ورقة بينَ ثنايا الكتب

هدوء

مرحباً

لاتنسى أن تضيء نجمتك وتعليق يسعدني

Enjoy

مشهد

:اكرهج كره ماينوووصف ولج شسويتلج اكو شي طلبتيه وما سويته الج عيشتج ملكة وماحرمتج من شي تالي هييججج تجازيني احجي لاتسكتين لاتخليني ابتلي بيج هسه

تقربت اهزها رايدها بس تحجي بس كلشي ماكو بس تباوعلي وتبچي من ردت فعلها عرفت كل الي سمعته صحيح

:والله جنت طفلة وما افهم فدوااا لاتسَوي هيج انته تععرف كلششش زين اني شكد احبك بس هذا الشي صاررر قبل والله قبل

:انتي نزلتي راسي كدام اهلي وناسي شيكولون علية ليش هيج زهراء حاچيني ليش ماحجيتيلي چان دوورت حل چان حليتها اني وهسه عايشين بسعادة.. سمعتي تدمرت بسببج وگلبي كسرتي بيدج هاي جزاتي من حبيتج وقدمتلج كلشي كزوجه وكحبيبه ماذكرتيني من سويتي عملتج هاي ما كلتي هذا المگرود شلون راح يطلع راسه بين الناس

من ورا ما سمعت هاي السالفه جسمي كله كام يرجف من العصبية صار هسه من اكوم واكتلها احد يكلي ليش كبل كعدت لأن احس راح اسويلي مصيبة هيه تقربت مني بس تناشغ ودموعها عشرة عشرة

زهراء:وحق هوا الله أركان مو بقصدي تصرفت بقله وعي والله احبك وكلشي گالولك عليه صاير قبل من جنت مراهقه أركان فدوا لاتسَوي هيج ابوس ايدك والله مو بقصدي

شفته حاط ايده على راسه وكاعد واني الندم وتأنيب الضمير موتتني احس اريد اكوم واطم نفسي على عمايلي هاي العشيرة كلها تحجي بسالفتي صارت بيه خوفه ضليت ابوس بوجهه كلشي ولا اخسره حبيته حب بس الله يعرف بيه

عيونه حمرر شرايين رگبته وأيده كلهن ناطات ويرجف متت خوف من شفته هيج اول مره اشوفه بهل عصبية بس شنو تمنيت الموت ولا اشوفه هيج حاير بزمانه من وراي اني كله من عمايل ايدي واستاهل كلشي يصير بيه بس هوا شنو ذنبه اني ضليت ابچي دخلت حالة هستيرية ماعرف اوصف شعوري شايفين من تخسرون أعز شي الكم بالدنيه وتحسون هذا الشي ابدا مراح يرجع هيج شعوري

شفته كام طلع من الغرفه واني ضليت اضرب بنفسي وادعي ربي ياخذني واخلص.

_________

لو احِببتني لبنيت قصرا يبجل جمالكِ
لو احِببتني لسمعتي كلمات عشقي وحروف حبكَ
لو احِببتني لزغردت العصافير بحسنكَ
لو احِببتني لخشعت في ترافه جسدكَ
لو احِببتني سأجعل العالم ورديا ناعماً مثلكَ
الكاتبة /نـاي •

كاعد اكتب واخاف تروح فكره من بالي خيالي واسع دوما تجيني أفكار ماتخليني انام الليل واحتاج اطلعها من عقلي بالورقه والقلم مثل ماتشوفون اني كاتب لأن هذا الشي الوحيد الي احبه واعبر عن تفكيري بدون قيود مريت بفتره جنت اضن انو اني إلي اسيطر على عالكتابه وعلى أفكاري بس طلع القلم هو الي يتحكم بيه اعرفكم عن نفسي اولا اسمي أركان وعمري ٢٨ شكلي بسيط كأي رجل عراقي عيوني خضر بشرتي مائله للأسمرار وشعري بني فاتح اني رجل المجتمع يحارب أفكاري ومعتقداتي دوما جنت اكعد وي ابوي وعمامي وأصدقائه بالديوان ونتناقش لكن فجأة يتحول الحديث إلى مجادله ونقاش حاد مع اني ضد الحديث الحاد الا انو مشكلتي الكبرى اني شخص عصبي كل مااحاول اكون شخص هادئ بكلمه وحده كلشي يتغير اصير ماتحكم بنفسي اما وقتي المفضل هو الليل احب الليل لأن اكعد اكتب واقرا بعض الكتب وشغلي اشتغل وي ابوي عدنا كيعان مال زراعه نحصد الحصاد ونبيعه علئ المحلات إلى بالسوق وبضائع أيضا اما العصر اكضيها بالديوان نحل مشاكل العالم