طاريك
راحت رهف بسرعه ورا مزون ودخلت غرفة امها ولقتها تصلي ومو داريه ان رهف دخلت، خلصت من الصلاه ولفت تبي ترجع تريح لقت رهف منسدحة على السرير بطريقة تضحك : هلو مامي
الجده بدموع وصراخ راحت لها تضمها : رهففف بنيتي انتي حقيقه ولا حلم انتي عندي
رهف وهي تضحك وتبكي بنفس الوقت وتحضن امها بقوه وتبوس راسها : ايه يا جنتي حقيقه جيتك وانا ميته من الشوق لك ووصيتهم ما يقولون لك عشان ابيها مفاجأه
الجده : اعز من يجي يا بنيتي يا دنيتي انتي الله يخليك بس .