حياة آثر

الجزء السابع عشر

تسللت وسط نومه لغرفته وهي تمسك بيدها سكين مدبب من الأمام وتصر علي ما ستفعله لكن صدع صوت هاتفها هرولت له سريعا وهي تبكي ..
: الو
: ازيك ي ماما
تهاني بلهفه : سعيد انت فين ي حبيبي
سعيد : متبهدل ياما مش لاقي شغل
تهاني ببكاء وتترك السكين من يدها : ومشيت وسبتني ليه ي ضنايا
سعيد بحزن : الحاره دي مش هتنفعنا ياما ولا ابويا هينفعني
تهاني ببكاء : خدني معاك ي حبيبي متسبنيش كدا محروقه عليك مش عارفه انت عايش ولا لا
: تروحي فين ي وليه ؟
تهاني باصطناع : ولا حاجه يخويا هروح اجيب عيش م الطابونه الصبح
توفيق بتثاوب : اه ماشي ابقي هاتي حزمتين جرجير وانتي جايه
تهاني : حاضر حاضر ي خويا
حملت الهاتف بسرعه وتوجهت للخارج
تهاني : سعيد انت معايا ي حبيبي ؟
سعيد : معاكي ياما هاجي اخدك ياما ونعيش لوحدنا
تهاني : ابوك بهدلني اوي ي سعيد
سعيد بحزن : متخافيش ياما هنهرب من المكان دا كله ومن ابويا والخلق دول كلهم ابويا لو كان اب بجد كان فكر ف مستقبلي تعليمي حياتي لكن الراجل دا مش بيفكر غير ف الفلوس والحاجات اللي تعجبه بس دا ميستحقناش ياما
تهاني : ربنا يخليك ليا ي حبيبي واعوضك عن كل القرف اللي كنا فيه بس قولي اشوفك فين
سعيد : سجلي رقمي ياما هرن عليكي بكرا أن شاء الله اكون رجعت م السفر
تهاني : ماشي ي حبيبي لا اله الا الله
سعيد : محمد رسول الله ياما
..................................
عادل : عملتي اللي اتفقنا عليه
حياة : متقلقش كل حاجه ماشيه تمام
عادل : لو فكرتي تعملي حاجه كدا ولا كدا مش هتاخدي ف ايدي غلوة
حياة بثقه مصطنعه : عيب عليك ي باشا دا شغلي
اغلق الهاتف وتركها تقلق بعض الشئ
انس : سجلتي المكالمه ؟!
حياة : اه سجلتها
اثر : طيب كويس
طرق الباب ودلف للداخل ..
: عامل اي ي اثر
اثر : انت بتعمل اي هنا اه نسيت دا القصر بتاعك يلا بينا ي انس
محمد بقلق : ع فين بس ي اثر اقعد يابني
اثر بغضب : انا مش ابن حد وسيبنا بقى عاوز اي تاني يارب تكون ارتحت لما ماتت
محمد : مش مرتاح يابني مش مرتاح هحكيلك كل حاجه والله وهعوضك انتي واقفه بتعملي اي عندك اطلعي برا
صرخ ب جملته الاخيره بحياة الواقفه تستمع لهم كانت ستهم بالخروج حتى جذب اثر معصمها سريعا : لو هتخرج من هنا يبقى رجلي على رجليها
محمد باستغراب : دي الممرضه يابني ومينفعش الكلام اللي يتقال يتقال قصادها
اثر : حياة تبقى مراتي ي محمد بيه
نظر له محمد بتعجب وصدمه : مراتك ؟!
اثر : اه مراتي علي سنه الله ورسوله اسمحلي بقا أخرج معاها
وهم بالوقوف لكن قدماه لم تتحمله ف هو متعب من ذلك المرض وليس سهلا عليه سقط أرضا بتعب هرولت له حياة : اثر اثر انت كويس
نظر لها : كويس متقلقيش سنديني عشان انزل
محمد وهو يمسك بيده : اسمعني يابني انا مش الاب الغبي اللي ف دماغك ولا الأب اللي باع ضناه كل دا غصب عني والله اقعد اسمعني وانا هحكيلك كل حاجه
نظرت له حياه نظره بمعنى انتظر حتى تستمع له جيدا أومأ لها وهو ينظر لأنس بنظره قلقه مما سيسمعه ..
بعد وقت طويل
اثر : وانت اي ورطك ف الشغل دا ودماغك كانت فين وانت بتنفذ بس كلام عمي
محمد بتفهم : ورطني معاه انا وعمتك سعاد لما مضينا عقد كنا مفكرينه بيع الفيلا القديمه بتاعتنا وبعد كدا اكتشفنا أنه عقد شراكه لأكبر صفقه مخدرات كانت من سنتين
اثر : طب وايه خلاك توديني ف ملجأ ؟
محمد بحزن : كان عاوزني ارميك ف الشارع مش اوديك ملجأ عاوز كدا عشان ابويا الله يرحمه كان كاتب الورث بأسمي عشان كان واثق فيا وعارف اني هوزع الورث بالحق وانت ابني يعني الورث ليك وعمك عادل كان طماع طول عمره وعمتك سعاد عبيطه بتصدق اي حاجه
اثر : طب ولو قولتلك نوقع عمي
محمد بلهفه : معاك انا وسعاد اختي
نظر ل حياة نظره توحي بالأمل
: تتعالج بس يبني واعمل اللي انت عاوزة كان نفسي اشوفك من زمان بس معرفتش كان بيمنعني ولما عرف أن أمك حطت معاك شهاده الميلاد دور عليك عشان يخلص منك بس انس كان أسرع منه واتصرف بذكاء
نظر له أنس : طول عمري عارف أنه غلط واللي بيعمله غلط
......................
طرقت بابها بخفوت
سعاد وهي تفتح الباب وتصنمت مكانها
.......
كومنت ❤️
تصويت 😍