لا أصدق أننى عشقت ملكة المافيا

الحلقة 16

كانت سلسبيل تنزل على السلالم وإيمى اول واحدة شافتها نظرت لها نظرة بدون مشاعر وتكاد تكون باردة
ونظرت فى إتجاه أخر وتجاهلتها تماما
كلهم رأوها وهى نازلة ورأو ملامح إيمى الباردة تجاهها
أبرار بصوت واطى: حاسة سيكا انك هتقومى تاكليها
إيمى بهدوء وصوت طبيعى لم تخفضه
إيمى: لاء عادشي يا أبرار هى اللى خسرانه
وراحت حاطة إيدها على كتف يوسف
شابنا شاب حليوة وقمر تتمناه كل البنات
هيختار البنت اللى عاوزها وهروح اجوزهاله علطول
وبصت لسلسبيل
إيه ده سلسبيل انتى نزلتى
عاملة إيه
سلسبيل: الحمد لله يا إيمى وانتى
إيمى: أحسن منك الحمد لله
سليم بصوت واطى: يخربيتك جبروت
حمزة سمعه وضحك
سلسبيل: يارب دايما تبقى أحسن منى ويدوم حمدك
إيمى: ليكى وليا يا سكر
سلسبيل: بس انتى جيتى امتا على كدة
إيمى: جيت امبارح فيه حاجة
سلسبيل: لاء مفيش طب ونمتى فين ده مفيش أوض فاضية
إيمى: ده بيتى مش حوار كنت ممكن أقومك من الأوضة دى وأنام فيها كدة كدة دى اوضتى أصلا اما كنت باجى هنا كنت بنام فيها
"راحت قعدت فى حضن يوسف عشان تغيظها"
بس انا عمرى ما أعمل كدة فى ضيوفى طبعا
روحت نمت مع يوسف حبيبى تصدقى كان وحشنى حضنه أوى محضنتوش بقالى داخلة فى تلت أسابيع
ما تيجى كدة تقعدى معانا متعرفيش أى بنات كويسين ليوسف وسيف أصلا شكلهم هيعنسوا
سلسبيل دموعها اتجمعت
وقالت: طبعا منورة ده بيتك طبعا وللأسف معنديش بنات كويسين عن إذنك
إيمى: إذنك معاكى يا سكر
أبرار: يخربيتك حرفيا البت صعبت عليا
على: تستاهل عشان تتعلم
سليم: حاسس سيكا انك مش اخوها
إيمى كانت قامت وهتروح وراها
بس افتركت دموع يوسف ووجعه
فقعدت تانى جمبهم
وقالت: على روح وراها انت اخوها لازم تبقى معاها
على: هروح حاضر
على راح وفضلوا كلهم قعدين
داليا: حرام عليكى مينفعش تعملى معاها كدة
روحى اعتذرى ليها يلا هى حتى أكبر منك
إيمى ببرود: اما تيجى هى تعتذر على اللى عملته امبارح
هبقى أروح أعتذر ليها
وبعدين هعتذر على إيه مشتمتهاش بأبوها ولا بأمها
ده انا بس كنت باخد رأيها فى بنات كويسين معملتش حاجة
داليا: وبالنسبة لحكاية الضيوف
إيمى: بردو معملتش حاجة اما أبقى أمشيها من الأوضة تتكلم غير كدة متتكلمش وملهاش حق تتكلم أصلا
داليا: هتفضلى طول عمرك كدة يا بنت بنتى
إيمى بزعيق: ستى أربوكى متتكلميش عن ام الموضوع ده تانى زى ما حرقتلى دمى إمبارح بسبب اللى عملتو
ودموع يوسف اللى غرقت هدومى إمبارح بسببها
كنت هعمل أكتر من كدة وبعدين يعنى انتى
شايفاها مش غلطانة هوا إيه اللى اختبار معلش
عشان تعرف بيحبها ولا لاء
هى أكتر واحدة عارفة يوسف
دى علطول كانت معانا هى وعلى
وعارفة ان يوسف بيحبها أد إيه يمكن اما كبرت فكرت ان هوا نسيها
بس انا أكدتلها ان هوا بيحبها
وبعدين انت عارفة ان أى ولد عمره ما بيتتازل عن
كبريائه وكرامته غير لما بيكون بيحب بجد وساعتها بيعترف للى ادامه انه بيحبها ويمكن لغرض تانى اللى هوا بيستغلها بس يوسف عمره ما يعمل كدة
وانتى عارفة ان يوسف عمره ما يعمل حاجة زى كدة
وهى نفسها سلسبيل عارفة انه عمره ما يعمل كدة أبدا يوسف بيخاف على اللى ادامه أطتر من نفسه
وبعدين انا مبتكلمش عشان هوا أخويا
وانتى عارفة انه لو كان عمل كدة مكانش هيكفينى
فيه روحه او راسه لأن عمر ما أتمنى ان الحاجة دى تحصل لبنت أبدا وانتى عارفة كدة
سكتت وبعدين كملت
وقالت بزعيق أكتر: انتى يعنى مدايقة ان بس ادتلها كلمتين فى جنابها صح طب تمااااام
إيمى قامت بسرعة وطلعت على فوق
وخبطت على اوضة سلسبيل وفتحلها على
دخلت علطول وكلهم طلعوا وراها
إيمى بزعيق لسلسبيل: بصى بقاا عشان منلفش وندور
أى نعم اتحرق دمى امبارح بسبب اللى عملتيه
بس معلش لو انتى بتحبيه بجد مكنتيش عملتى كدة
وكان حتة عندك شوية دم وذرة احساس وحتى إعتذرتى ليه
غيرتى اما قلتلك ان انا نمت فى حضنه
وغيرتى لما قلتلك تعالى تنقى معانا بنت
بس أحب أقولك ده مش حب ده مرض وتملك
لو بتحبيه بجد عمرك ما هتزعليه عمرك ما هتخلى دموعه تنزل أبدا عمرك فاهمة
لو على الإختبار ف تمام ده عادى
لكن انك تقولى عليه ان ممكن يكون زي ويقتل الناس
او يسيبك او يخونك او يعايرك بأبوكى
انه اعتدى عليا واتزفت عمل اللى عمله
ف معلش لاء انتى بتفكرى فى حاجة لسة فى المستقبل لسة محصلتش ده هوا لسة بيعترف
ليكى حتى وبعدين الواحدة اما بترفض حد او هى بتترفض من حد بتقول
انا أسفة انا مرتبطة بولد تانى
ومش عاوزة أظلمك معايا ان شاء
الله تلاقى البنت اللى تحبك بجد
وتعوضك عن أى حد تانى
ساعتها أصلا اللى رفضتيه هيحترمك بسبب زوقك
معاه وعمره ما هيضغط عليكى ممكن لو هوا بيحبك اوى ممكن يزعل بس هيؤمن بقضاء ربنا وهيقول ان شاء الله خير هلاقى الأحسن واللى خير ليا ان شاء الله وبعدين مش انا اللى خليت يوسف ميرضاش
انا سألتك وانتى قلتى موافقة بعد ما جرحتيه عاوزة منه
انه يقولك خلاص انا موافق يا حبيبتى ونبدأ صفحة جديدة ويجرى عليكى يخدك فى حضنه ويلف بيكى
احنا مش فى رواية ولا فى فيلم ولا مسلسل
ما أكيد هوا عتده كرامته وكبريائه اللى اتخلى عنهم
عشان يعترف ليكى بحبه
ودلوقتى بيسترجعهم وبيلم كرامته اللى انتى اهنتيها
وبكل وقاحة وبجاحة غيرانة معلش انتى لو بتحبيه
عمرك ما هتحاولى تعملى اللى عملتيه ده
واهو يا سلسبيل بعيد عن يوسف وبعيدًا عن أى حد
انا اهو بقولك
انتى يا سلسبيل متستهالهوش
ومش تستاهلى حبه ليكى
وان شاء الله هيلاقى اللى أحسن منك
وهوا هيحبها
واللى تحبه بجد مش حب تملك ولا مرض
سكتت شوية ورفعت شعرها لورا
وقالت: طبعا انا حتى لو انتى زعلتى حد من الناس اللى غالين على قلبى مهما كان انتى لو عاوزة حاجة منى انا موجودة وهكون معاكى وهساعدك
ده لو عاوزة حاجة منى غير كدة
احنا صحاب وبس تمام او ممكن تعتبرينى غريبة عنك ومتعرفنيش بس وقت ما هتحتاجينى هتلاقينى
وخرجت برة الأوضة وكلهم كانوا واقفين
سابتهم وراحت على اوضة يوسف وجابت حاجتها كلها ولبست هدومها
وخدت الهدوم بتاعت يوسف اللى كانت لابساها
وراحت على اوضة سيف وخدت تيشيرت ليه وشروال
وخدتهم وخرجت من اوضته
ونزلت على تحت
كان سيف ويوسف نزلوا وراها
وكلهم نزلوا
وسلسبيل فضلت تعيط وقالت لعلى ينزل
وانها عاوزة تقعد لوحديها
داليا: هديتى من عصبيتك يا مجننانى
إيمى بهدوء: الحقيقة لاء
داليا: يالهوااااى الحقونااى البت هتجيب أجلى
إيمى: ستى انا مش بهزر علفكرة فى الموضوع ده
وكل الكلام اللى قلته فوق ده كان من قلبى وكله هيتنفذ وانا مش بعتبرها غير بنت خالى وبس
وبعدين الموضوع خلص وموضوع أدم لو حد فتحه تانى هيزعل منى جامد ده عمتا
يلا انا همشي دلوقتى
يوسف: لاء متمشيش دلوقتى
إيمى: لازم أمشي يا يوسف لو قعدت أكتر من كدة هتتعرضوا للخطر
داليا: وحيات سلمى اقعدى معانا شوية حتى تكلى معانا وبعدين امشي
إيمى بتذمر: طب انتى ليه بتحلفى بيها وبعدين بجد
هعرضكوا للخطر لو قعدت
سيف حضنها من ضهرها وقال بضحك: حلفت بقا بالغالية هتقعدى يعنى هتقعدى
إيمى: يعنى انتو موافقين تترعضوا للخطر
يوسف: طالما انتى معانا خلاص مش عاوزين حاجة تانية
إيمى: يا شبااب افهموا اووووف
سيف: الغالية يا إيمى انتى بطلتى تحبيها ولا إيه
إيمى بسرعة: لاء طبعا مستحيل اووف طب حاااضر
هاتوا بقا الأكل بسرعة عشان أكل وأغور
سليم: كتك وكسة توكسك يا شيخة زهقتينا واحنا بنقنع فى ميتينك
إيمى: إيه اللى سمعته ده حقيقى انتى بتشتمنى
هه بتشتمنى انا ويتقولى وكسة توكسك يا سوسو
سليم: سوسو احييه أحييه على أخر الزمن دلعى يبقى سوسو يا مرك يا سليم يوم ما تتدلع تتدلع ب سوسو لاء ومن ميين من جعفر نفسه
إيمى: ولااااااع هقوملك
سليم: ده انا سوسو وام سوسو وأبو سوسو واخو سوسو انا سوسو يا ستى خلاص انتى هتتعصبى عليا
قعدوا شوية يناقروا فى بعض وبعدين
تلفون سليم رن
وكان فهد سليم اتكلم ووقف بعيد
وكلهم كانوا بيتكلموا مع بعض
سليم: فهد ازيك عامل إيه
فهد: مش كويس وهطحن من إيمى البضاعة اللى فى مخزن السند اتسرقوا دى هتعمل من فخادى شاورما الله يحرقك
سليم: لازم تقولها عشان لو عرفت من غير ما تقولها هتضربنا كلنا وكفاية تضربك انت بس
فهد: انا مش عارف اوصلها
سليم: هى معايا دلوقتى ادهالك
فهد: أحييه دلوقتى
سليم: إتشاهد على روحكك هههه
إيمى: سلييم بتكلم مين
سليم: هااا مفيش
إيمى: بتكلم مين اخلص مفيش حد بيعبرك غيرنا
لتكون شوفت بنت وأخيرا جدوو هيجوززز لولولولولولواااى
سليم: لاء مفيش حد هيجى ويملى عينى
انا عاوز بنت تبقى امزز منى ومحتاج حد
يستحق جمالى
( أظن تقريبا معرفنهوش
سليم: شاب يبلغ من العمر الواحد والثلاثون عمرا
أمه ماتت وهى بتولده
وأباه رباه وعلمه ولكن أباه مات وسليم كان عنده 20 سنة وكمل جامعته وكان بيشتغل عشان يجيب مصاريف الجامعة واتخرج وبقا مدرس أحياء ودكتور برضو 
وجه يشتغل فى مدرسة مقبلتش بيه لأنه كان فقير ومكنوش مصدقين الشهادة وفضل يدور فى مدارس كتير ومتقبلش فيها وجه فى يوم وقابل إيمى
وبقوا صحاب وأول ما دخلت المافيا إستعانت بيه وقالت يشتغل معاها
وجابته انجلترا وخلته الحارس الشخصى بتاعها
مقابل انه يعيش معاها لأنه فقير
ملامحه تتميز ببساطتها وعيناه البنية
كان طويل كثيرا ولديه عضلات وجسم رياضى جميل فهوا من المافيا كما تعلمون)
إيمى: تبا لتواضعك يا سليم مغروور
سليم: ده مش غرور دى تناكة وتكبر
إيمى: ما شاء الله التلاتة نفس المعنى
سليم: خدى فهد عاوز يكلمك
إيمى: فهد تصدق الواد ليه وحشة بردو
فهد: احيه لااء أشهد أن لا إله إلا الله وأن محمدا رسول الله
إيمى: انت بتتشاهد كدة ليه فى حد هيموتك ولا إيه
احييه انت عملت إيه ايه اللى حصل يا فهد طالما بتتشاهد كدة يبقى فيه حاحة حصلت الله يحرقككك اتكلم مش هشحت من بقك ميتين ام الكلام
فهد بخوف: بضاعة مخزن السند اتسرقت
إيمى: نعااااااااااااااااام يا روحمككككك
الواحد ميستامنكش على أى حاجة ولا أى زفتت
ازااى ده حصللل وامتاااا الله يحرقككك
فهد: امبارح
إيمى: طبب عرفتت ميين
فهد: لااء خلاص يا إيم انا أسفففف بقااا الله يحرقك
إيمى: وبتدعى عليا كمان وانت اللى غلطااان الله يحرقككك يلعن ميتينك يا شيخ
فهد: طب بصى بطلى عصبية انتى شاطرة وذكية ونبيهة هتعرفى مين لو عندك بقااا سيف ويوسف ادهوملى أسلم عليهم والله اتوحشتهم برشاااا العياال دول
إيمى: تصدق بقااا تصدق بقااا هتصدق أن شاءالله
يلعن ابو إستفزازك عيلل رخممم خد اهم معاااك يا مستفززز
سيف ويوسف كلموا فهد
فهد: اختكوا هتكلنى فى يوم وهتتشاهدوا عليا إبقوا بس افتكرونى
يوسف: هنوزع على روحك ان شاء الله بيرا وخمرة
سيف: ومش هنجيب صبار نزرعه لاء هنجيب حشيش ونزرعه فى مقبرتك
فهد: والله يا شباب الواحد مش عارف من غير حبكوا ده كان هيعمل إيه فى حياته وهيعيش ازااى والله
سيف ويوسف: أى خدمة يا معلم
فهد: بتكلم بجدد اختكوا دى مشكلة
إيمى: يلعن ميتيينك أقفل يا فهد عشان منطش ليك من التلفوننن
فهد: بااى بااى لا تنط بجدد من التلفون
فهد قفلل وكلهم فطسانين على فهد
أبرار بضحك: والله عنده حق يخاف انا كواحدة خوفتت بجدد
حمزة: دى إيمى دى فى عصبيتها ما شاء الله عليها بجد أكترر واحدة تتعصب فى المجرة
داليا: فى الكون قصدكك
إيمى: اتريقوا اتريقواا
البضاعة اتسرقت من ميين بسس
ايوة هوا البارد ده
العاهرر الأحمق اللعين ده
داليا مسكت إيمى من ودنها: لو الألفاظ دى اتذكرت تانى هتزعلى منى
إيمى: خلصانة نقولها بالترجمة
فتى الليل اللعنة عليه أينما كااان
ذاك الأحمق اللعنه علييه النااار النااار
جاااك المووت يا تاركك الصلاااة
اللى خلى ستى تخدنى من ودنى بالشكل ده
بريستيجى بريستيجى
حراام والله كرامتى فى الأرض
هات يبنى الجاروف عشان ألم كرامتى من على الأرض
خلاص يا ست الكل سيبى ودنى طاااب
كلهم فصلوا على كلام إيمى
داليا: يالهوى بنى ادمة فصيلة والله
إيمى: أى خدمة يا ست الحاجة ضحقتك
والله مفيش حد بيضحقك أدى
اتفشخرر بقااا
داليا: اتفشخرى ياختى اتفشخرى
وبعدين إيه ضحكتقق دى انتى من تونس يا بت
إيمى بضحكك: والله واتوحشتك برشاا يا ست الكل
كلهم ضحكوا على كلامها
وفى الوقت ده نزلت مى مرت خالها
مى: يعنى تقولى للبنت كلام وحش
وزى السم شبه وشك وتنزلى تضحكى ولا كأنك عملتى حاجة
سيف كان هيرد
بس إيمى منعته
واتكلمت ببرود وإستفزاز: والله الوحش بيشوف كل الناس اللى حواليه وحشين وبعدين انتى عارفة
ان بنتك غلطانة ف انا بقول توفرى كلامك عشان قرفانة أسمعه وتطلعى تقرفى بنتك فوق
مى: انت معندكيش لا دم ولا إحساس علفكرة
رفضت أخوكى فيها إيه اخوكى مش مناسب ليها
ليه تقولى ليها الكلاام ده
إيمى ببرود وهدوء وتقطع فى الكلام لإستفزازها: حوش حوش حوش
انا دلوقتى اللى معنديش دم اممممم
وبردو انا اللى معنديش احساس...صح
ايوة انا....
انا.. اللى ظالمة
ضحكت وكملت
وانا.. اللى وحشة
وانا اللى بردو.. افتريت على بنتك
وسمعتها كلام زى السم
ايوة انا اممممم
ايوة انا يا مرات خالى
وبنتك بريئة
وانا اللى وحشة
ايوة انتى صح وانا غلط يا مرات خالى
انتى صح
وانا غلط
وبنتك صح
وانا غلط
بصى يا مرات خالى من غير لف ودوران انا مش ندمانة
على كل كلمة قلتها لسلسبيل او ليكى
وبعدين لو مش عجبك البحر مليان
ولو مش عاجب بنتك بصى فيه حيطة هناك اهى وفيه اهى واهى
اوعى يا سليم كدة واهى وفيه بردو دى
تشوف تخبط راسها فى أى واحدة فيهم ي إما لو مش عاجبها تعد كام حيطة فى الأوضة اللى قعدة فيها او فى البيت كله
وتختار اللى تعجبها وتناسبها وتخبط
راسها فيها
يلا بقا أطلعى لبنتك عشان يا عينى انا
ظالمة وسمعتها كلام زى السم
ف إطلعى انتى وقوليلها كلام زى الفل
زى وشك كدة
وإبتسمت ليها بإستفزاز
مى جت تمشي وادتها ضهرها
إيمى: مرات خالى لو كنتى فاكرة ان انا ناسية
موضوع الوديعة او مش فاكراه ف انتى غلطانة
مى بصتلها بصدمة وخوف
أيوة كدة ياريت تتظبطى معايا وكلامك اللى بتقوليه
وانتى مش عارفة جزاته إيه او هيعملك إيه
تحذرى منه
أدم رحمك من العذاب اللى كنتى هتشوفيه على إيدى
يوم اما اداكى الحبوب بتاعة الهلوسة
حسيت انك كدة اترحمتى من عذابى
وعشان كدة جيت ساعدتك وقلت عادى المسامح كريم
بس انتى ناوية تفتحى القديم
وانا بقول بلاش عشان منزعلش من بعض أكتر من كدة
مى: انتى عارفة ازاى كل ده
إيمى ببرود: قولى انتى مش عارفة إيه
انا عارفة كل حاجة بلاويكى انتى وأدم
وأمينة وعبد الخالق كلها معايا
وكل واحد فيكوا هياخد جزائه يا حبيبتى
انتى كنتى خلاص خدتى جزاءك بس انتى ناوية
تخديه تانى ولا حاجة
فاكرة البنت اللى كانت بتيجى تعيط ليكى
عشان خالها ضربها او على كان بيلعب معاها
ووقعها فاكراها انتى صح
ادعيلها بالرحمة لأنها ماتت وانا دفنتها
بإيدى
انا دلوقتى غير زمان انا أضربك وأضرب جوزك وأبوكى واللى جابوا أبوكى كمان عشان تكونى
فاهمة
انا أقدر أكسر عضمك بإيد واحدة بس
عشان تكونى عارفة
ياريت بقا تحذرى معايا عشان متندمنيش
انا معايا حاجات ليكى كتيير
ال..... ولا ال......
ولا بقا ال.... الكبيرة
وطبعا انتى عرفتى قصدى على إيه
مى بخوف: حتى دى عارفاها
إيمى: وانا أقدر أنساها انا أول ما دخلت المافيا
أقسمت ان هنتقم من أى حد مد إيده على امى وأبويا وجدى وستى او حتى خطط معاهم
او فكر لمجرد تفكير انه يمد إيده عليهم
وانتو مش مديتوا إدكوا وبس ده انتو
فتلتوهم
عبد الخالق خلاص انتقمت منه بس مقتلتوش عذبته
وهوا بقا هيموت براحته
كدة فاضل جوزك وأمينة أمينة عمتا كفاية بعد عبد الخالق عنها هيخليها تتعذب مين اللى هيجبلها
الاكل والشرب والفلوس وكل حاجة ليها
ف كدة خدت حقى منها ومن جوزها
وخدت حقى من جوزك بردو
جوزك بقا ده اللى كان حسابه كبير اوى
كفاية جدى وخططته لقتل أخته اللى من لحمه ودمه وجوزها
وقتل اخت يوسف اللى لسة مجتش على الدنيا هوا وعبد الخالق واعتدائه على بنت أخته
وقال الخال والد قال
سكتت وكملت بنبرة تحذير
انا هندمه على كل حاجة عملها فيا وفى عيلتى
وهندم أى حد كان ليه يد فى الموضوع
مى طلعت وسابتها وهى خايفة
وسلسبيل كانت على نفس حالتها
على: هى عملت إيه
إيمى بصتله بوجع
وقالت: كفاية أبوك اللى خسرته بسبب أعماله
مش يبقى أبوك وأمك
على: يبقى أكيد عملت حاجات زى أبويا
انتى هاخدينى بذنبهم صح
إيمى بإبتسامة هادئة: هى ك عملت ف عملت بس عمرى ما هخدك لا انت ولا سلسبيل بذنبهم
ومشكلتى مع سلسبيل مش عشان المواضيع
بتاعت زمان
على: شكرا ليكى
إيمى: العفو
داليا بدموع: قصدك إيه يا إيمى بكفاية جدى وبعديها قلتى قتلتوهم
إيمى بصت ليها بوجع
وقالت بدموع: انتى بتحسبى أدم ضربه اليوم ده
ومشي وبعدين حصلت حريقة وطعن نفسه ضح
عشان أدم طلع شهادة مرضية تثبت انه مريض نفسي
نزلت دموع إيمى
وقالت: أدم ضربه وبعدين جدى كان ماسك السكينة وبيقطع قشر التفاح انتى عارفة مكانش بيقدر يكله بقشره وماسك السكينة فى إيده
أدم مسك إيد جدى وطعنه فى بطنه
وبعدين راح حرق المكان
وطلع شهادة مرضية انه مريض نفسي عشان مفيش
حد يعرف
داليا دموعها نزلت وقالت: وانتى عرفتى ده كله منين
إيمى: كنت ساعتها راحة لجدو عشان أقعد معاه شوية
ولقيت أدم بيتخانق مع جدى فخوفت وفضلت برة وشوفت كل اللى حصل ده
وشوفته وهوا بيخرق وساعتها روحت لماما وفضلت أعيط وأقولها جدوا اتعور
وكلكوا افتكرتوا ان فعلا هوا مريض نفسي
وطعن نفسه
وكلامى أكدلكوا كدة
وانا كنت صغيرة ساعتها مش عارفة كلمة
طعن ولا حاحة قلت اتعور
وكمان قلت اتعور مقلتش
خالى عوره
وبعدين حتى لو كنت قلت انا طفلة صغيرة مش هتصدقوا
وبعدين أدم أصلا جه بعديها ومثل
بالشكل زى مانتى شوفتى
وكلكوا صدقتوه
انا بكرهو اوى
وهفضل أكره
عمل حاجات كتير اوى غمرى ما هسامحه عليها
داليا دموعها نزلت
وقالت: أدم ازاى يعمل كدة
وفضلت تعيط
سيف راح حضن سته
وقال: خلاص يا ستى ادعى لجدوا بالرحمة
وبطلى عياط عشان خطرى
داليا: شوفت حتى فى أبوه عمل إيه
سيف: متعيطيش بقا خلاص أدم ميستاهلش دمعة
واحدة تنزل من عيونك ودلوقتى ادعى لجدى بالرحمة
داليا: ربنا يرحمه يارب ويغفرله
أبرار: دودو بطلى عياط كدة وفكى ده انا
بقالى حوالى يومين مروحتش الجامعة
وهتشقلط من ناس كتير
تعالى اضحكى عليا يالهوى دى مريم هتعمل فيا عمايل
داليا مسحت دموعها ومسكتها من ودنها وقالت: ايوة صحيح انتى مش بتروحى الجامعة ليه
أبرار: القعدة معاكى أحلى يا دودو اوماال
داليا وهى لسة ماسكاها من ودانها: تروحى الجامعة من بكرة تمام
أبرار وهى بتسقف: بكرة أجازة رسمى عشان فيه حاجة مش عارفة إيه بصراحة بس المهم بكرة احازة ومش هروح الجامعة نيهاااا نيهاااا
إيمى: حتى وانتى كرامتك بتقع فى الأرض قعدة بتهزرى
أبرار: البركة فى دودو ربنا يديمها توقع كرامتى على الأرض كدة
داليا: مش عاوزة مصلحتك
أبرار: طب والله انتى عسلل انا امى وأبويا
زهقوا من كتر ما بتكلم عنك بدأو يغيرو تقريبا
داليا بضحك: يا عبيطة
كلهم ضحكوا وكلوا
وإيمى ودعتهم ومشيت
بعد زن رهيب من يوسف وسيف ليها انها تقعد

***

إيمى سابتهم وراحت مكانها وإرتاحت شوية وخدت العلاج وبعدين بدأت تتجه لمكان شريكها
وصلت إيمى ودخلت علطول من غير إستئذان
وبهيبة تخض
إيمى: على أساس ان انا ممدوح ولا چورچ ولا عيل صغير عشان معرفش انك انت اللى سرقتهم صح
هتستعبط يا مراااااد
مرااد بخوف:..........

***

من هوا مراد؟
وماذا ستفعل له إيم؟