حياة آثر

الجزء الثالث

: انت ي اخينا !
: هه انت مين
: انت اللي مين وقاعد قدام شقتي كدا ليه ولا مستني مين
: انت .. انت اثر ؟!
نظر له أثر برعب مما أثار ضربات قلبه أجل لقد احس بشئ في قلبه جعله ينظر لذلك الفتى وينتظر ما سيهلك حياته !
.......................
محمد : طلع شقه ف حاره ومنزلش لحد دلوقت ؟
: أيوة ي باشا منزلش بقاله حوالي تلات ساعات وشويه
محمد : تعرفلي كل تحركاته وتقولي راح فين وقابل مين
: مفهوم ي باشا .
.....................
اثر : اي الكلام اللي انت بتقوله دا
: والله زي م بقولك كدا انا ابقى انس ابن عمك واللي بقلهولك دا الحقيقه
اثر : لا دانت مجنون رسمي
انس : عاوز تصدق صدق مش عاوز عنك بس بقولك أن أمك ف خطر حالتها مش كويسه خالص وابوك مش ناوي يعيشها سالمه ابدا
اثر : اي يخليني اصدقك وجبت اسمي وعنواني منين
انس : ليا معارفي وجبتك عادي يعني يمكن مفيش صور ليك أو اي حاجه لان ابوك رماك وانت مكملتش شهور بس ممكن اجبلك حاجه من ابوك وتعمل تحليل DNA وساعتها تعرف اني مش بضحك عليك ولا جاي اقول اي كلام اهم حاجه ننقذ امك قبل م تموت دي نفسها تشوفك عموما دا رقمي خليه معاك وانا مستني رأيك لو قولت موافق هجيب شعره من ابوك ونكمل اللي المفروض يحصل من زمان
..
وتركه وغادر وقاد سيارته خارج الحاره هرول خلقه ذلك الرجل المسؤول عن مراقبته ليكشف عما يحفر حوله ..
..............................
حنان : حياة حياة
حياة مهروله : أيوة ي ماما مالك
حنان : ناوليني ي حبيبتي البرشام من علي الترابيزه اللي هناك دي لحسن نسيت اخده
ولم تتحمل قليلا حتى توجهت حياة لتحمل تلك العلبه بيدها وجدتها مغشي عليها علي الكرسي ولا تتحرك
هرولت لها وهي تلطم وجهها بخفه : ماما ماما قومي ي حبيبتي مالك ماما فوقي
لم تنتظر واتصلت بالاسعاف وحضرت وحملوها الي المشفى
.........
حياة : طمني ي دكتور امي مالها
الطبيب : حالتها مش كويسه خالص ازاي تهملوها كدا دي مريضه كبد يعني محتاجه اهتمام
حياة : والله ي دكتور بتاخد العلاج ف معاده ومشتكتش ابدا
الطبيب : وريني روشته العلاج
أسرعت وفتحت حقيبتها مخرجه منها ورقه مطويه : اهي ي دكتور
نظر لها ثم بدت علي ملامحه الحزن : دا مش دوا مناسب لحالتها الدوا دا لو حد لسه بادئ علاج بس استاذه حنان بقالها فتره بتعاني من الكبد ودا خطر عليها انها متاخدش العلاج الصحيح
حياة بخوف : يعني اي ي دكتور قولي امي هتبقي كويسه ؟
الطبيب بقله حيله : مرحلتها متأخره جدا وممكن ف اي وقت الكبد يتوقف عن العمل احنا عملنا اللي علينا وربنا ف أيده الشفى
حياه بدموع حارقه : هينفع تروح معايا ؟
الطبيب : طبعا لا لازم تبقي تحت رعايه هنا ف المستشفي
حياة بحزن : شكرا ي دكتور
دلفت الي غرفه والدتها وجدتها ترتاح علي السرير وقواها زائله علي وجهها علامات المرض والارهاق
حياة وهي تقبل يدها وتبكي : حقك عليا ي ماما انتي اغلى حاجه عندي مقدرتش اراعيكي صح
حنان وهي تمسد علي شعرها : ي حبيبتي متقوليش كدا دا شويه تعب وهيروحوا لحالهم متشيليش همي ي ضنايا وروحي شوفي شغلك
حياة وهي تمسح دموعها بيدها بغضب : شغل اي ي ماما انا هفضل جنبك هنا ومش همشي
حنان بحزن : روحي ي حبيبتي انا هبقى كويسه شوفي اكل عيشك اوعي حد يقربلك ولا تدي فرصه لحد يعملك اي حاجه خلي بالك من نفسك ي حبيبتي
توجهت حياة للباب بعد أن قبلت راس والدتها ونظرت لها نظرات تشبه نظرات الوداع ولا تعلم ما تلك الغصه التي تكبح مشاعرها الحزينه تريد البكاء بحرقه وتصرخ عاليا
ف امها اغلى ما تملك هي من ربتها ومكثت بجوارها بكل وقت تحتاج به بالحنان والأحتواء ..
ذهبت الي عملها بعد معاناه تبث الامان بقلبها لتقدر علي السير ..
........................
سمر : مالك ي حياة فيكي اي
حياة بدموع : امي بتضيع مني ي سمر مش عارفه اعملها حاجه حاسه اني عاجزة ف مرحله متاخره اوي م المرض بتروح مني ي سمر بتروح مني
احتضنتها سمر وهي تربت علي ظهرها : استهدي بالله ي حياة لازم تكوني قويه ي حبيبتي مش كدا ادعيلها أن شاء الله تبقي كويسه وتقوم بالسلامه
مؤمن بقلق : مالكوا في اي
سمر : مفيش مامت حياة بس تعبانه شويه وف المستشفي
نظر لها بخوف : مستشفي ايه وليه مالها
حياة ببكاء : عندها مشاكل ف الكبد والدكتور قالي ممكن يتوقف عن العمل ف اي لحظه
نظر لها مؤمن بقلق : طيب متقلقيش نخلص الشيفت ونروح نطمن عليها أن شاء الله تكون كويسه متقلقيش قومي يلا وكملي شغلك مش دي حياة اللي متعودين عليها
ابتسمت له ومسحت دموعها وهمت بالذهاب لإكمال عملها ..
......................
نظر لسقف الغرفه بتوهان وعيناه تزرف بالدموع لا يصدق أحقا بعد كل هذا العناء وجدهم لكنهم ليسوا في افضل حال ينبث الرعب في قلبه من حقائق مريره قد تجعل قلبه هالك وتكسره لا يعلم ماذا يريد هل يصدق ذلك الكلام الذي سمعه من ذلك الذي يدعى انس ام ماذا يفعل !
.........
كومنت ❤️
تصويت 😍