الدكتورة أسيرة الزعيم 🔫👩‍⚕️

الحلقة 15

ماكس: راك غالط جميع حاجة درتها معاها لاني....
سام: لانك واش اه واشش !!! ماكش تفسير اخر غير انك تحبها غرت عليها علاش ؟ حاميت عليها علاش؟ خفت عليها علاش؟صحا خليك من كل الأسئلة هادي جيت عندي دوك توزع فلي بوكس في وجهي علاه ؟اه هذا انا نقولك علاه: لانك غرت عليها و علاه غرت لانك تحبها ماكان حتى تفسير غير هذا يا صاحبي...
شاف فيه ماكس و قالو ببرود: عمري اذا حبيتها و لا راح نحبها و مادابيك الموضوع تغلقو هنا .خرج و خبط الباب رفد مفاتحهو و راح للبار القريب ليه  شرب شرب شرب حتى للصباح حتى  وين داخ جات ليه شحال من وحدة مي حاوزهم كامل و في راسو غير دكتورتو جوري
ركب طونوبيلتو يصوق بسيف عينيه يتغمضو وحدهم حتى كان قريب للدار  ولا ميحس بوالو ....
_________
غدوة منداك ناضت صباح بكري لانو حبت تكمل الخدمة لي عندها و تطلب كونجي باش تروح مع ميار للترك لبست روب قصيرة في النواغ طلقت شعرها و دارت شوية ماكياج و روج و صباط طالون احمر و خرجت بلا متشرب قهوتها لانو حبت تشربها في الخدمة خرجت مالقاتش طونوبيلت ماكس كانت غير تاع سام برك عرفت بلي خرج قبلها ركبت و قلعت ..
كانت تصوق حتى شافت ناس متجمعين على طونوبيل  كانت دخلت في شجرة و مكرفصة كامل من القدام حبست و شافت طوموبيل كيما تاع ماكس تفكرت  بلي ماكانتش طونوبيلتو قلبها خبط و حبست تشوف حبطت بدات تدنى حتى كانت الصدمة ليها ....
______________
ناض سام صباح دوش  و عقم الجروح تاعو و هدر: ربي يهديك يا صاحبي و تقدر تشوف الحب تاعك و تامن بيه في عود ماراك ناكرو ااااه تنهدت و خرج ...
______________
كانت صدمة جوري و هي تشوف ماكس راسو في الفولون و عينيه مذبالين شعرو مشنشف و الطونوبيل راحت فبها راحت تجري فتحت الباب و بدات تخبطو سقلات خفاف : ماكس ماكس راك تسمع فيا ماكس !! شافت ماكانش استجابة طلبت من الناس لي كانو التم يعاونوها باش طلعو في الطونوبيل بعدما  علمتهم انها طبيبة و قالت انها ماراحش تستنا الاسعاف حتى يوصل دارت  و راحت للقصر عيطت للعساس جا طلعو معاها  للشمبرة  تاعو و طلبت منو يجيبلها صندوق الاسعاف في الطونوبيل شافتو جميلة و الخدم تخلعو مي طمنتهم جوري انو ماكاش حاجو خطيرة دخل للبيت و غلقت الباب  كسلاتو في بلاصتو و عقمتلو الجروح و دارتلو سيروم و برا و خرجت و خلاتو ..
جميلة: كيفاش راهو دوكا؟؟
جوري: مديتلو برا و دوك يبدا يفطن من الاحسن طاطا ياكل حاجة سخونة
جميلة: معليه دوك نديراو سوب و حبطت هي و الخدم .
كارلا : اوو good morning
جوري: good morning
كارلا: ماكس في البيت حبيت نهدر معاه!
جوري: اه الصراحة  دار اكسيدون و انا تدخلت و عملت اللازم و راهو راقد
كارلا: واااش!! اكسيدون و كيفاش راه  و جات تدخل منعتها جوري: متدخليش دوك لانو راهو راقد و لازملو راحة 
كارلا: نن ندخل نشوفو بعدييي طبعتها و دخلت شافتو مذبال و السيروم في يدو و راقد استغلت الفرصة و دنات ليه و باستو قريب لشفايفو و هي تضحك
اما جوري لي النار شعلت فيها  كي شافتها دارت هكاك و هدرت : شفتيه تقدري تخرجي قتلك لازملو راحة تامة لانو نفسيتو عيانة
خرجت كارلا و حبطت التحت اما جوري دخلت و قعدت مقابلاتو و هي تتامل في البيت لي الاثاث تاعها كامل كحل و لي يتخلاها شوية ديكور باللون الفضي عجبتها بزااف بقات مدة حتى شافت السيروم قريب يخلاص راحت بدلاتو و هي مع لي كانت تم فطن شد راسو بيدو و بفعل لا ارادي حبطت جوري تجري عندو : راك مليح!كاشما يوجع فبك!!
ماكس: اهه راسي راح يطرطق
جبدت جوري حبة كاشي و عمرت كاس ما عاوناتو يطلع و مدتهالو: هاك هادي دوك نخففلك الوجع و شرباتو الما و رجع كيما كان
ماكس: واش صرالي!
جوري: خرجت صباح باش نروح للخدمة لقيت الناس واقفة قدام طونوبيل كي قربت شفت طونوبيل كيما تاعك و تفكرت انو ماشفتش الطونوبيل في القصر حبطت نشوف لقيتك داير اكسيدون رفدتك و جبتك هنا!
ماكس: علاه ماديتينيش للصبيطار؟
جوري: باش واش يقولو الصحافة ماكس***الكبير مقدرش يتحكم في الطونوبيل و دخل في شجرة..
ماكس بدا يضحك عليها و على تفكيرها و حتى طريقة الهدرة تاعها
جوري: واش داك!
ماكس: لواش؟
جوري: باش تشرب لهاد الدرجة؟
تفكر ماكس ليلة البارح و هدرت سام و قال: حاجة جايحة ماتستاهلش و جا ينوض
جوري: واش راك دير؟
ماكس: راح نوض ماراحش نبقى نهار كامل هنا
جوري: لالا السيروم مزال مخلاصش
شاف فيه ماكس و قاللها: راح نستناه يخلاص قاع ان شاء الله؟
جوري : يا لوكان النص متقدرش تنوض هكدا الدوخة تسيطر عليك ريح دوك نجيبلك الماكلة تشرب الدوا و تنوض على روحك
حبطت جابتلو الماكلة و دخلت لقات كارلا قاعدة تما و شادتلو يدو كي دخلت جوري باستو و هو شاف فيها : جبتلك تاكل
كارلا : اعطيني متعييش روحك و نحاتلها من يدها و راحت توكلو
ماكس: نعرف ناكل وحدي و بدا ياكل شوية و حبس : ايهيه الدوا؟
جوري: حتى تكمل كلش
ماكس: هيا راني كليت
جوري: حتى تكمل
كارلا اللصقة: قالك شبع شبع و زيد انت خدمتك مع سام علاه راكي هنا و مديلو الدوا و اسكتي واش تفهمي انت في الدواوات
جوري: متقدرش تشرب الدوا حتى تكمل الماكلة .

صونا تليفون كارلا: sorryوخرجت تهدر
قعدت جوري و رفدت المغرفة و وكلاتو  و كمل الطبسي تاعو مدتلو الدوا : دوك تقدر تنوض و خرجت حبسها
ماكس: جوري
جوري: وي
ماكس: يعطيك الصحة
جوري: خدمتي و خرجت راحت للخدمة و عقلها عندو...
ناض دوش و فطن روحو لبس حوايجو و خرج راح للشركة ..
اما جوري خدمت و كان عندها خدمة بزاف تسما مارجعتش فليل
كمل الخدمة و رجع للقصر مالقاش طونوبيلتها سقسا الحارس قالو مازال مرجعتش دخلو الشك و خاف كاشما يكون كاين عاود ركب و دار للسبيطار
جوري لي خدمت حتى عيات دخلت الغرفة تاعها قعدت فوق البيرو و حطت رأسها فوق الطابلة ...
وصل ماكس و شاف الطونوبيل تاعها مقارية حس انو ثقل و راح من على كتافو دخل و سقسا عليها في الاستقبال قالولو يحوس انها في الاستعجالات راح حوس عليها مالقاهاش سقسى على الغرفة تاعها وراح ليها طبطب مسمعش رد دخل و شافها حاطة راسها ميل راسو شافها راقدة راح رفد غطا و غطاها هو مع لي دنالها شعرها من وجهها فطنت شافت فيه: ماكس واش راك دير هنا ! كاشما بيك ! زاد عليك الحال ؟؟
ماكس: اششش بلعقل نو مابيا والو راني مليح حوست عليك قالي العساس مازال ماجيتي جيت نشوفك برك هذا ماكان
جوري: اه ايه راني نخدم باش ندي كونجي
ماكس : علاه الكونجي ماشي انت لي كرهتي في الدار و حبيتي تولي تخدمي؟
جوري: و شكون قالك راح نقعد في الدار؟
ماكس: يعني..!
جوري:راني رايحة لتركيا
ماكس: تركيا!
جوري:وي
ماكس: علاه!
جوري: راني رايحة مع ميار عندها خدمة و منها نبدل شوية
ماكس شاف فيها شوفة متعجبش و قاللها: خلاص كملتي خدمتك؟
جوري: وي لوكان كاشما كاين لوكان راهم جاو عيطولي
ماكس: اوكي هيا مالا
رفدت فيستتها و خرجت
ماكس: اركبي دوك نبعت الشوفور يجيبلك الطونوبيل
جوري: مك..
ماكس :اركبي.
زفرت و ركبت معاه و كل واحد قاعد ساكت كان راح بهدر شاف فيها لقاها حاطة راسها على التاقة سكت و كمل الطريق وصلو للقصر قال للشوفور على الطونوبيل تاعها و مدلو المفتاح ..
حبط و استناها تحبط مي محبطتش فتح الباب جيهتها لقاها راقدة رفدها طلعها لبيتها حطها فوق الفراش عطاها و خرج رايح لبيتو يرقد.....
      ❤🦄