سلام
لاتنسى اضيء نجمتك الساطعة وتعليقك ليسعدني💗🐰
اسمعوا الشعر إلي فوق 💗🍓
___________
زهراء
رجعنا صعدنا بالسياره گبل للبيت بس شنو احس نفسي مطفيه من النعاس طبعا اني تنبل مال نوم إذا مانام لازم انام ١٢ ساعه گبل صعدت فوگ بدلت ملابسي ونزلت شربت مي وصعدت اريد بس انام اني انعس بس مرات تجيني أفكار وماتخليني انام ابد ماتخليني انام ابوي هاي الايام وضعه الصحي مو كلش زين وماعرف شسوي هوا صح يبين انو بخير بس علمود منزعل اتمنى اشيل منه كل ألم اول مرا اشوف ابوي هيج وتجيني أفكار سوده تخلي النوم من عيني يطير افكر مرات أكول اني ماعيش بدون ابوي مستحيل احسه النفس اليصعد وينزل اتذكر من شفته بالليل قبل اسبوع شلون يلاكط الهوى ملاكط اني متتت بس أبين حتى ماكدر ابجي كدامه ياربي فدوا حط من عمري إله...
فتحت الفيس بلكت انسى أفكاري كاعده اكلب وجان يطلعلي أصدقاء قد تعرفهم ضليت اكلب وشفت فيس هذا الولد ضليت اگلب بمنشوراته وشفت علي واخواني وي الاصدقاء ترا مجرد فضول لااكثر🙂
بس شنو صوره كلش ححلوه هنيال إلى راح تأخذه بعدين صفنت ياربي اني شكاعد اسوي گبل طلعت من صفحته
گلبت باليوتيوب طلعت أصوات الاكل لأن احبهم وضليت اتابعهم إلى أن اجاني النوم ونمت واخيرا
_____________
ملاك
رجعنا للبيت صعدت بدلت وكملت
ونزلت جوه لان ضوجه شسوي بالغرفه
امي كالت روحي جيبي ماعون فواكهه لابوج
رحت ركض فوگ جبت فواكهه لأن الثلاجه مالتنا عطلانه غسلته وكملت ورحت وديته
وكعدت اني وسما وامي نسولف عالملابس واني احاجي امي علمود نروح باجر نجيب ملابس لخطبه علي
"ياااا ولج هوا الناس لهسه مارادينا جواب وانتي تريدين ملابس من هسه" الام كالت
"ماعاش إلى يرفض علاوي اخوي اكيد يوافقون هسه انتي بس باجر اخذيني للسوگ ويوافقون"
احاول اقنعها بلكت تاخذني لأن ضووووووجه ومللل
"اخذج للسوگ بس متشترين ملابس"
امي حجت
"ياااا هوا اني رايحه عالملابس صدگ تحجين "
حاولت اقنعها بس بعدين مليت وصعدت فوگ اكلب بالتلفون حتى التلفون ملل بس احب اقرأ اقتباسات وكذا
____________
أركان
من رجعنا للبيت كعدت شويه ونوب صعدت فوك
بس افكر مع انو اريد انام بس ماكدر اريد اكعد اكتب بس مابيه حيل هاي شلون سالفه ضليت افكر بيها وشلون طالعه حلوه اني بس نجذبت لشكلها لأن حلو بس مافكرت انو راح تكون اخت علي صديقي توقعت جايه خطار الهم تذكرت شلون شفتها من الشباك لأول مرا اسأل نفسي ليش نعجبت بيها مع انو شايف كثير بنات احلى بس هاي البنيه جذبتني بكل تصرفاتها بصغيره َوجبيره ضليت افكر واستسلمت للأمر الواقع ونمت
أنت تقرأ
ورقة بينَ ثنايا الكتب
Poesiaمشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
