احلام .احلام..ترجع ليه احلام
خويه وجكر دلالي ماجانت على بالي
ترجع ليه احلام
......
كوم ياعباس وافزع خويه مو ضهري تكسر
عين عالمسناة تربي وعين يم الخيم تفتر
دلالي من العطش ذايب وذاب من طلعة الخدر
خويه ضليت انه وحدي محاوط من جيوش والحر
وحالك يهز منضره
جفين طاحن عالثره
روحي بقت متحيره
وحيد بين الضلام
ترجع ليه احلام ....
......
نسوان واطفال ويتامه تنادي تترجاك تسمع
كوم ياعمنه ترانا
عطاشه منتضرين ترجع
والعساكر روعتنه
هجمت ومنضرهه يفجع
واحنه مابين الحوافر نركض
ماكو فزاع النه يفزع
تروعت اطفالك تره
بالخيم نار موجره
موقف يهول منضره
زينب تلم باليتام
ترجع لينه احلام
.......
كوم ياعباس وانه
راسي مضروب بحجر
وبالمثلث قلبي والسم
والعطش جمره استعر
خويه وسهام البجسمي وعيالي اعاينه بخطر والشمر ناوي اعله ذبحي
يله حي اعله النحر
مفجوع مفجوع
قلبي بهمه مفجوع
خوي اعله النهر دامي وانه الخلصت ايامي
وانضر زينب تهامي
بين الحرم ايتام احلام احلام ترجع ليه احلام
.....
للخادمه ام عباس الخفاجي
أنت تقرأ
من نهل الانوار المحمديه(ج١)
Poetryابيات في حق اهل البيت اقل ما يمكن ان نقدمه ابابيات من تاليفي عدا بارت كانت ابوذيات سمعتها وحفضتها منذ الطفوله لم اعرف مؤلفها وضعتها وثوابها له هن عباره عن اربع او خمس ابوذيات
