الدكتورة أسيرة الزعيم 🔫👩‍⚕️

الحلقة 14

بما انو ماكس دايمن مشغول ماراهوش يتلاقا بجوري يعني ولات في اغلب الاوقات في راسو قرر يروح للدار بكري و يشوفها كمل خدمتو و راح للدار كي قريت يوصل صونا تليفون تاعو  تبسم و هدر : اوهووه شكون
كارلا: انعم اييه انا😂توحشتني وقيل
ماكس: خسارة عليك واش من ريح رماك عندنا !
كارلا:  ريح الخدمة
ماكس: واش وقتاش جيتي!
كارلا: اليوم و راني جايا واحد 3ساعات نزدملك للقصر
ماكس: ايا اوكي مالا و كوبا .لحق للقصر شافها حابطة من طونوبلتها
جوري: ايهيه عاش من شافك
ماكس : يسلمك سافا!
جوري: وي الحمد لله و انت
ماكس: شوفت عينك راني هايل
جوري: دايمة
ماكس: ميرسي
طلع لبيتو و خلاها لتحت طلعت هي تاني لبيت روبة قصيرة مع ليبا و باسكات دارت ظفيرة و حبطت عند جميلة بقاو يقصرو و يضحكو حتى دخل ماكس: اه خالتي  جميلة نسيت باش نقولك موقبيل قوليلهم يوجدولي البيت لي قدام بيتي لكارلا راهي جايا اليوم
جميلة: أوكي
جوري: شكون هادي!
جميلة: بنت عمو عايشة في كندا  مرة على مرة تجي تقعد هنا
جوري: اه اوكي و كملت تقصر مي ضاق خاطرها عيطت لميار : واش لالا وين راكي
ميار: في الحانوت خير!!
جوري: راني جاية ضاق خاطري هنا
ميار: اوكي هيا منها نخرجو نتعشاو كيفكيف
جوري: اوكي لبست فيستتها رفدت  مفاتحها و خرجت راحت عند ميار
جوري: واش مامي
ميار: سافا عمري؟
جوري؛ واه و انت
ميار : رانا عايشين هنا نروحو ناكلو الوقت
جوري: بن عميي الماكلة و مادارت فيك يا بنتي امشي و خرجو  راحو لريستو شيك كمونداو و بقاو يقصرو
ميار: السمانة الجاية نحبط للترك
جوري: اوو!
ميار: ويي لازم عندي خدمة
جوري: واش رايك ندي كونجي و نروحو كيفكيف و زيد  الحال  تما راهو  هايل
ميار: ايا خلاص
جوري: نسقسي ادا قدرت ندي و نقولك

في القصر :
كان يدور حاب يهبلها حوس عليها مالقاهاش سقسا الحارس قالو خرجت: الطفلة هادي يا تقتلني يا تهبلني متخليكش نورمال اوووف و طلع يستنى في كارلا
بعد واحد نص ساعة جات كارلا
ماكس: اوومرحبا بيييك
كارلا:  ابابابااا راك غير تزيد تزيان علابالك..
ماكس بغرور : احم انا عالعام حطة و شباب .
كارلا: شوووف ا سيدي ايه مليح المهم راني ميتة بالجوع اعطيني ناكل
ماكس: تعرفي القصر و تعرفي وين جاي كلش تسما شمري على يديك و روحي ترهجي راني قاعد في الصالون كي تكملي بالاك تلقايني لتم
كارلا : ايا اوكي ..
لحقت 22:50 سمع ماكس صوت طونوبيل عرفها جات .
دخلت  قارات و دخل موراها سام و دخلو يقصرو
سام: اوهوه الدكتورة رجعت و انا نقول علاه القصر راه منور
جوري: هههه حشمتني علابالي علابالي
سام: اييه يا لالا المرة الأولى لي نشوفك في قوصطوك و تضحكي دايما ان شاء الله
جوري: يعني يرحم باباك هاذاك بنادم نقدر نضحك و نقصر معاه بااع...مي ارواح نقولك حاجة و همست في وذنو مي هذا سر بيناتنا اششش🤫
سام شاف فيها و طرطقو بالضحك في زوج😂😂
كارلا: ايوااه موسيو سام و حبيبة القلب و الضحك لي واصل لاخر الدنيا ..اخس عليك تخبي عليا
سام: اياااااه شكون منين جيتي و وقتاش جيتي
كارلا: توحشتك 😂
سام: ااه اسكتي دوك تغير الحب تاعي راهي قدامي بعدا احشمي شوية .
كارلا: خسارة عليك سلمت عليه و راحت جيهتها  رمات يدها تسلم عليها: مرحبا انا كارلا .
جوري :جوري
كارلا: سررت بمعرفتك
جوري: انا تاني
كارلا: اه تسما نتي منا و فينا
جوري: هه وي
كارلا: مي حييب القلب راهو متهلي فيك و لا ..
سام: خسارة عليك و شاف في جوري و ضحك و غمزلها
ماكس بلا ميفيق: كملتو ؟
شاف سام في ماكس لي باين تقلق ضحك و قال بلعقل: مازااال بزااف يا ميستر  ماكس مازاال
جوري: كاشما قلت؟
سام: اه نن انا نروح باي
جوري: مام انا نطلع تصبحو بخير
طلعو و بقات كارلا مع ماكس يقصرو و كل واحد طلع لبيتو ماكس لي مازال هدرة سام تلعب في راسو قعد غير يخمم حتى خرج و زدم على سام
ماكس: راك معاها؟
سام بتبهليل: شكون و واش راك تهدر؟
ماكس: راك فاهمني مليح راك معاها جوري؟؟
سام: اه ...هي طفلة شابة و قارية و كلاص و طبيبة يعني ميخصها والو و زيد...
مكملش هدرتو حتى دار وجهو لجهة لوخرة من البوكس لي داه من عند ماكس
ماكس: بالاك تخمم حتى فيها
سام: علاه ياك انت كارلا تحبك و من الصغر كان يبان طيش ابري كونا نقولو مراهقة مي الطفلة عندها27سنة راهي مرا و تحبك شوف في عينيها تفهم بزااف حاجات و ادا على جوري....
زادلو ماكس بوكس في كرشو ترنح و حكم روحو و ضحك : نقدر نقنعها  و نديها و نروح نخرج من هاد العالم المظلم
ماكس: شوف تزيد كلمة وحدة ننسا انك صاحبي و نقتلك هنا و جا خارج
سام: كانت ظنوني في مكانها .....تحبها
حبس ماكس في بلاصتو و دار عندو بلاعقل
سام: تحبها و من اول نهار دخلت فيه لهاد القصر البحث على كلش يخص طفلة ماشي من طبايعك كي سقسيتك علاه قوتلي انو تحداتك و ماكاش لي يتحداك مي انت من هداك النهار و هي عاجباتك عجبك تصرفها قوتها و انها وقفت في وجه اكبر بوس و رجل اعمال عجباتك باسك قوية و قوتها جبارة و ادا سقسيت روحك من وقتاش و انت تحبها انا نقولك من اول نهار دخلت فيه للقصر و انت بالك عندها ...تحبها يا ماكس تحبها واش درت قاع في كوم و انك غرت عليها مني كوم تاتي كي سمعت بلي تخطفت طرت كي اامهبول لعندها و جبتها هنا من اول محاولة و خليتها تحت عينك و باش متتعلقش بيها وليت تدخل في الليل باش تسيي تنحيها من بالك مالغري و انت وياها في داروحدة نهار مرضت وقفت عند راسها و جبتلها الطبيب حتى لعندها مالغري هي طييبة و كانت قادرة تتولى امر روحها خفت عليها من شوية حمى غرت عليها نهار طاحت بين يدي مالغري كان خوفك عليها باين مي غيرتك كانت فاضحاتك و الاهم انك موقبيل الغزرة تاعك ليها كي كانت واقفة قدامي لوكان جات العين تحرق لوكان راهي فتات قدامك تحبها ماكس تحبها  و باش نهنيك ماكان حتى حاجة بيناتنا  وعمري ماراح نخمم حتى في هاد الشي ..
دار ماكس و كل كلمة قالها صاحبو هو بنفسو و ماكانش علابالو بيها : يحبها لهاد الدرجة!
أاحبها لهذه الدرجة !! لالا خذا مستحيل لانه و ببساطة لا وجود لكلمة الحب في قاموسي لا احبها حقا لا افعل لا احبها و لن احبها ........
دار ليه و قالو كلمة وحدة برك : راك غالط جميع حاجة درتها لاني .........