بنين ال عباس
..................
ﺍﻥ ﺍﺭﻭﻉ ﻣﺎ ﻗﺪ ﻳﻜﻮﻥ ﻓﻲ ﺍﻟﻌﻤﺮ [ ﺍﻟﺤﺐ ]
ﻭ ﻟﻜﻦ ﺍﻷﺭﻭﻉ ﺍﻥ ﻳﺰﻫﻮ ﺑﺎﻟﻮﻓﺎﺀ
ﻭﺃﺟﻤﻞ ﻣﺎ ﻓﻲ ﺍﻟﻘﻠﺐ [ ﺍﻟﻨﺒﻀﺎﺕ ]
ﻭﻟﻜﻦ ﺍﻷﺭﻭﻉ ﺍﻥ ﻳﻨﺒﺾ ﺑﺎﻟﺪﻋﺎﺀ
ﺍﻧﻲ ﻫﻨﺎ ﺍﻟﺪﻧﻴﺎ ﻟﻔﺖ ﺑﻴﺔ ﺷﻨﻮ ﻓﺼﻠﻴﺔ ﺷﻨﻮ ﺍﻧﻲ ﺷﻠﻮﻥ ﺍﺻﻴﺮ ﻣﺮﺓ ﻟﻐﻴﺮ ﻋﻠﻲ ﺣﺴّﻴﺖ ﺍﻟﺪﻧﻴﺎ ﻏﻮﺷﺖ ﻭﻭﻛﻌﺖ ﻭﺑﻌﺪ ﻣﺎ ﺍﺩﺭﻱ ﺷﻨﻮ ﺻﺎﺭ
ﺗﺨﺮﺑﻄﺖ ﻭﺩّﻭﻧﻲ ﻟﻠﻤﺴﺘﺸﻔﻰ ﺭﺟﻊ ﺍﻟﺴﻜﺮ ﻫﺒﻂ ﻋﻨﺪﻱ ﺭﺟﻌﻦ ﺃﻣﺮﺍﺽ ﺍﻟﺴﻨﺔ ﻛﺎﻣﻠﺔ ﺑﺄﻳﺎﻡ ﻋﺪﻫﻢ ﺷﻜﺪ ﺃﻛﺮﻫﻬﻢ
ﺭﺟﻌﺖ ﻣﻦ ﺍﻟﻤﺴﺘﺸﻔﻰ ﺷﻔﺖ ﺍﻣﻲ ﺗﺒﺠﻲ ﺭﻛﻀﺖ ﺣﻀﻨﺘﻬﺎ ﻛﺘﻠﻬﺎ ﻳﻮﻡ ﺗﺮﺿﻴﻦ ﺑﺘﺞ ﺗﺮﻭﺡ ﻓﺼﻠﻴﺔ ﺗﺮﺿﻴﻦ ﻭﺭﺓ ﺗﻌﺐ ﺍﻟﺴﻨﻴﻦ ﻭﺍﻟﺪﺭﺍﺳﺔ ﺍﺭﻭﺡ ﺗﺮﺿﻴﻦ ﻭﺭﺓ ﺣﺒﻲ ﻟﻌﻠﻲ ﺍﺭﻭﺡ ﻓﺼﻠﻴﺔ
ﻳﻮﻭﻭﻭﻭﻡ ﺟﺎﻭﺑﻴﻨﻲ ﻭﺍﻧﻲ ﺍﺣﺠﻲ ﻭﺍﺧﺮﻁ ﺑﺨﺪﻭﺩﻱ ﻭﺍﺧﺮﻣﺶ ﺑﻮﺟﻬﻲ ﻭﻫﻲ ﺑﺲ ﺗﺒﺠﻲ .... ﺭﺣﺖ ﻟﻌﻤﻲ ﺑﺎﻻﺳﺘﻘﺒﺎﻝ ﮔﺎﻋﺪ ﻭﻱ ﺃﺑﻮﻱ ﻭﻭﻟﺪ ﻋﻤﻲ ﻭﺍﺧﻮﺍﻧﻲ ﻛﺘﻠﻪ ﺷﻠﻮﻥ ﺍﺭﻭﺡ ﻓﺼﻠﻴﺔ ﺍﻧﻲ ﺳﺎﻣﻌﺔ ﺍﻟﻔﺼﻞ ﺩﺍﺋﻤﺎ ﺑﻨﻴﺔ ﻣﺎ ﻣﺘﺰﻭﺟﺔ ﺷﻠﻮﻥ ﺍﺭﻭﺡ ﻭﺍﻧﻲ ﺍﺭﻣﻠﺔ
ﻋﻤﻲ : ﺑﻮﻳﺔ ﻋﺎﺩﻱ ﺭﺿﻮﺍ ﺍﻟﻤﻬﻢ ﺍﺳﻤﻬﺎ ﻣﺮﺓ ﻭ ﺗﻬﺪﻱ ﺍﻟﻨﻔﻮﺱ ﻋﻠﻤﻮﺩ
ﺃﺧﺬﻭﻧﻲ ﻭﺩﻋﺖ ﺑﺲ ﻣﺎﻣﺎ ﻭﺃﺯﺍﺩ ﻭﻧﻮﺯﺍﺩ ﻭﻧﺴﻮﺍﻧﻬﻢ ﺍﻟﺒﺎﻗﻴﻦ ﺧﺰﺭﺗﻬﻢ ﻭﻃﻠﻌﺖ ﺭﺣﺖ ﺑﺴﻴﺎﺭﺓ ﻋﻤﻲ ﻭﻭﺻﻠﻨﺎ ﻫﺎﻱ ﺍﻭﻝ ﻣﺮﺓ ﺍﺷﻮﻑ ﻗﺼﺮ ﺑﻬﺬﺍ ﺍﻟﻜﺒﺮ ﺍﻛﺒﺮ ﻣﻦ ﺑﻴﺖ ﺟﺪﻱ ﺑﺎﺿﻌﺎﻑ ﺃﺿﻌﺎﻑ ﻭﻋﻤﻲ ﺍﻟﺤﻘﻴﺮ ﻛﺪﺍﻣﻬﻢ ﺑﺎﺱ ﺭﺍﺳﻲ ﻭﺿﻠﻮﺍ ﻳﻀﺮﺑﻮﻥ ﻃﻠﻖ ﺍﺗﻤﻨﻴﺖ ﻃﻠﻘﺔ ﺗﺎﺋﻬﺔ ﺗﺠﻴﻨﻲ ﺭﺣﺖ ﻟﻠﻘﺼﺮ ﻭﺩﺧﻠﺖ ﺍﻟﻨﺴﻮﺍﻥ ﻳﺒﺎﻭﻋﻠﻲ ﺑﺎﺳﺘﻐﺮﺍﺏ ﻻﻥ ﻣﻼﻣﺤﻲ ﻣﻮ ﻋﺮﺑﻴﺔ ﻭ ﻳﺘﺒﺴﺒﺴﻦ ﺑﻴﻨﻬﻦ ﺍﺟﺖ ﻭﺣﺪﺓ ﺑﻴﻨﺔ ﻃﻮﻳﻠﺔ ﺑﻄﻮﻟﻲ ﻭﺣﻨﻄﺎﻭﻳﺔ ﻭﻋﻴﻮﻧﻬﺎ ﻛﺒﺎﺭ ﺑﻨﻲ ﻭﺻﻮﺗﻬﺎ ﻧﺎﻋﻢ ﻭﻋﻤﺮﻫﺎ ﺗﻄﻠﻊ ﺑﻌﻤﺮﻱ ﻛﺎﺗﻠﻲ ﺍﻟﺴﻼﻡ ﻋﻠﻴﻜﻢ ﺍﻧﻲ ﻣﺮﻳﻢ ﻣﺮﺕ ﺍﺑﻦ ﺍﻟﺸﻴﺦ ﺍﻟﺠﺒﻴﺮ ﺃﺳﺪ ﺗﻌﺎﻱ ﺍﻭﺩﻳﺞ ﻟﻐﺮﻓﺘﺞ ﻋﺒﺮﻧﺎ ﺍﻟﻄﺎﺑﻖ ﺍﻻﻭﻝ ﺻﻌﺪﺗﻨﻲ ﻟﻠﺜﺎﻧﻲ ﻫﻢ ﻋﺒﺮﻧﺎ ﺍﻧﻲ ﺧﻔﺖ ﻭﺻﻠﺘﻨﻲ ﻟﻠﺜﺎﻟﺚ ﻭﺩﺗﻨﻲ ﻟﻐﺮﻓﺔ ﺑﺎﻟﺴﻄﺢ ﻛﺎﻟﺖ ﻣﻊ ﺍﻧﻮ ﺍﻛﻮ ﻫﻮﺍﻱ ﻏﺮﻑ ﻛﺒﺎﺭ ﻣﺘﺮﻭﻛﺔ ﺑﺎﻟﻄﺎﺑﻖ ﺍﻟﺜﺎﻧﻲ ﺑﺲ ﻫﺬﻱ ﺃﻭﺍﻣﺮ ﺍﺑﻦ ﺍﻟﺸﻴﺦ ﻛﺘﻠﻬﺎ ﺯﻭﺟﺞ ﺷﻌﻠﻲ ﺑﻴﻪ ﺻﻔﻨﺎ ﻛﺎﻟﺖ ﺷﻨﻮﻭ ﻛﺘﻠﻬﺎ ﻟﻴﺶ ﻳﺨﻠﻴﻨﻲ ﻫﻨﺎ ﺿﺤﻜﺖ ﻻ ﻣﻮ ﺭﺟﻠﻲ ﻫﺬﺍ ﺭﺟﻠﺞ ﺍﻧﻲ ﻫﻨﺎ ﺍﺭﺗﻌﺸﺖ ( ﺍﺗﺬﻛﺮﺕ ﻋﻠﻲ ﻳﻌﻨﻲ ﺗﺼﻴﺮ ﻣﺮﻩ ﻟﻐﻴﺮ ﻋﻠﻲ ﺍﻭﻭﻭﻑ ﻳﺎ ﺩﻧﻴﺎ ) ﺯﻓﺮﺕ ﻛﺘﻠﻬﺎ ﺍﻭﻙ ﻛﺎﻟﺖ ﺍﺭﺗﺎﺣﻲ ﻟﻠﻴﻞ ﻳﺠﻲ ﺍﻟﺸﻴﺦ ﻳﻌﻘﺪ ﺍﻟﻜﻢ ﻛﺘﻠﻬﺎ ﺍﻭﻙ ﻛﺎﻟﺖ ﻳﻠﻪ ﺑﺮﺍﺣﺘﺞ ﺣﺒﻴﺒﺔ ﺍﺑﺎﻭﻉ ﻟﻠﻐﺮﻓﺔ ﻳﻤﻜﻦ ﻣﺘﺮ ﻓﻲ ﻣﺘﺮ ﺑﻴﻬﺎ ﺟﺮﺑﺎﻳﺔ ﺍﻡ ﻧَﻔَﺮ ﺻﻐﻴﺮﺓ ﻣﻜﺴﺮﺓ ﻋﻠﻴﻬﺎ ﻓﺮﺍﺵ ﻭﻣﺨﺪﺓ ﻭﺷﺮﺷﻒ ﻭﺻﺨﺎﺕ ﺑﺸﻜﻞ ﻭﻛﻨﺘﻮﺭ ﺍﺑﻮ ﺑﺎﺑﻴﻦ ﻭﺍﺣﺪ ﻣﺨﻠﻮﻉ ﻣﻤﻮﺟﻮﺩ ﻭﺍﻟﺜﺎﻧﻲ ﺑﻠﻜﻮﺓ ﻣﺮﻛﺐ ﻭﻛﻠﻮﺏ ﻣﻌﻠﻚ ﺑﻮﺍﻳﺮﺍﺕ ﺷﻮﻳﺔ ﻭﻳﻄﻴﺢ ﻋﻠﻴﺔ ﻭﺍﻟﺒﺎﺏ ﻭﺭﺁﻩ ﻣﺮﺍﻳﺔ ﺻﻐﻴﺮﺓ ﻣﻌﻠﻜﺔ ﻣﻜﺴﻮﺭﺓ ﻭﺍﻟﻐﺮﻓﺔ ﺑﻴﻬﺎ ﺭﻃﻮﺑﺔ ﻭﺍﻟﺸﺒﺎﻙ ﻋﻠﻰ ﺍﻟﺴﻄﺢ ﺍﻟﺠﺎﻣﺎﺕ ﻣﻜﺴﺮﺓ ﺧﺎﻟﻴﻦ ﻛﺮﺍﺗﻴﻦ ﺷﻠﻮﻥ ﺭﺍﺡ ﺃﻋﻴﺶ ﻫﻨﺎ ﻛﻤﺖ ﺍﺑﺠﻲ ﻭﺭﻩ ﺳﺎﻋﺎﺕ ﻏﻔﻴﺖ
ﻭ ﻣﺎ ﺣﺴّﻴﺖ ﺍﻻ ﻭﻣﺮﻳﻢ ﺗﺪﻙ ﺍﻟﺒﺎﺏ ﻛﺎﻟﺖ ﻳﻠﻪ ﺣﺒﻴﺒﺔ ﻧﺰﻟﻲ ﺍﺟﻪ ﺍﻟﺴﻴﺪ ﺍﻧﻲ ﻫﻨﺎ ﻣﻦ ﻧﺰﻟﺖ ﺣﺴّﻴﺖ ﻧﻔﺴﻲ ﺭﺍﻳﺤﺔ ﻟﺤﺒﻞ ﺍﻻﻋﺪﺍﻡ ﺍﻧﺰﻝ ﻭﺩﺍﻳﺨﺔ ﻭﻣﺎ ﺣﺴّﻴﺖ ﺍﻻ ﻭ ﺍﻟﺸﻴﺦ ﻳﮕﻠﻲ ﺗﻘﺒﻠﻴﻦ ﺏ ﺷﺒﻞ ﺿﺮﻏﺎﻡ ﻋﺒﺪﺍﻟﻠﻪ ﺯﻭﺝ ﻟﻚ ﺍﻧﻲ ﻫﻨﺎ ﺗﺬﻛﺮﺕ ( ﻗﺒﻞ ﺍﻛﺜﺮ ﻣﻦ 6 ﺳﻨﻴﻦ ﻫﺎﻱ ﺍﻟﻠﺤﻈﺔ ﺟﻨﺖ ﻃﺎﻳﺮﺓ ﻓﺮﺡ ) ﮔﻠﺖ ﻣﺎ ﺃﻭﺍﻓﻖ ﺷﻴﺼﻴﺮ ﺧﻠﻲ ﻳﺼﻴﺮ ﺍﻧﻲ ﻣﺎ ﺍﺗﺰﻭﺝ ﻏﻴﺮ ﻋﻠﻲ ﻛﺘﻠﻪ ﺷﻴﺦ ﺍﻧﻲ ﻣﺎ ﻣﻮﺍﻓﻘﺔ !!!!
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
،يتبع...
أنت تقرأ
فصلوني_ارمله
General Fictionﻓﺼﻠﻮﻧﻲ_ﺃﺭﻣﻠﺔ ﺗﺘﺤﺪﺙ ﻋﻦ اﻣﺮﺁﺓ ﻛﺮﺩﻳﺔ ﺍﺭﻣﻠﺔ ﺗﺮﻭﺡ ﻓﺼﻠﻴﺔ ﻟﻠﻨﺎﺻﺮﻳﺔ ﻓﻤﺎﺫﺍ ﻳﺤﺪﺙ؟؟ ....القصه حقيقيه
