Kasikas: Mga Balak Gikan sa Kasing-kasing

Dili Angay Pugngan Ang Kasing-Kasing

Dili angay pugngan ang kasing-kasing nga higugmaon ka,
Kay ikaw gayud ang ginapaminsar sa dayong pagtulog ug pagmata.
Ikaw ang matag pitik niining dughan, pagaampingan ko,
Ikaw ang kautlanan sa mga pagsubo.

Kanimo nga gitanyag kining taguhalang pagbati,
Wala damha nga ikaw makaplagan sa akong kinabuhi.
Tood man, ako gayud masakitan kung ikaw kalit nga mubiya,
Kining mga gipamulong ko mahitungod kanimo, usab paminawa.

Sa matang nga mga pagsulay, ako magpabiling lig-on,
Dili angay pugngan ang kasing-kasing nga ikaw higugmaon.
Dawaton mo unta kining tunhay nga gugmang nabatyagan,
Sa pagsubang hangtod sa pagsalop sa adlaw, ikaw gayud gihandom nga kanunay makauban.