الدكتورة أسيرة الزعيم 🔫👩‍⚕️

الحلقة 18

صباح جديد على الابطال...
بعدما فطن صباح شاف في ساعتو لقاه راح الحال: اووه كيفاش رقدت قاع هكدا انا واقيل ريحتها ساعداتك ميستر ماكس...واش راني نهدر اووف
دخل للدوش غسل خرج سقملها فراشها و خرج راح للقصر بدل و خرج..
اما جوري لي مازالت راقدة لانو اليوم يوم عطلة تاعها رقدت حتى قريب 12ناضت : اووهوووو خمرت انا بقات تتكسل في بلاصتها ناضت دوشت و لبست سروال كحل سامبل و تريكو بيض لبست بليغة في رجلها و حبطت عند جميلة .
____________
سام: او عاش من شافك
ماكس: توحشتني واقيل !
سام: راح نموت بلا بيك..
ماكس:واش كاش جديد
سام: يعني.....واش راك ناوي دير
ماكس: ************
___________________
قعدت في الدار حتى كرهت طلعت للبيت هدرت مع يماها شوية و لي قررو انهم يستقرو في الجزائر يعني ادا جاو يجو عطلة برك جوري متقبلتش الوضع مي تمتم سكتت و كوبات مع يماها مي الحالة تاعها ساءت بعد الخبر هذا .....
راحت قعدت في الجنينة و هي شاردة حتى جا عندها مايكل و قعد قدامها (الحارس تاع الحديقة)
مايكل: ايمكنني الجلوس!
جوري: بالطبع
مايكل سكت سكت حتى هدر: اين غرقت سفنك ! ما الرياح التي عصفت بك!
جوري: عندما كنت ابلغ من العمر 15 سنة  كنت اقرا الكتير من الكتب و الروايات و كانت جميعها ذات نهاية سعيدة لذلك كنت اتوقع ان الجميع سعيد في حياته..لكنني كلما كبرت  كلما فهمت جيدا انه لا معنى لهذه الأشياء ....انها عبارة عن خرافات و التي أطلق عليها الكثير انها اسطورة الجميع اصبح يسعى ورائها لكنها حقا لا تنطبق على ارض الواقع لماذا برأيك؟!
مايكل: نعم انهم كذلك و لانك سألت سأجيبك....
انهم ينظرون للحياة بالطريقة الخطأ ينظرون لها بالطريقة التي هم يريدونها و لكنهم غير مدركون انهم ينظرون للفراغ........الحياة يا ابنتي ليست مشابهة لكل احد ...لكل واحد حياته ..لكل واحد احلامه و طموحاته لا يمكن لأي شخص ان يعيش حياة شخص آخر ربما كانت نهايتي تعيسة فهذا لا يعني ان نهايتك تعيشة ايضا لذلك انظري للحياة بالطريقة التي هي عليا و اعدك أنك ستنجحين و تحظين بنهاية سعيدة.......فتح الله طريقك يا بنيتي.
و راح و خلاها غايسة في التخمام تاعها : كل حاجة قالها عندو الحق تنهدت و تكات راسها و هي مغمضة تسمع في صوت الطيور حتى غفات..
بعد مدة قليلة دخل ماكس شافها قاعدة في الجنينة طلع لبيتو و خلاها قاعدة  دخل دوش و خرج لاف منشفة طل من التاقة لقاها بنفس الوضعية مافاقش بروحو حتى لبس و حبط عندها وقف عند راسها شافها مادارت حتى حركة حط يدو تحت نيفها شاف النفس تاعها منتظم عرفها راقدة تبسم رفدها و طلع بيها للبيت حطها و خرج راح للبيرو يخدم
ماكس: الو وين راك؟
سام: في ***
ماكس: راني نستنا فيك في القصر
سام: اوكي

_____
دخل عندو و قعد
سام: واش برو كاش جديد!
ماكس: جوليانا.....
سام شاف فيه :واش بيها
ماكس: لازم نجيبها تعيش هنا معايا و قدام عيني ما تقدرش تعرف واش قادرين يديرو لوكان يعرفو بلي راني مبعدها منا
سام:يعني راح تجيبها هنا !
اوما ماكس
سام: و جوري
ماكس: الدكتورة ....واش بيها؟
سام: واش راح دير معاها بعدما تجيب جوليانا يعني راح يقدرو يعرفو عليها و يحطوها هدف جديد و تقدر تخلي جوري تروح و تولي لحياتها....
سكت ماكس معرفش يجاوب علابالو بلي صاحبو عندو الحق كي يجيب جوليانا ماراحش تولي جوري هدف راح يجددو الهدف لي راح يولي جوليانا شد راسو بين يديه .
سام: متتقلقش برو كلش يتحل مع الوقت طبطبلو في كتفو و راح و خلاه غارق في تخمامو

كانت راقدة حتى تسمع تليفونها يصوني يصوني محبش يحبس جبداتو بسبف و هدرت بصوت ناعس: شكوون!
ميار عرفتها راقدة حبت تخلعها: ااااااااااااااااا
قفزت جوري مخلوعة من بلاصتها: واااش واش كاين!!!
ميار:ههههههه توحشتك عمري
جوري:ميي نتي بنادم !! كاش واحد خلقو ربي ينوض ينادم هكداااا
ميار: اه كنت راقدة !sorry😂😂😂بلعي ديجا واش رقدك دوك مازال الحال راهي 3تاع نهار ا حوبي
جوري: نعلبو فهامتك راهي 12تاع ليل خامجة فااا
و بقاو يقصرو و ميار تتمسخر بجوري لي حابة غير ترقد
ماكس لي سهر يخمم كان طالع لبيتو يسمع فيها تهدر
ميار: خلاص روحي شديتك بزااف بونوي حوبي نبغيك و الله 😂
جوري: بونوي اقلبي  مام انا نحبك غدوة نهدرو  باي..
حبس يشوف في الباب كان راح يدخل ليها يربيها على كلمة نحبك و قلبي شد روحو بسيف دخل لبيتو و خبط الباب.
سمعت جوري الباب تخبط قفزت في بلاصتها: اووه متحيريش المتوحش جا دخل و من وقتاش الحيوانات يدخلو بلاعقل لازم الهاراج....متوحش و رقدت ...
ماكس لي دخل قلب قاع البيت بالفراش و الروايح قابلاتو المراية رفد قرعة تاع ريحة و خبطها في المراية طاحت تكسرت
فزعت جوري و ناضت تجري و راحت عندو فتحت الباب لقات الليت حالتها حالة دار ليها شافتو عينيه حمورة و نفسو ماشي منتظم صدرو  يطلع و يحبط بسرعة جنونية دنات ليه و قاتلو are you  fine !(هل انت بخير!)
طبعها حتى طاحت في الارض و خرج  مع الطيحة دخلتلها زجاجة في يدها شدت يدها لي كانت بدم و خرجت تجري لبيتها غلقت الباب و طاحت في الارض تبكي تبكي غاضتها عمرها كيفاش يديرلها هكاك و هي مادارت والو  لكن ماعلابالهاش انو في الأصل هي سباب هيجانو و هي لي وصلاتو لهاد الحالة لي راهو فيها عقمت الجرح تاعها و جبدت الزجاجة لي كانت غامقة في الجرح جبدتها و دارت بونداج و قعدت فوق الفراش تشوف في الفراغ مدة طويلة لحقت الستة تاع صباح لبست سروال جين كحل مع تريكو كولغولي كحل و قوظاص كحل مع فيستا كوير كحلة طلقت شعرها و حبطت للكوزينة دخلت فرغت قهوتها و هو جا شافتو حطت الكاس لي ماشربتش منو ميمبا و جات تخرج من الكوزينة حبسها بيدو بعدما شاف البونداج في يدها : واشبيها يدك ! شافت فيه و ضحكت ضحكة استهزاء و نحات يدها من يدو بقوة و هدرت : و عندك الوجه و تزيد تهدر اه!!! راك حاب تعرف واش!! اوكي هادي عملتك يا ميستر ماكس شافت فيه ملفوق للتحت و خرجت ركبت طونوبيلتها و خلات الغبار موراها...
             في ميزكم كيفاش راح تولي العلاقة بين جوري و ماكس و كي تجي جوليانا كيفاش راح تكون ردة فعل جوري !! و ديجا شكون تكون جوليانا!!!🤫🥀