مرحبا
اضئ نجمتك الساطعة وتعليقك ليسعدني
Enjoy
_________
كعدت الصبح بدلت وكملت ونزلت لكيت فاطمه تسوي الريوك عائلتي نوعا ما صغيرة عندي بس اثنين اخوات بنين وفاطمه واثنين اخوان ياسر و احمد احمد متزوج وعنده ولد عمره سنه وبس كملت ريوك وطلعت للشغل اريد اشوف شلون الشغل يمشي كاعد بالمكتب ويدخل صديقي علي طبعا علي أقرب صديق الي اعرفه من جنت صغير بس بعدين شالو ونتقلو من المنطقه وضاعت علينا أخبارهم بس علي بعده يجي يزورنا مرات بالبيت ومرات بالشغل إذا جان ماعندي شغل نروح اني وياه للكهوه ونطلع نفتر
"عاش من شافك ولك صار شكد ماجاي ولاشايفينك" سلمت عليه صارر شكد ماشايفه تقريبا شهر هيج
"والله بالشغل وماكو مجال حتئ للنوم"
علي حجه
"بعدك تشتغل هناك عمي إذا ضليت تشتغل تتكسر هاي الشغله صعبه ومو الك أكبر واحد مايتحملها مفاصلك كلها انتهت" علي يشتغل وي خواله حمال من الساعه سته الصبح للساعه ١١ بالليل بس مو شغل تكسير عضام
"شسوي أركان اخاف ابطل ونوب مالاكي شغل رحت للدكتور كال رجلي منتهيه وما لازم اشتغل عليها " يحجي وهو يحرك برجله ويشوفنياها
" تعال اشتغل وياي وشغله سهله وان شاء الله تأخذ راحتك هنا وبيتنا قريب من يمك إذا تحتاج شي ها شكلت" بلكت يشتغل وياي صح شغلنا بالشمس وحر الصيف بالعراق يصمط بس شغله مو متعبه يعني بس أريده يتواصل وي أهل السوك ويتفق وياهم
" والله ماعرف شأكلك عوود اراسلك وأردلك جواب كوم خل نطلع ضووجه اليوم أخذت اجازه واجيت"
يلا امشي بس خل أسد المكتب وألم الاوراق
" صح نسيت يمته تنشر كتابك ولك كتاباتك ححلوه حرامات تضيع موهبتك وتعبك" طبعا علي مرات يضل يلح لذلك اطلعله شوي إشعار من كتاباتي ومرات اغني لأن صوتي حلو
" علي اني اكتب لنفسي بربك إذا درو أهل المنطقه وكرايبنه شيكولون ابن الشيخ أركان يكتب رومنسيات خليهم عندي أحسن ماريد انشرهم يمكن بالمستقبل يتغير قراري"
كلام الناس آخر همي وماهتم لأرائهم بس المشكله ابوي الي مايرضئ واني اصلا ماريد انشرهم هسه لأن احس نفسي مو محترف بعد الي هواي اتعلم
" دمشي خل نروح نسلم علئ ابوك صار هواي ماشايفه "علي حجه
" يلا امشي"
________________
علي
اني علي عمري ٢٥ صديق أركان وجيرانهم من چنا صغار شكلي عادي شعري اسود عيوني كذلك سود بشرتي سمراء من چنا صغار جنت احب اخت أركان كلشش اسمها فاطمه حبيتها على هدوئها وبرائتها مع انو هيه هسه بالغه الا انو شكلها كلشش طفولي اعترفتلها قبل ٣ سنين تقريبا جان عمرها ١٧ وهيه هم بادلتني الشعور الحلو وهوا الحب صار ثلاث سنين من بلشنا علاقتنا صح مرات نتعارك بس ورا ساعات نتصالح احبها حب كلشش جبير وماعرف اوصفه بالكلمات بلشت اشتغل وي خوالي بس علمودها ماريد من اتزوجها تحس بشي أو تكون معتازه اريد اعيشها اميره لأنها تستاهل مرات اجي لبيت أركان بس بحجه اشوفها هيه ماتقبل تكول خاف ننكشف بس شسوي ماتحمل فراكها اوف يافاطمه شسويتي بحالي
أنت تقرأ
ورقة بينَ ثنايا الكتب
Poésieمشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
