Unicode
မနက်စာစားသောက်ပြီးချိန်မှာတော့ ပုံမှန်အတိုင်းပဲ
အားလုံး ကိုယ်လုပ်စရာရှိတာကိုသာ လုပ်ပြီးအနားယူနေကြချိန်။
ကုန်းကျွင်းတစ်ယောက်အပေါ်Coatတစ်ထပ်ဝတ်နေတာမြင်တော့
"ကျွင်းကျွင်း..ဘယ်သွားမလို့လဲ? "
တကယ်တမ်းကုန်းကျွင်းဘယ်သွားမလဲဆိုတာ သူသိပါသည်။
"ဒေါ်လေးချန်အကြောင်းသွားစုံစမ်းမလို့..ကျွန်တော့်စိတ်ထဲလေးနေတယ် ..သူမတစ်ခုခုတော့ မဖြစ်လောက်ဘူးမလား"
"မင်းတစ်ယောက်ထဲသွားမလို့လား"
ကုန်းကျွင်းမှာ ကျန်းကျီဟန်ကို ခေါ်သွားချင်ပါသည်။သို့သော်လည်း သူတစ်ယောက်ထဲသွားလှုပ်ရှားတာကပိုအဆင်ပြေလိမ့်မည်ဟုလည်းထင်သည်။ပြီးတော့ သူတို့နှစ်ယောက်လုံးပျောက်သွားရင် လီတိုက်ခွမ်းအတွက်တစ်မျိုးဖြစ်သွားမှာ ၊ကုန်းကျွင်းတစ်ယောက် မြွေမြွေချင်းခြေမြင်ဆိုသလို အနှီလူအားတစ်စက်မှပင်အယုံအကြည်မရှိ။
"အစ်ကို လိုက်ချင်လို့လား"
"ဟင်အင်း ..မလိုက်တော့ဘူး ..ဂရုတစိုက်သွား"
"အင်း..ကျွန်တော်ပြန်လာခဲ့မယ် ..မကြာပါဘူး"
ထို့နောက် ချစ်ရသူ၏ပါးတစ်ဖက်ကို မဆီမဆိုင်ပဲ နမ်းရှိုက်လိုက်မိတော့ ကျန်းကျီဟန်က သူ့ပါးကိုလက်နဲ့အုပ်ကာ
"မြန်မြန်သွားမှာဖြင့်သွားစမ်းပါကွာ"
ကျန်းကျီဟန်နဲ့စကားအပြောပြီး အိမ်ပြင်အထွက်မှာ အနှီလီတိုက်ခွမ်းနှင့် တည့်တည့်တိုးသွားလေသည်။
//ဒီကောင်ငါတို့အနားမှာပဲ တစ်ချိန်လုံးရှိနေတာလား//
"ကျွင်းအစ်ကို ..ဘယ်သွားမလို့လဲ"
"အာ ...ရှောင်ဟန်အတွက် တောင်အောက်မှာ သူစားတတ်တဲ့ မုန့်တွေသွားဝယ်ပေးမလို့..."
ကျန်းကျီဟန်မှာ ထိုစကားကိုကြားရင်တော့ သွေးတက်နိုင်လေသည်။
ဘယ်အရွယ်မို့လို့ သူကမုန့်ကိုအသေအလဲ ကလေးစားသလိုစားနေရမှာလဲ?
ВЫ ЧИТАЕТЕ
𝗘𝘁𝗲𝗿𝗻𝗮𝗹 𝗟𝗼𝘃𝗲我会永远爱你 (Complete)
Фанфик__ဘဝဆက်တိုင်း ကျွန်တော့်ကိုချစ်ပေးတဲ့ခင်ဗျားနဲ့တွေ့ဆုံရပြီး ခင်ဗျားနားမှာပဲ ကျန်ရှိတဲ့သက်တမ်းကို ကုန်ဆုံးချင်တယ် ။ ခင်ဗျားပြောခဲ့သလိုပေါ့ 'မင်းဘယ်ချိန်ရောက်လာမလဲ ဘယ်လိုရောက်လာမလဲ ငါမသိပေမယ့် မင်းသေချာပေါက် ပြန်ရောက်လာမယ်ဆိုတာ ငါသိတယ်'ဆိုတာကိုပေါ့...
