حياة آثر

الجزء الخامس عشر

صباح يوم جديد حافل بالاحداث ..
محمد : مجدي ابعت حد من الحرس يروح ياخد التحاليل بتاعه اثر واتجهزوا عشان نروح بليل الدكتور
أومأ له مجدي بطاعه
..............
داليا وهي تصطنع الصحه : صباح الخير ي عمو
عادل بابتسامه مقززة : صباح الخير ي حبيبتي نمتي كويس
داليا بتوهان : اه نمت كويس
عادل : مالك ي حبيبتي انتي تعبانه ولا اي
داليا وهي تمسد علي جسدها : حاسه ان عندي برد ف جسمي كله
عادل بنظره انتصار : اطلعي ريحي ي حبيبتي وانا هبعتلك اكل واجبلك عصير
داليا : ماشي ي عمو عن اذنك
وذهبت للخارج وهي تجر قدميها خلفها بتثاقل تشعر أنها ليست بحال جيد تشعر بتوهان وتعب جسدها ..
......................
عادل : انت متأكد أن التحاليل بتقول كدا ؟
: أيوة ي باشا انا لسه نازل م المعمل وعرفت أنه عنده سرطان وراثي زي أمه
عادل بابتسامه : ماشي اقفل دلوقت
فكر قليلا ووجد تلك الفكره التي يلجأ لها دائما فهذا عمله وما يبرع به
..........
: طنط ثريا يلا عشان الاكل
قالت كلماتها وهي تتوجه للشرفه تفتح ستائرها
نظرت لها : طنط ثريا
لطمتها علي وجهها بخفه
صرخت عاليا تستنجد بأحد ..
........
انس : سامع الصوت دا ؟
اثر : دا صوت حياة هم بيعملوا فيها اي
انس : أهدى انا هطلب اكلم مجدي ونعرف اي بيحصل
.......
مجدي : ست ثريا ي باشا
محمد بلهفه : مالها ي مجدي
مجدي : انتقلت للمستشفى عشان تعبت جامد
ادمعت عينا محمد : طيب روح دلوقت وانا هحصلك ع هناك
........
حياة وهي تبكي في طرقه المشفى ..
سمر : اهدي ي حياه مش كدا هتبقى كويسه أن شاء الله
حياة وهي تبكي : دي ف اخر مرحله ي سمر هتبقى كويسه ازاي بس
سمر : استهدي بالله وادعيلها
مجدي بهروله : اي ي حياه اي حصل
حياة وسردت عليه ما حدث ..
مجدي : طيب استني انس بيتصل
: أيوة ي مجدي اي اللي بيحصل
مجدي : .....
بعد أن أغلق الهاتف
اثر بلهفه : حياة كويسه ؟
أومأ له أنس بحزن : طنط ثريا هي اللي تعبت
وقع قلب اثر في قدمه يتوق لرؤيتها شوقا
اثر وهو يطرق الباب بعصبيه : طلعوني من هنا انا لازم اشوفها
انفتح الباب علي مصراعيه ودلف منه محمد : حضر نفسك عشان تشوف امك
نظر له أنس بعدم تصديق
محمد : عاوزيني اموت وانا بشوفهم بيموتوا قصادي
نظر له أنس لا يعلم لم التفوة بتلك الكلمات الان !
محمد وهو ينظر لأثر : خدت من امك كل حاجه حتى المرض
وهنا علم اثر أنه مريض سرطان مثل والدته ونظر لانس بحزن
....................
سعاد بلهفه : أيوة ي عادل دورلي ع البت ي عادل وانا هعمل كل الي انت عاوزة
عادل بسخرية : م كان م الاول ي اختي بس للاسف الوقت فات خلاص
سعاد بصراخ وجنون : لا ي عادل مفاتش ولا حاجه انا مستعده انا اللي هعمل كدا هبيع نفسي بس هاتلي البت انت عارف مكانها صح
عادل بضحك : بتك عندي ي سعاد بس مش عاوزة تشوفك مش عشان عملتي فيها كدا لا عشان بقا عندها الاهم منك بقت بتبوس ايدي عشان اطلعلها كوبايه عصير م بتوعي
سعاد بعدم تصديق : انت عملت ف البت اي متقولش ي عادل لا الا البت
اغلق في وجهها الهاتف وتركها تبكي وتلطم وجهها بحسره فهي تعلم ماذا يفعل وتعلم هذا الكوب جيدا ..
...................
مؤمن : حياة الست دي مش هتقدر تستحمل
حياة بحزن : عارفه ي مؤمن الست دي شافت كتير اوي ف حياتها انا هنزل اعمل مكالمه
هبطت للاسفل
.....
عادل : هاتلي البت دي بأي شكل بسرعه
: حاضر ي باشا
........
دلف لغرفتها بلهفه وهو يراها ملقاه علي سرير جثه هامدة أمامه أدمعت عيناه وبكي بحرقه : ماما
نظرت له ثريا وهي تتحمل علي حالها وتحاول المقاومه لكن التعب اشتد عليها أكثر  : اثر
جثى علي ركبتيه أمام سريرها وامسك يدها وقبلها بلهفه وهو يبكي : وحشتيني اوي
ثريا بالم : خلي بالك من نفسك ي حبيبي يمكن مقدرتش احميك بس دلوقت بقيت راجل وتقدر تحمي نفسك
اثر ببكاء : متسبينيش خليكي معايا وانا هعوضك عن كل حاجه
ثريا ببكاء : خلي بالك من نفسك ومن مراتك
سمع صوت صفارات توقف نبضها نظر لها بصدمه وعدم تصديق واحتضنها حاول انس أن يوقفه ولم يتمكن وحملها وجرى بها في أرجاء المشفى وهو يترجاهم أن يحاولوا افاقتها كانت حالته يرثى لها بكى كثيرا وانهار أشد الانهيار وانس خلفه يحاول تهدئته وهو يكبح دموعه كل هذا تحت مراقبه محمد وما حدث بسببه ليس سببه لكن بسبب ذلك الجاحد ..
...............
كومنت ❤️
تصويت 😍