ဆောင်းဦးရာသီ၌တွေ့ရတတ်သော ကြွပ်ကြွပ်ရွရွရွက်ကြွေလေးများနှင့် နွေဦးရာသီ၌တွေ့မြင်နိုင်လေသော စိမ်းစိမ်မြမြရွက်နုငယ်များမှာ မည်သည်ဟာ ကနဦးဖြစ်တည်မှုပါဟု ခွဲခြားမသိနိုင်သကဲ့သို့ ကလေးငယ်ဟာလည်း ရွက်ကြွေလေးများလို ညှိုးကျသွားလေသည်လား ရွက်သစ်ဦးလို သစ်လန်းလာသည်လား ကျွန်တော့်တွင် ခွဲခြားနိုင်ရန် အတွေးအမှုမရှိလေတော့။
လွတ်လပ်ပေါ့ပါးသောဂျင်းဘောင်းဘီအနက်ရောင်လေးများမှသည် ကြပ်ကြပ်ထုတ်ထုတ်ဂျင်းဘောင်းဘီအရောင်ဖျော့ဖျော့များသို့ ပြောင်းလဲဝတ်ဆင်ခြင်းသည်လည်းကောင်း ခေါင်းစွပ်အနွေးထည်ထူထူလေးများမှ ခေတ်ဆန်ကာ တိုပြတ်ပေါ်ရော်လွန်းသော အင်္ကျီများအား ဝတ်ဆင်မှုများပြားလာခြင်းသည်လည်းကောင်း .... လ၏ဆွဲငင်မှုတွင်ကြွတက်လာပါသော ဒီရေလှိုင်းများ၏ မြင့်မားမှုနှုန်းဖြင့် စိုးရိမ်စိတ်တို့ဟာ တရိပ်ရိပ်ထိုးတက်လာပါစေပါသည်။
" daddy သား အပြင်သွားလိုက်ဦးမယ် "
တိုတောင်းပြတ်သားသောစကားအရာဟာ နူးညံ့ခြင်းအလျဉ်းမရှိ။
" ဘယ်ကိုလဲ Kamal "
တစ်ခါမျှမမေးမြန်းဖူးသောစကားကြောင့် ကလေးငယ်ဟာ ထူးဆန်းသယောင်ခပ်စိမ်းစိမ်းကြည့်သည်။
" အပြင်လေ "
" နေရာအတိအကျပြော "
" Daddy မသိလည်းရပါတယ် "
တင်းတင်းကြပ်ကြပ်ဆုပ်ကိုင်ခံထားရသော လက်ကောက်ဝတ်ကို အခြားလက်တစ်ဖက်ဖြင့်ဆွဲဖြုတ်ကာ သူစိမ်းဆန်သောစကားကို ခပ်ပေါ့ပေါ့ဆို၏။
" မင်းကိုယ်မင်းလူကြီးဖြစ်နေပြီလို့ထင်နေတာလား Kamal "
ခြေလှမ်းလှလှများဟာ တုန့်ခနဲရပ်တန့်သွားလျှင် ကျွန်တော် ကြည်ကြည်ဖြူဖြူပြုံးမိသည်။ အနည်းဆုံး အပြစ်မဟုတ်သောအပြစ်များကို ဝန်ချကာတောင်းပန်လောက်ပါရဲ့။
" ကလေးလည်းမဟုတ်ဘူးလေ Daddy "
ထင်မထားမိသောစကားကြောင့် မျက်နှာတစ်ချက်ပျက်သွားမိသော်လည်း...
" အဲ့ဒါတွေက မင်းအသက်နဲ့တရားမဝင်သေးဘူး Kamal ... Daddy စကားကိုဘာလို့နားမထောင်ချင်ရတာလဲ "
ESTÁS LEYENDO
𝐘𝐨𝐮𝐫 𝐋𝐢𝐟𝐞 𝐌𝐲 𝐋𝐢𝐟𝐞 𝐎𝐮𝐫 𝐋𝐢𝐟𝐞
Fanficမင်းရဲ့ဘဝ ကိုယ့်ရဲ့ဘဝ ကိုယ်တို့ရဲ့ဘဝ Started date _ 2021/06/21 Ended date _
