حياة آثر

الجزء التاسع

طرق باب غرفتها بخفه هرولت ووضعت وشاح علي رأسها ولفت عباءتها علي جسدها وفتحت الباب
اثر : صباح الخير
حياة ببسمه : صباح الخير يا اثر
اثر : كنت جاي اصحيكي عشان نفطر تحت
نظرت له فقال : انس راح الشغل الصبح بدري وسابلنا فطار يلا
هبطت إلي الأسفل بعد أن عدلت ملابسها ووشاحها ..
اثر بمرح : السفره كلها نورت بست الحسن والجمال
نظرت له بخجل وضحكت
بعد انتهائهم من تناول الفطور والتقاط بعد النظرات من بعضهم البعض
اثر بجديه : عاوز اكلمك ف حاجه
نظرت له ليكمل
اثر : بما انك بقيتي واحده مننا ف لازم تعرفي اي اللي بيحصل عشان مش متأكد م اللي جاي خصوصا انك بقيتي معانا ف نفس المكان يعني عليكي نفس الخطر
نظرت له بقلق : خطر اي مش فاهمه حاجه
كاد ان يبدأ حديثه حتى أتاه رنين هاتفه ليجاوب عليه بتلقائيه : اي ي زفت
انس : ايجابيه .. النتيجه ايجابيه
ترك الهاتف من يده ليقع علي السفره يدوي صوت مرتفع
تطلعت له حياة بلهفه وقلق : في اي ي اثر
اثر : طلع ابويا
نظرت له باستغراب : مش فاهمه فهمني في اي
سرد لها بشرود كل ما مر به وكل تلك السنوات وحيد حمدت ربها كثيرا أن والدتها كانت معها لكانت في تعداد الموتى الان او قابحه بإحدى المشفيات أو السجون نظرت له بحزن وعيناها دامعه : انت شيلت كل دا لوحدك ازاي
ازاي عملت كدا ؟ انت قوي واوي كمان ي اثر كمل للآخر عشان ترجع مامتك وتتعالج متقعدش كدا حاطط ايدك ع خدك قوم وفكر هتعمل اي فكر ف روحها البريئه اللي اتسلبت منها لما فضلتك على نفسها عشان تعيش فكر ف انس اللي بيساعدك فكر ف ابوك اللي مش لازم يعيش لدلوقت وعمامك وغيره وغيره وغيره متحطش نفسك ف متاهات وتقول هضيع لا حط نفسك ف متاهات وانت راسم خطوط تمشي عليها عشان تطلع منها
نظر لها بدموع هربت من جفنه والتمس حديثها الذي بث الامان بداخله : تتجوزيني
نظرت له بصدمه ولم تتفوه بكلمه واحده ..
....................
سعاد : شرفت ي اخويا ونورت البيت بيتك
عادل : منور ب صحابه ي سعاد ي اختي
سعاد : مش ناوي تقول اي سر المفاجاه دي
عادل : مش هنشرب عصير من ايدك بتك ولا اي
سعاد : وهي دي تيجي برضو ؟ بت ي داليا انتي يبت اعملي عصير لعمك عادل
داليا بصوت مرتفع : حاضر ياما
عادل : فاكره ي سعاد لما لبستي القضيه لأم البت عشان تاخديها منها عشان مش بتخلفي
نظرت له بصدمه وفوران دمائها : انت بتقول اي
عادل بسخريه : بقول الحقيقه يا يا ام داليا
سعاد : قول اللي عندك ي عادل
عادل : كدا تعجبيني
داليا : العصير يا عمي
ابتسم لها عادل وتبدلت نظراته بينها وبين سعاد الحزينه
....................
مؤمن : هي مش ناويه ترجع شغل ولا اي ؟ قلقان عليها من القاعده لوحدها الوحده وحشه اوي
سمر بحزن : والله م اعرف ي مؤمن من اخر مره شفتها ومعرفش عنها حاجه دي حتى مش بتتصل
مؤمن : ربنا يسترها معاها
سمر بتنهد : يارب
.................
: انت جاي تعيط دلوقت ي محمد ؟ دلوقت بعد م نهيت كل حاجه بايدك ؟ حبي ليك نهيته ونهبت حياتي وحياه ابني المسكين اللي اتلطم ف الشوارع لا ليه ام ولا اب ليه ليه ي محمد ليه
بكت بكاء مرير وهو يحادثها يندمه ..
محمد : مش قادر اتحمل اكتر من كدا ي ثريا مش قادر اشوفك بتضيعي مني كان عندي امل الاقي أثر واقوله اللي حصل واني كنت مجبور علي اللي عملته تحت تهديد عادل
ثريا بالم : انت اللي محطتش حد للموضوع م الاول واديك بتتحمل نتيجه غلطك روح منك لله ي شيخ انت وعادل منكوا لله
وصرخت باخر كلماتها .. تركها وذهب الي غرفته والحزن يعتلي وجهه
.............
تهاني : حاضر ياما هفتح الباب
هرولت للباب وفتحته.. صدمت مما ترى هل مازال علي قيد الحياة ؟ لم ؟ هل سترجع للعذاب مره اخرى ؟!
.............
انس : اهدي ي حياة وفهميني اي حصل
حياة بدموع : فاكر أنه بيستعطفني تلاقيه طمعان فيا زيه زي غيره فرق عنهم اي يعني
دلف اثر علي تلك الكلمات : انا ؟ انا ي حياة استعطفك ؟ ليه هستغلك ؟ هو انا معنديش قلب ؟؟  كل اللي قولته كان لازم تعرفيه ولما قولت اتجوزك خفت بصيت لقدام .. هتبقي ف حمايتي ازاي وانتي مش على ذمتي لما احتويكي واطمنك لو حصل حاجه مش هستحمل لو مسكت ايدك بس وانتي مش علي ذمتي فكرت ف اللي ممكن يحصل لانتي ليكي أهل ولا انا وأهلي اللي بحاول اوصلهم حياتهم واقفه عليا وتقولي زيي زي غيري لما افكر ف حمايتك زي امك ما قالتلك ف حلمك ابقى زيهم زي اي حد ي حياة ؟!
نظرت له بحزن بادي علي وجهها وعيونها الغجريه مزرفه بالدموع : انا اسفه مكنتش اقصد اقولك كدا انا بس متلغبطه كل حاجه بتحصل ورا بعضها مش فاهمه اي بيجرا ولا ملاحقه اطلع من حاجه عشان أدخلت ف اللي بعدها
انس : اثر عنده حق ي حياة هيقدر يحميكي بس لازم تكوني علي ذمته دا الشرع ودينا بيقول كدا
حياة : وانا موافقه
......
سعاد : بس كدا غلط ع البت افرض عمللها حاجه
عادل : متقلقيش هو هيكون مغيب اصلا يعني بتك هي اللي المفروض تعمل بعدين قولتلك لو مش عاوزة البت اللي تعمل المهمه يبقى نجيب ناس تعملها بس هتضيعي عليكي الفلوس ي سعاد وصراحه كدا البت صعبانه عليا وعاوز ادلها علي امها الحقيقيه دا حق برضو
سعاد : لا لا يخويا تعملها وماله اديني بس كام يوم كدا اكلم البت
عادل : معاكي شهر كامل ي سعاد ندخل البت في حياته ونعمل اللي احنا عاوزينه
سعاد بقلق : ماشي ي خويا حاضر
................
محمد : أيوة ي عادل بس دي صفقه كبيره اوي ولو وقعنا فيها مش هنعرف نقوم تاني ي خويا
عادل : متقلقش ي محمد انا مخطط كل حاجه صح كدا كدا لسه معانا شهر كامل
محمد : ماشي ي عادل اما نشوف
.........
كومنت ❤️
تصويت 😍