I'm a Chef in the Modern Era [Myanmar Translation]
Table of contents

    BINABASA MO ANG

    I'm a Chef in the Modern Era [Myanmar Translation]

    Fantasy

    Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

    #chef #comedy #food #modern #shounenai #transmigration

    Chapter - 68

    3.8K 799 25 
                                        
    
                                              
    Unicode
    
                          
    နှမ်းဆော့စ်ဆမ်းထားတဲ့ဖက်ထုပ်
    __________________ 
    
                          
    ရှန်ဖူ့ရဲ့အငြိုးထားနိုင်စွမ်းက ချန်ဖန်းထင်ထားတာထက် အများကြီးပိုသည်။ အထူးသဖြင့် ဒီလိုကိစ္စမျိုးတွေဖြစ်လာတဲ့အခါ သူ ဒါကို နှစ်နည်းနည်းလောက်မှတ်ထားပေးရင်ကို သူ တကယ် သဘောထားကြီးလွန်းရာကျ‌နေပြီဖြစ်၏။ 
    
                          
    ဒီလိုကိစ္စမျိုးကိုလုပ်ပြီးတဲ့အခါမှာတောင် ချန်ဖန်းက သူ့အိမ်ကို အလည်လာဖို့သတ္တိရှိသေးတယ်ပေါ့ဟု ရှန်ဖူက အမူအရာဖြင့်ဆို၏။
    
                          
    တကယ်တော့ ချန်ဖန်းသည်လည်း လုံးဝမလာချင်ပါပေ။ သို့သော်ငြား သူ့လက်ထဲကိုင်ထားသည့်အရာက သူတို့နှစ်ယောက်ကို ပြန်အဆင်ပြေစေမည့်ပစ္စည်းဖြစ်သည်။ လူတွေကို ဒါပို့ပေးဖို့ပြောရတာ ခက်ခဲပြီး ဒါကို ဖေဖေရှန် ဒါမှမဟုတ် မေမေရှန်သာတွေ့သွားပါက အနာဂတ်မှာ သူ သူတို့နဲ့ ဘယ်လိုအဆင်ပြေအောင်နေရပါ့မလဲ?
    
                          
    ထို့အတွက် သူ့မှာ သူ့အပေါ်ကျရောက်နေသည့် ရှန်ဖူ့ရဲ့ဓားသွားလိုအကြည့်တွေကိုရင်ဆိုင်ရင်းဖြင့်သာ အိမ်ထဲဝင်လာနိုင်ခဲ့၏။
    
                          
    မေမေရှန်ကပြုံးသည်။
    
                          
    "ရှောင်ဖန်း၊ မင်း ရှန်ဖူ့ကို ကစားဖို့လာရှာတာလား? သူ အပေါ်ထပ်မှာ။"
    
                          
    ချန်ဖန်းက စိတ်တင်းလိုက်ပြီး မေမေရှန်နဲ့ဖေဖေရှန့်ကိုနှုတ်ဆက်လိုက်သည်။ ဒါပေါ့၊ ရှန်ဖူအပေါ်ထပ်မှာဆိုတာ သူသိတာပေါ့။ ဘာလို့လဲဆို ရှန်ဖူက ဝရံတာမှာ လက်ပိုက်ရပ်နေရင်း သူ့ကိုစိုက်ကြည့်နေလို့လေ။
    
                          
    မေမေရှန်က ရှန်ဖူ့ကို အောက်ထပ်ခေါ်ပေးဖို့ အန်တီ့ကိုပြောတော့မယ့်အချိန်မှာပဲ ဝရံတာမှာရပ်ပြီး ချန်ဖန်းကို အပြုံးမမည်သောအပြုံးနဲ့ပြုံးပြနေသည့်သူ့ကို သူမတွေ့လိုက်ရသည်။ သူမက လက်ယမ်းပြ၏။ 
    
                          
    "ရှောင်ဖန်းရောက်‌နေတယ်လေ။ မင်းက ဘာကိစ္စအဲ့မှာရပ်နေသေးတာတုန်း? မြန်မြန်ဆင်းလာခဲ့။"
    
                          
    ထို့နောက် သူမကမေးသည်။
    
                          
    "ရှောင်ယီရော? သူ ထပြီလား?"
    
                          
    ရှန်ဖူ့မျက်လုံးတွေကား ချန်ဖန်းဆီက တစ်ကြိမ်ပင်မခွာခဲ့ပေ။ မေမေရှန်မေးလာချိန်မှာ သူကဖြေသည်။
    I'm a Chef in the Modern Era [Myanmar Translation]Tahanan ng mga kuwento. Tumuklas ngayon