" ပန်းလေးတစ်ပွင့် ဖြစ်ခဲ့သည်" [ Zaw × Uni ]

"ကျွန်တော့်ချစ်သူ ဆိုးလ်မြို့သား ရွှေယုန်လေး"

XingHo part only !

Beijing , China

ပြိုင်ပွဲရက်က တဖြည်းဖြည်းနီးကပ်လာတဲ့အခါ ပြင်းထန်တဲ့လေ့ကျင့်မှုအသီးသီးကြောင့် သူတို့တပ်ရင်းလေးဟာ ဟိုတစ်စု၊ သည်တစ်စုနဲ့ အသက်ဝင်လို့နေတယ်၊ တပ်သားတွေအပြင် စစ်လေ့ကျင့်ရေးခွေး အလှပြပွဲတွေရော ပါတာကြောင့် အားလုံးဆူညံပွက်လောရိုက်နေကြတယ်၊

ကွင်းပြင်မှာ အလှပြလေ့ကျင့်နေတဲ့ကြားကနေ စစ်လေ့ကျင့်ရေးခွေးတစ်ကောင်က ရုတ်တရက်ကြီး ဆေးခန်းထဲကို ပြေးဝင်သွားတယ်၊ နောက်က တပ်သားလေးက ထပ်တူလိုက်ပြေးရင်း ဖမ်းပေမဲ့ လျင်မြန်လွန်းတဲ့ အရှိန်ကို မမှီနိုင်..

" ရှန်း! ရှန်း! "

သွက်လက်ချက်ချာနေတဲ့ ရှန်းက ဆေးခန်းအတွင်းကို ကော့တော့ကော့တော့နဲ့ အမြှီးရမ်းဝင်လာပြီး ဒေါက်တာပေါက်စဂျုံဒေး စာကြည့်နေတဲ့ ခုံပေါ်ထိ ဝုန်းခနဲ ခုန် တက်လာတယ်၊

" အိုမား! "

ရုတ်တရက်မို့ အသေးလေးက လန့်ပြီးထအော်တဲ့အခါ အားကိုးရတဲ့ သက်တော်စောင့်ကြီးမင်ဟိုက အနားကိုချက်ချင်းရောက်လာတယ်၊ ဆေးစာရင်းတွေ ပြန်စစ်နေတဲ့ Jackson ကတော့ ပြုံးရင်း လှမ်းအော်တယ်..

" ဘာမှမဖြစ်ဘူး..၊ မကိုက်ဘူး..

ရဲဘော်.. နှုတ်ဆက်လိုက် "

Jackson စကားကို နားလည်ပုံရတဲ့ ရှန်းက သူ့လက်ကို မြှောက်လို့ စစ်သားအပြုအမူဟန်ပန်နဲ့ အလေးပြုနှုတ်ဆက်တယ်၊ အဲ့အချိန်မှ မင်ဟို့နောက်ကျောကနေ ခေါင်းလေးပြူထွက်လာတဲ့ ဂျုံဒေးက ခက်ထန်တဲ့ အမူအယာဖြစ်နေတဲ့ ရှန်းကို အကဲခတ်တယ်၊ Jackson က လက်ထဲက ဖိုင်တွဲကို ဘေးချလိုက်ပြီး သူတို့ဆီ လျှောက်လာတယ်..၊

" ထိကြည့်မလား.. "

" အင်း "

Jackson စကားကြောင့် မျက်လုံးလေးဝိုင်းပြီး ကလေးပီပီ စပ်စုချင်တဲ့ ဂျုံဒေးက အရှေ့ကို တိုးလာတယ်၊

"ဟေး.. ငါတို့သူငယ်ချင်း လုပ်ကြမလား "

" ဝုတ်! "

ဖြည်းဖြည်းချင်း ဆန့်ထုတ်ပေးလာတဲ့ ဂျုံဒေးရဲ့လက်ကို လက်ဆွဲနှုတ်ဆက်တဲ့ဟန် ထိကိုင်လိုက်တဲ့ ရှန်းကြောင့် ဒေါက်တာပေါက်စက ကြောက်စိတ်ကင်းစင်သွားဟန်နဲ့ သဘောတကျရယ်တယ်၊ မင်ဟိုကတော့ ဂျုံဒေးခေါင်းလေးကို ပွတ်ပေးရင်း အဖေကြီးတစ်ယောက်လို ပီတိဖြာပြီး ပြုံးတယ်၊