اسكريبتات بقلم اسراء محمد ❤️

اسكربت 21

_ يا ماما مش عاوزه اجيب حاجات أنا هو بالعافيه
_ شوف البت ، الا ماهي زي البنات كده تحب تنزل وتشتري لبس وحاجات
_ لا زي البنات يا ماما بس لما يجيلي مزاجي ممكن تشوفي بقي هتجيبي ايه خلينا نروح انا زهقت
_ أنا خلاص جبت الي انا عاوزاه يلا شوفي هتجيبي ايه
_ مش عاوزه حااااجه اغنيها
_ صوتك يا اسرااااء
_ حاضر يا ماما حاضر يا ست الكل ممكن نروح ب.........
_ اهي خالتك بتتصل وزمانها جيت وبتدور عليا في المول أنا هروح الف معاها شويه كده علي ما تخلصي

* طبعا زي ام مصريه هتفضل تلف مع خالتي بالساعات ، أنا اسراء 22 سنه أنا طبيعيه جدا وزي اي بنت بحب الشوبنج وكل حاجه بس لما اكون عاوزه ، صحيت من النوم وهي كل الي عليها هننزل نشتري حاجات وفي الاخر سابتني وراحت تلف مع خالتي ، فضلت اتمشي في المول بملل شديد وانا بتفرج علي الهدوم والميكاب بزهق .

_ ارحميني يا ماما بقالنا 3 ساعات بنلف انتي وخداني تبهدليني يوم اجازتي
_ بس يا واد وبعدين وفيها ايه يعني اما تنزل معايا نشتري حاجات لو منزلتش معايا هتنزل مع مين يعني
_ أنا أقدر اقول حاجه يا ست الكل بس انا زهقت وتعبت وعاوز اروح
_ طيب شويه كده وهنمشي هشوف بس ايه الي ناقص
_ هو لسه في ناقص بعد كل ده ، ماما صحيح هو مين الي هيدفع تمن الهيصه دي كلها
_ يعني هتدفعني وانت معايا ده حتي عيب في حقك
_ اااااااه قولي كده بقي علشان كده داخله الداخله الناعمه دي من الاول لا نو ( No ) مش هدفع حاجه أنا
_ يعني هتسيب امك حبيبتك هي الي تدفع يا زين دي حته وحشه في حقك
_ وحشه حلوه مش دافع أنا ، أنا شاب وعاوز اكون نفسي أنا لو دفعت تمن كل ده مش هلاقي اكل
_ ا......... ، ازيك يا حبيتي عامله ايه وحشتيني اوي

* كده مش هنروح غير علي الفجر وهي كمان كانت ناقصه جارتنا ده ايه الصدف الي مش حلوه خالص دي ، أنا زين 26 سنه وحيد أمي وبتعتبرني كل حاجه ليها وبتحب تشاركني كل حاجه وانا كمان بحب اشاركها كل حاجه في حياتي بس لازم نتناقر علطول والنهارده اجازتي وأصرت انها تنزل المول وتشتري حاجات وانا طبعا اتعصبت يوم اجازتي وعاوزه ارتاح بس ماقدرش ارفضلها طلب .

_ طيب يا حبيبي انا هكمل مشي مع خالتك سناء ، لف كده شويه يمكن يعجبك طقمين ولا حاجه لحسن والله يا سناء ياختي مابيعجبوش العجب
_ خلاص يا ماما ايه الفضائح دي بعد اذنكو

* فضلت اتمشي في المول وانا بتفرج بملل لاني فعلا زي ما امي قالت مابيعجبنيش العجب ولازم الحاجه الي اجيبها يكون مفيش منها اتنين .

* فضلت اتمشي لحد ما عيني جيت علي تيشرت ولادي أنا بنت اه لكن بعشق التيشرتات الولادي ، عجبني جدا وقربت ومسكت التيشرت لكن لقيت شخص هو كمان مسك التيشرت في نفس اللحظه الي مسكت فيها التيشرت .

_ أنا الي مسكت الاول
_ نعم ؟! وحضرتك بتعملي ايه في قسم تشيرتات مش فاهم
_ والله أنا حره المول مش مكتوب باسمك
_ ااااه هههه طيب بصي يا حلوه أنا ملك العند وطولة اللسان فمتخلنيش ارد بطريقة مش هتعجبك يلا يا ماما من هنا روحي شوفيلك فستان ولا صابع روچ ولا حاجه من بتاعتكو دي
_ وانا هاخد التيشرت ده غصب عنك
_ وهو عجبني وهاخدو ووريني بقي هتعملي ايه
_ انت بتتحداني
_ سميها زي ما تسميها