حياة آثر

الجزء الاول

كانت تمشي بخطواتها المعتادة في تلك الحاره القديمه تحمل فوق رأسها شباكه من الخشب تضع عليها ارغفه العيش الساخنه الخارجه من الفرن ترتدي عباءه طويله تستر جسدها وتضع طرحه سوداء خفيفه علي شعرها المجعد تجعل بعض الخصلات تتمرد منه فيجعل من مظهرها غجري محبب لمن يراها ..
: ي صباح الجمال والحلاة
حياة : صباح الخير ي عم محسن هاتلي ب اتنين جنيه فول بتخديعه وزود الطماطم عشان امي بتحبها وحط شويه مسقعه علي جنب كدا
عم محسن : داحنا عنينا ليكي ي ست البنات هوا والفول يبقي جاهز

تمشت بخطوات بطيئه وهي تحمل الفول وتحمل العيش فوق رأسها خشيه ان تتعثر بتلك العباءه ..
حياة وهي تترنح للخلف : اه مش تفتح ياعم
قال وهو ينظر لعيناها الساحره : معلش مخدتش بالي
حياة : كل واحد يمشي يخبط ف خلق الله يقول معلش مخدتش بالي يلا كلها محصله بعضها
: انتي بتقولي اي بشكلك دا م قولنا معلش لازمته اي بقا الكلام دا
حياة : انا مش فيقالك ع الصبح روح شوف اكل عيشك وحل عني
وذهبت بعيدا عنه بخطواتها ..
: كان الواحد ناقص عشان تتحدف عليه البلاوي ع الصبح .. شاي خمسينه ي ميحا
......
قال وهو يتقدم نحوها بتقزز : داحنا صباحنا فل ع الاخر صباح الخير ي ست البنات
حياة : صباح زفت ع الصبح وسع من طريقي
: الا الا الا داحنا صوتنا طلع ع الصبح وبقينا بنرد كمان
حياة : بقولك اي ي راجل انت انت ملكش دعوه بيا ارد ولا مردش ميخصكش ومش ف الرايحه والجايه يخويا تفضل ناططلي وتعبط ف الكلام وبعدين انت كل اللي يربطنا بيك ايجار الشقه الكحيانه دي وبعونك يارب فتره وهسيبلكوا الحاره الشؤم دي انت ليك تاخد الايجار وبس اكتر من كدا ميخصكش عن اذنك

.. وذهبت بخطى سريعه عن سابق أمرها وهي تتطلع الي مدخل المنزل . نظر في خطاها وهو يفرك يده في ذقنه بتقزز ويتجه الي القهوة : واد ي ميحا هاتلي كوبايه شاي بظبط الدماغ وقال في نفسه : اما خليتك ترجعيلي راكعه مبقاش توفيق علي سن ورمح

...........
حياة : صباح الخير ي ست الكل الفطار برا ع الطبيله انا هنزل عشان الحق الشيفت بتاعي
حنان : روحي ي حبيبتي ربنا يرزقك متنسيش تاكلي ي حبيبتي وابقي طمنيني عليكي بالتليفون
حياة وهي تقبل رأس والدتها : حاضر ي ماما سلام
خرجت من تلك الحاره المشؤومة لتتجه الي إحدى عربات الاجره وتتجه الي المشفى التخصصي التي تبعد الكثير عن الحاره
....
سمر : اتأخرتي ليه كدا انتي مش عارفه أن الشيفت بتاعك بقاله نص ساعه شغال
حياة : معلش ي سمر والله غصب عني المواصلات والزحمه
سمر : انتي لسه هترغي روحي ياختي انا فضلت مكانك لحد دلوقت مروحه انا بقى عاوزة حاجه
قالت لها وهما يقبلا وجنتا بعض : لا ياختي سكه السلامه وكتر خيرك
ذهبت وتركتها لتبدأ عملها المعتاد
: حياة حياة
حياة : أيوة ي مؤمن في حاجه ولا اي
: لا اصلك اتأخرتي النهارده ف قولت اسال عليكي ليكون في حاجه حصلت لقدر الله
حياة بابتسامه : لا متقلقش زحمه مواصلات بس رايحه اشوف الشغل بقا
تركها وذهب الي عمله ..
( سمر : صديقه عمل لدى حياة تكبر منها بعامين يتعاملان بود ولا تسئ لهم اي شي خاص بصداقتهما )
(مؤمن : صديق عمل لدى حياة يعتبرها اخت له فهو لا يملك اخوات لا يملك سوى اخ صغير يحب التحدث مع حياة كثيرا ويحمل عنها مسؤوليات العمل في بعض الأحيان يكبرها ب عام فقط وكان خير سند لها حين تحتاجه)
............
كومنت ❤️
تصويت 😍