مجتمع ظالم💔🔥

انقلاب الأوهام🔥

المقدمة
اسراء:شاده شنطتها وماشية وتفكر بينها وبين نفسها وين بتمشي ووين بتأمن روحها اصلاا حرفيآ فقدت الثقه ف الناسس بعد تفكير طال لمدة ساعتين سلمت امرها ل ربي وقالت معنديش الا الانسان هذا بنمشيله لين ربي يفرج
________________________
ايمن:تمام احني نبدو فالموضوع ولو طلع صح وربيي ماقادر يحزها واحد!!
اسماعيل:ايمن هدي اعصابك وفكني من الطياشه متاعك متنساش ان تقدر تفضحنا فأي لحظة !
ايمن:ماه هوا هذا ل قاهرنيي اني مش قادر ندير ولا حركةة ع خاطر تهديدها
اسماعيل:شوية وقت بس
________________________
الجرس
الخدامه:تفضلي؟
اسراء:اهلين اني البنت اللي طالبتني مدام رزان
الخدامه:شبحتلها من فوق للوطه اها اي خشي للصالون شوية وتجيك المدام
اسراء:ابتسمت ....وخشت وف خاطرها تشوف هذا حوش حرام حتى يسكنوا فيه كل حاجة فيه منظر متستاهلش حد يلمسها ....قاطعها صوت
رزان:اهلين
اسراء:مشتت تسلم اهلا
رزان:انتي جاية سكن صح
اسراء:ايه اني ظروفي.....
رزان:تمام تمام مش ضروري تحكي شي خلينا رسميين في عندك جناح انتي وسيدرا توصل ساعة12تخشي ومعاش تطلعي من دارك تمام فاهمة
اسراء: استغربت من الاسلوب .....تمام
رزان:وبالنسبة للراتب متفكريش فيه ح تخلصي نهاية الشهر وبسعر حلو
اسراء: ابتسمت اوكِ شكرا
رزان:ايه ابدي توا اليوم جايين ضيوف نبيك تشكلي من الحار والحلو نبيها تكون حاجة حلوة طبعا اني معنديش اي فكره ع الماكله بس انتي اكيده تعرفي ....وعدد الاشخاص20
اسراء:تمام
رزان:سيدرااا
سيدرا:نعمممم
رزان:خودي ال.... شن اسمك؟
اسراء:اسراء
رزان: خودي اسراء وراها المطبخ وكيف الخدمة هني
سيدرا: حاضر مدام ....تعالي
____________________________
سيدرا:دخلتها لدار .....حطي شنطك هنايا
اسراء:حطتها.
سيدرا:طبعا نبي نقولك في قواعد ف الحوش هذا اول حاجةة ردي بالك تحطي عيونك فواحد من شباب ولو حد طلب منك حاجة ناديني اني نتصرف معاهم.
تاني حاجة غضي النظر ع اي شي تشوفيه يسألك حد ماشفت شي ومانندري ع شي والا يلزوك ومش حيقعدلك تسكني فيه
اسراء:ف خاطرها خيرها هادي ستانست وتهدد حتى قصدي فلاخير خدامه زيني زيها🙂
سيدرا:فاهمةةةةة!
اسراء:ااء اي تمام
_________________________
ساعة9ونص الليل
طق طقق
رزان:سييييدرا افتحييي الباب
سيدرا:مشت تجري فتحت الباب. ......اهليين نورتي مدام تقوى
تقوى:طبيعي حبيبتي بنور حوش اختي من غير ماحد يقولي
سيدرا:عوجت فمهااا وعطتها ابتسامة
تقوى: حولي من هنايا ولدي وبناتي بيخشو نعرف حركاتك تقعدي توريله ف فلاحتك وجو البنت طيبة حوووليي
رزان:سيدرا جهزي السفراء مع اسراء
سيدرا: مشت
تقوى:تحضن فيها بنفاق ....اححم اختي حبيبتي ليك وحشه والله
رزان:بفرح اهليينن تقوش حبيبتي حتى انتي ليك وحشه والله طولتي علينا
ع خشت رائد وملاك ومنار
(بنات تقوى)
رزان:ياهلا ياهلا زارتنا البركه ♥️تفضلوا لصالةة
رائد:اني طالع شوي ونجي منعلطش عليكم
تقوى:تمام وليدي رد بالك من ولاد وبنات لحرام
رائد:يما اني قاعد فالحوش راه غير عندي مكالمة
تقوى:متعرفش صغار لحرام تلقاهم فكل مكان
رزان:شافت لاختها وسكتت
___________________
رائد:ايواه. ..... لقيتوها؟
موحي:اي لقيناها لكن صارت عفسة مكناشش متوقعينها الهم
رائد:شن.........
للكاتبة لُـجـيـن الـغريـانـي🔥♥️
___________________
اسماعيل:ايمن وين انتا توا؟
ايمن: يسوق ف طريق مروح شن في تأكدت من الموضوع
اسماعيل:تعالالي فالحوش
ايمن:ت ياراجل شن تحسابها طياره وانتا ساكن ف لخلي المخلي ...
اسماعيل:لقينا موقع .......يتبععع.......
طبعا انتو اكيده مش فاهمين ولا عارفين شي ومتلخبطه عليكم
هل اسراء خايفة المكان يلي هيا فيه او لا؟
رائد:شن قصة غموضه ؟
الخادمة:سيدرا شن سبب تهديها ل اسراء وشن سبب قوتها اصلا
اسماعيل وايمن شن تخطيطهم وشن الشي يلي يدوروا عليه اساسآ
كل هذا ح تعرفوه وتفهموه ف الحلقات ♥️