الدكتورة أسيرة الزعيم 🔫👩‍⚕️

الحلقة 17

بعدما قعدت مدة طويلة تقريب واحد ساعة و شوية في الدوش دوشت لفت منشفة عليها و خرجت مخلية شعرها يقطر في هدي الدقيقة طلع ماكس و فتح الباب جوري قفزت من بلاصتها :واااو نتا متعرفش طبطب كاين حاجة اسمها خصوصية و هربت تجري للدوش دارت تغلق الباب و زلقت سمع ماكس الخبطة دخل يجري لقاها في الأرض متوجعة و تسيي تنوض
ماكس: حبسي كيما راكي هبلتي متوقفيش عليها
عاندت و راحت توقف هي غير وقفت عليها و طاحت مي قبل ما تقيس الارض كانت في حضن ماكس تشبكت فيه لا اراديا و هو رفدها ..كانت بيناتهم حرب العيون  يشوف فيها و في عينيها و في شعرها و شفارتيها المشمخين لي زادو اللوحة رونقو ريحتها لي دوخاتو داتو لعالم وحدوخر  اماا هي غايسة في عسل عينيه تشوف فيه بنظرة هي مفهمتهاش بقاو على هاد الوضع حتى بدات رجلها تسطر عليها : اااه رجلييي
انتبه ماكس و راح حطها فوق الفراش: متنوضيش دوك نولي و ياا ويلك نجي و نلقاك نضتي وخرج عيط للطبيب واحد ربع ساعه كان تم دخل فحصها بعدما بعت واحدة من الخدم عاونتها تلبس كان فعص في رجلها: سيدي هناك فعص قوي يجب عليها ان لا تدوس عليها في هذه الفترة و هذا دواء يخفف عليها الألم يشرب بعد تناواها  للطعام.. و اه صحيح يجب عليها المحافظة على اكلها لانه من الواضح انها اهملت صحتها بعد اذنك..
دخل عندها لقاها تسيي تنوض: اوب اوب اوب احكمي بلاصتك تشوفي لانو الطبيب قال مايلزمش تعفسي عليها هاد المدة و عندك دوا تشربيه مور الماكلة لي ماكيش تاكلي فيها دنا ليها كتر و ميل رلسو عند ودنها : و الماكلة من اليوم و روح متاكليش عقابك انا نعرفلو مليح😉غمزلها و خرج.
اما هي لي مقدرتش تزغد علاجال رجلها : اوااااه منخليهش يستغل الفرصة باش يدير واش يحب.....ااااي رجلي لوكان خلاني المكلوب نروح لوكان مارانيش هكداا اااه يا ربي علاااش علاش اووف.

و ماكس لي غير خرج راح للبيرو تاعو قعد و بدا يضحك وحدو عليها و تمتم تفكر كيفاش كانت قريبة ليه تفكر ريحتها غمض عينو حاب يشوف الصورة تاعها لي كانت مطبوعة بين عينيه تنهد شهل قارو و قعد يسيي ينحيها من تخمامو ولات توجور في راسو محبتش تخرج كمل قاروه و زاد الدوزيام و قعد يخمم.....
فات النهار بخير و فاتو واحد 10أيام جوري رجلها برات و  راح ترجع للخدمة
ناضت صباح بكري دوشت جبدت شعرها دارت ماسكارا و شوية روج لبست روب في الجونو beige مع طالون نواغ و فيستا نواغ حبطت تشرب قهوتها
كارلا:اووه والفت مانشوفكش صباح ربي
جوري: هه mais non c'est pas vrai مزالك هنا ! انا قولت دارت النيف و راحت
كارلا تقلد فيها: علاه راني قاعدة فوق قلبك
جوري: non انا خاطي شوفي هوما لانو مانيش قاع دايراتك في راسي
كارلا: انا المهم ماكس لي قالي متروحيش منا و طلب مني هاد الحاجة نهار خرجنا كيفكيف نسهرو بعدما صرا واش صرا و ضحكت ضحكة شر
اما جوري لي الدم نشف فيها و حبست عندكلمة : بعدما صرا واش صرا....
خرجت ركبت طونوبيلتها و طارت بيها تمشي و معلابالهاش الوجهة تاعها وين عقلها يردد كلمة وحدة صرا واش صرا.... لحقت قدام البحر و قعدت في الطونوبيل: علاه ....علاه وليت نخمم فيه بزاف ...علاه نولي عاجزة قدامو ...علاه نضعف جيهتو...وين راهي جوري تاع الصح!....علاه ولا يقدر يتحكم فيا كيما يحب !! كي ماراحش نسمحلك تتحكم فيا بعد اليوم يا ميستر ماكس راحت للخدمة خدمت خرجت راحت لدارها قعدت تخمم واش دير حبت تلقى حاجة تخليها تبعد عليه قبل متزيد تتعلق بيه اكتر حبت تشوف طريق اخر ليها طريق بعيد عليه طريق وين ميكونش فيه هو قعدت تخمم تخمم حتى راح الحال دخلت لبيتها و رقدت .....
فطنت صباح على خبيط في الباب ناضت مفجوعة راحت تجري جهة الباب شافتو هو فتحت : خير!
ماكس طبعها حتى خبطت في الحيط : راكي حابة تهبليني دوك انت !!اااه اهدري راح تهبليني ماشي قتلك ماتخرجيش من القصر اه مقوتلكش متباتيش برا القصر اه هدرت ولا مهدرتش
جوري ببرود: قلت
ماكس: ايه واش جايبك هنا كي علابالك بلي هاد الشي خطر عليك ممكن فاي دقيقة يجوك مكل جهة مكونتيش قاع تستنايها اه راح تخليني نغلق عليك في القصر ياك !!علاه راكي هناااااا علاااه
جوري: متعيطش عليااااا و راني هنا لانو راني بحاجة لكالم راني حابة نريح راسي راني حابة نقعد وحدي عندك اعتراض!!!!
شاف فيها : انت لي يجي تفتحيلو هكا الباب!!
كانت لابسا شورت قصير مع بوستي في الساتان نواغ حشمت و راحت للبيت بدلت
ماكس: امشي قدامي... خرجت راحت تغلق الباب نحالها المفتاح من يدها
جوري: اعطيهولي
غلق الباب دارو في جيبو و قلع بلا حتى كلمة وصلو للقصر حبطت طلعت لبيتها و هو دار للخدمة ......

ماكس:
مالازمش تروح مالزمش تبقى بعيد على عيني لوكان يكلفني الامر حياتي راح نمدهالها لاني السبب فلي راهي فيه منسمحش لوكان تصرالها حاجة منسمحش لروحي
خرج من الخدمة راح لعب بوكس حتى عيا دوش لبس و خرج يصوق  و هو شارد  حتى  لقا روحو قدام دارها شافها خرج من الطونوبيل و طلع دخل المفتاح في الباب غير فتحو و تقابلو ريحتها غمض عينو يتفكر كيفاش كانت صباح  غلق الباب و طلع لبيتها رما روحو فوق فراشها و قعد يشم في ريحتها لي معبقة الدار و تصويرتها لي معلقة في الحيط بقا يشوف فيها حتى غفا .......
❤🥀