#اسكرييت❤❤
ولما غضضنا البصر عنهم ظنو أننا نسيناهم
ولكننا علمنا أنهم رزق ، ورزق الله لا يأتي بعصيانه
ف والله ما غضضناه الا حبا .. 🖤
_ يا أنس انا مليت بجد منك .
= ليه يا مريم
_ يا أنس بقالنا ٦ شهور نعرف بعض لحد الآن محستش انك بتحبني ' انت حتي مصرحتش ليا بأي مشاعر جواك نحيتي
= وهو علشان مقولتش بحبك يبقا مش بحبك يا مريم ' طب وافعالي وخوفي عليك وقلقي لما بيكون عندك إمتحان وزعلي لما بشوفك زعلان كل دا ومفيش مشاعر
_ يا أنس كل أصحابي بيخرجوا وكل واحده خطيبها بيفسحها وعايشين قصه حب جميله
وله علشان انت شيخ بقا هتقولي الحب حرام
= ابتسمت ' الحب مش حرام يا مريم احنا قلوبنا بأيد الله عز وجل بس ممكن نحوله حرام.. لما اقعد ابصلك واتأمل فيك وربنا أمرنا بغض البصر ولما أقعد اتعزل فيك واقولك كلام حلو ودي خلوه والخلوه هنا لا تجوز ولما امسك ايدك واقرب منك كل دا هيكون حلو ومشاعر حلوه بس مش حلوه لينا 'انتي ضامنه منين اني اكون زوجك مش يمكن يحصل خلاف
وقتها هبقا انتهكت عفت قلبك واخدت برائته الي مش من حقي ' انا بحافظ عليك حتي من نفسي
هقوم اروح وفكري كويس ف كلامي ' السلام عليكم ورحمة الله وبركاته
مشيت وانا بدعي ان ربنا يهديها وتكون ليا الزوجه الصالحه
**
= يا ماما سبق وقولت اني مش هتجوز البني ادم المعقد دا
_ هو علشان محترم بقا وحش يعني لو كان قليل الأدب كان هيعجب سيادتك
= مش فاهمه دا عاجبك علي ايه بني ادم مقفل اقوله نخرج يقول لما اخويا ياخد اجازه ونخرج سوا وكل شويه الدريس دا لا .. الجيب دي لا
ويبعتلي فخطب ودروس علم وعايشلي ف كوخ
_ يعني انتِ عاوزه ايه يعني دلوقتي
= هسيبه يا ماما انا اتخانقت ' بارد ويقولى بحافظ عليك من نفسي ايه الفيلم الهندي دا
_ طيب ممكن أطلب منك طلب
= ايه !؟؟
_ ممكن تستني بس ٣ شهور لحد ما اخوكي ينزل أجازه تمام
= اوووف هتحملهم بالعافيه
..
السلام عليكم ورحمة الله وبركاته ايوا يا حماتي اتفضلي
_ ممكن يا أنس يابني تيجي اتكلم معاك شويه
= طيب عمي هيكون موجود أمته
_ بعد العصر وتكون برضو مريم نزلت الدرس
= خلاص بأذن الله اكون عندك ف المعاد
المكلمه مقلقه بنسبالي لأني واثق ان مريم مش طيقاني انا بنسبه ليها واحد معقد علشان مش حابب اعصي ربنا فيها.. انا عارف انها بتسمع من أصحابها ان خطيبها بيقولها كلام حلو والي بيخرجوا سوا 'بس انا اجنبي عنها وبخاف عليها حتي من نفسي ' اعمل ايه ف قلبي غصب عنه بيحبك يا مريم
