__________
زهراء
صدك تعجبت من شفت علي يريد يخطب منه من الشيطان هوا ابدا ممفكر بالزواج بس كلشش فرحتله واخيرا راح يصير عدنا عرس اني ماصدكت اريد اشتري ملابس من هسه صار فتره كلش طويله محاضره اعراس المهم رحت گعدت يم علي شويه
اريد اسأل على مرت اخوي المستقبليه
"اي خويه وين لكيتها وحبيتها منو تعيسه الحظ"
طبعااا خواني كلهم قريبين وعلاقتنا كأننا اصدقاء
"طيح الله حضج شنو تعيسه الحظ هنيالها الي تزوجني" هوا ضل يحجب ويدردم عليه بضحك
"اكلك سولفلي عليها وين لكيتها شلون شكلها حلوه؟ منو أهلها شلون اعترفتلها وهيه شلون اعترفتلك سولفلي كلشي لاضم عليه"ضليت الغي فوگ راسه اريد بس اعرفها منو
"ولج گرعتي راسي بالاسئله مالتج شو گومي من يمي"ضل يحجي ولازم راسه ويقلد بيه
"خاب صوجي اني كاعده يمك صدك تعيسه الحظ إلى تاخذك"ضليت احجي
" ولج إذا أكلج متصدكين انتي تعرفينها حق المعرفه "هوه كال هيج واني هجمت عليه اريد اعرف منو معقوله وحده من صديقاتي لا لأن على يعتبرهم خواته لعد منو
ضليت اركض وراه أريده بس ينطيني كلمه
"ولك احجي راح تطگ حوصلتي"
" تذكرين فاطمه قبل صديقتج من چنتي صغيره إلى جانت يم بيتنا القديم "
ضليت احاول اذكر لأن جنت صغيره ماذكر هواي من بيتنا القديم بس ذكريات ومو واضحه يااااااااااا اذكرتها فاطمه بنت الشيخ اذكر چنه نركض بالحقول مالتهم وناكل بالفواكهه واخوها يجي يكتلنا
" ولك وين لگيتها عليك الله كتلها اني اختك لو لاا"
ضليت اسأل لأن مشتاقتلها هاي صديقه طفولتي
"ولج طبعا تعرفني غير احبها من عمرها 17"
ياااااا وربي راح اموت من الصدمات عقلي الصغير مايتحمل هاي الكلمات
"ولك طلعت تحب من ورانا ومن انسألك تگول
ماريد ومووكتها واكرهه النسوان وانت طلعت ضاملك وحده واني مادري" ضليت ادردم فوگ راسه چني مطلكهه
"ولج كافي شكد تحجين باجر اكملج انتهى الجزء الأول من القصه وباجر الجزء الثاني يلا تصبحين على خيرر وكبل صعد الغرفتهه واني ظليت مصدومه معقولهه فاطمه صديقتي راح تصير زوجه اخوي صدك الدنيا دواره وتدور بيك وانت ماتدري
كملت وصعدت اريد اروحح انام لان وراي دوام ياربي يمته اخلص من هالجامعه الكشره السنه أطول من حياتي.
أنت تقرأ
ورقة بينَ ثنايا الكتب
Poetryمشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
