حياة آثر

الجزء الرابع والعشرون (الاخير)

بعد ساعات بغرفه العمليات لم تنتهي بعد ..
كان يأخذ الممر ذهابا وإيابا يمسك خصلات شعره بغضب
محمد : استهدى بالله يابني هتكون بخير أن شاء الله ادعيلها
نظر له بأمل لعله يهدأ من روعه قليلا ..
........
داليا : الو أيوة ي انس انتوا فين
انس : في اي ي داليا صوتك ماله
داليا بفرح : في خبر ع التلفزيون بيقول أن عادل رفعت رجل الأعمال الكبير عمل حادثه علي طريق صحراوي والعرييه انفجرت باللي فيها
انس : بتتكلمي جد !
داليا : والله م بهزر الاخبار قصاد عيني اهي
انس : طيب اقفلي دلوقت شويه وهكلمك
سعاد بلهفه : في اي ي انس بنتي حصلها حاجه ؟
انس : عمي مات
..............
بعد مرور اربعه اعوام
كان يجري داخل القصر بفرح ويتعثر ببعض الخطوات وهو يضحك
محمد بمرح : مش هسيبك لو روحت فين
امسكه من قميصه الوردي وهو يضحك : اسم الله عليك مسكتك ي فسله انت كفايا كدا جدو مفيهوش حيل يجري تاني
اثر وهو يهبط من أعلى الدرج : هو جراك وراه تاني
محمد بضحك وهو يقبل وجه حفيده : هو انا عندي اغلى من ياسين عشان أجري ورا حد تاني
ضحك وهو يتوجه ناحيته يأخذه بين أحضانه : يا سلااام ع الحضن اللي ع الصبح دا
ضحك ياسين وهو ينظر لوالده : ثباح الخير ي بابي
اثر وهو يقبل وجهه : صباح الخير ي روح بابي
انس وهو يتوجه ناحيتهم : حبيب عمو يا ناس الواد دا طالع حلو كدا لمين ي اثر
نظر له أثر بشرار : اسكت ع الصبح مش ناقصه رخامه
قهقه عليه واتجه نحو ياسين وحمله : تعالا نصحي طنطك داليا لحسن نايمه زي الفسيخه
ياسين بضحك : عاوز اثحي مامي الاول
نظر له بقرف : عاوز تصحي مامي طيب روح من هنا ي قلب امك
وانزله وضربه علي مؤخرته بخفه
اثر : لو عملتها تاني مش هيحصلك طيب
انس : بكرا ابني ينور الدنيا وتعمله كدا ومش هكلمك بس ابنك متدلع اوي
حمله اثر وهو يرمق أنس بنظرات كالشرار وقال بسخريه : ابنك اللي هيجي هيبقى راجل بشنبات اول م يتولد صح
ياسين وهو يلعب بذقن والده : بابي انا عاوز ابقى بشنبات
قهقه عليه اثر : لما نشوف صوتك بس الاول انت شكلك متدلع زياده ولا اي عاوزك تبقى راجل كدا ملو هدومك لما تكبر
ياسين : حاضر ي بابي هقول ل مامي تخليني راجل
اثر بقله حيله : يادي مامي اللي مضيعاك كنت جابت بنت ودلعتها براحتها ذنبي اي انا بس
صعد الي غرفتها ودلف بهدوء وترك ياسين علي بدايه الفراش ليهرول لها سريعا ويلكزها بخفه ويهمس باذنها : مامي مامي قومي بابي بيقول انك مدلعاني
تململت في فرشها قليلا وابتسمت لهذا الوجه الطفولي الناظر لها تتأمل ملامحه الجميله تبارك الخالق ورث منها لون عيناها الرماديتان وورث من أثر ابتسامته وتقسيمات وجهه نظرت له واعتدلت علي السرير وحملته بين ذراعيها : واي يعني لما ادلعك هو انا عندي كام ياسين يعني
اثر : صباح الخير ي هانم شويه والضهر هيأذن
ياسين : بابي ثيب مامي تنام براحتها انت نثيت أن كوكي عاوزة تنام
نظر له بتعجب : كوكي مين يالا
نظرت له بتحذير فقال بعدم فهم : مامي قالتلي أن في كوكي ف بطنها
نظر لها باندهاش : انتي حامل !
حياة بتوتر : لا اه مش عارفه
اثر : يعني اي مش عارفه
حياة : عملت الاختبار امبارح بس مش متأكده عشان في حاجات بتبقى حمل كاذب
اثر بفرحه : طيب حضري نفسك عشان نروح دكتور نشوف اي الموضوع
اومأت له بابتسامه وكادت تتوجه للحمام لكنها نظرت نظرات خبيثه ل اثر ف بادلها نفس النظرات وصبوا نظرهم ناحيه ياسين الجالس علي السرير يتابعهم بصمت ولكنه تذكر ما يحدث بعد تلك النظرات
هجموا عليه وقاموا بدغدغته وصدع صوته بأرجاء الغرفه بأكملها تلك الضحكات التي تدخل علي قلبهم السرور والفرحه ..
................

بعد مرور يومان تذكرت امر ما وذهبت مسرعه الي الخارج ..
: أيوة حضرتك مين ؟!
حياة : انتي نهى ؟!
اومأت لها لتأذن لها بالدخول
حياة : عارفه اني اتأخرت بس اللي مريت بيه مش سهل شويه
نهى : مش فاهمه حضرتك تعرفيني منين
أشارت حياة لتلك الصورة المعلقه أعلى الجدار : مروان كان بيحبك اوي
نظرت لها بدموع : انتي تعرفي اخويا الله يرحمه ؟!
سردت لها ما تعلمه وما حدث وسجن زوج أمها
نهى : كان شايلني من ع الأرض شيل كان كل حاجه ف حياتي ولما راح راحت روحي معاه عشان كان روحي ونفسي اللي بتنفسه منه لله جوز امي الله يرحمها
حياة بحزن : الله يرحمها قوليلي ي نهى بتشتغلي ؟
أومأت بنفي
حياة : حلو انا جايالك انفذ اللي اخوكي كان عاوزة انا هشغلك معايا ف المستشفي
نهى بفرح : اخويا اللي طلب دا ؟
نظرت لها حياة بسعاده : كان عاوز يعمل كل حاجه بتسعدك وانا مش هسيبك وهفضل جنبك كمان اعتبريني اختك
اومأت لها وهي تمسح دموعها بكف يدها وابتسمت لها
................
بإحدى الفنادق في استراليا ..
(الحوار مترجم)
: حسنا ابي سأكون في مصر خلال ساعات لا تقلق لن يشعر بي أحد
: حسنا بني سانتظرك في بيتنا القديم اتتذكره
: اجل اتذكره
: اسرع لا اطيق الانتظار ورؤيتهم سعداء ينعمون بهذا الثراء وانا هنا داخل منزل قديم
: لا تقلق ابي سأثأر لك ولن يهمني حتى اخي
.............................
هل سيعود لتدمير سعادتهم من جديد ؟! ام سيوقع به ابنه الثاني المخبأ بأستراليا ؟!
...................
كومنت ❤️
تصويت 😍