10
اخر ربيع
للكاتبه بنت الرافدين
ساره اكعدي طلع الصبح خلينا نرجع لببتنا
اباوع للساعه بسته الصبح
يمه من كل علقج نطلع هيج
شنو ناويه تبقين تتغدين هنا
ست اسيل
غداء شنو اكيد لا
بس مو بلسته نطلع
كومي اسيل وانتي ساكته اروح لبيتي ارتاح
طلعنه البيت هدؤء بعدهم نايمين والله يامي
حتى ماسلمت على عمتي
ولاقبلت حتى نغسل وجهنا
ميته من الفشله ليكول مسويه جريمه
من الخجل
طلعنا من باب المطبخ بي سركي نريد نفتحه
كعدت عمتي ماقبلت وكالت
شون تروحون بدون ريوك
لاداده بيتج عامر ان شاء الله
وعذريني لان زاحمناكم
يازحمه ام حمد زين بس تريكوا
لاوالله
البنات عدهم دوام لازم يرحن يبدلن
طلعنا
غسلنا وجهنا بحنفيه الحديقه
طلعنا من بيتهم لراس الشارع
ننتظر سياره المصلحه تجي
ونرجع نصعد فورتات مره ثانيه
نوصلنا لمنطقتنا لكيناها فايضه
والطين
وين واصل
ساره بسرعه بدلت واني سويت ريوك تريكت
وراحت على مدرستها
واني مادوامت تعبانه
والبيت يراد تنظيف وطبخ وامي هم مريضه
بس وصلت تريكت وأخذت علاجها و
فرشت فراشها ونامت
واني بقيت اشتغل للبيت وأكمل الخياط
إلي عندي
صارت الساعه
بالوحده اجتي ساره
تغدينا واني طلعت للدوامي بمجله
وصلت للكليه واشوف قصي
واكف باب الكليه يروح ويرجع والجكاره بحلكه
وعينه على الشارع
اووي فدوه لحبيبي منتظرني
كلبي يضحك قبل سني من شفته
رحت اسرع بخطواتي وصلت إله
هو جان داير دغيته
اول فز بس التفت شافني
ضحك
هلووو شونك
استوني صرت زين
ليش متاخره؟؟؟
بدت رحمه الله دخلنا بلتحقيق
ها معاجبج كلامي
مو واكف عاى رجل وحده فوك الساعه انتظرج
من غير الصبح كل ساع اجي لقسمج
وتاليتها ماقابله اسالج
اي طبعا حجيتها بدلع اريدك
دكلي اشتاقيتلج أكثر
ودكلي اختنكت بدونج
ليش شنو انتي بخاخ مال ربو
ماتضحك عفته ورحت امشي
اوكفي بت
التفت عليه وحزرته
يابه بت خوش ناس وعلى راسي يحجي وهو يخلي ايده علئ رأسه
شنو انت راجع ؟؟
غير اوصلج
لاعيني اندل طريقي روح هسه
اهلك اتغدوا وعافوك
حتى المواعين غسلوهم
اي شنو اسوي هذا حال الاعزب لو عندي مره ويغمزلي جان تبقى تنتظرني حتى لو للمغرب
اي ازوج منو لازمك
بس غير تتخرج حبيبتي
من ثاني يوم هي بيتي
اويلي شوكت يجي هذا اليوم
يجوز مااطلع من الغرفه
اكول روووح
رووح
كمت تخربط عفته ومشيت سريع
واني اضحك عليه
صاح عليه نهايه الدوام اجيج
سويتله بايدي باي وكملت طريقي
يالله احس نفسي عايشه بلجنه وياه
رحت علئ مكتبي
وجنان ظلت تسألني علئ امي
كتلها الحمد الله نطوها علاج.
