فهد يكول لشمس يا أولهم وآخرهم يا كُل الناس بعيونيّ . .❤️
عمار: ي وشنو الموضوع لصارله ساعه يسولف بيه؟ عسل: تره ربع ساعه ما طول منين ساعه وبعدين شنو مراقبه انته عمار: لاتردين السوال بسوال ولاتغيرين الموضوع وجاوبي شيررريد عسل: اعتقد اكو شي اسمه خصوصيه ميصير هيج عسل : اشو هذا عمار عصب مني وخله وطلع وسد الباب ورا حيل خفت منه ورحت لحكته عسل : عماراستاذذذذ عماررر عمار: نعم عسل : ممكن دقايق من وقتك اريد احاجيك رجاءا عمار: اوك تعاي عسل: شبيك ليش هيج عصبت عمار: عسل سوال وجواب لاتلفين ودورين هذا شيريد وتره اذا ما حجيتي اعرف بطريقتي مو عبالج ما اكدر بس حبيت اسالج بالاول عسل: اوكي اوكي شوف هو جان ديفتح وياي موضوع عمار: عسل فضيني ادخلي بالمفيد اريد الزبده عسل: جان يريد يخطبني عمار: وانتي شكلتيله؟! عسل: اكيد رفضت عمار: ها خوش اليوم ينطرد من الشغل هم لعد عسل: حباب عمار لااا حباب هذا باب رزقه ماريد اكون سبب باذيه احد عمار : شعليج انتي اني اريد اطرده عسل: حباب الخاطري اول مره اطلب طلب منك لاتطرده حرام عمار:خوش انقله لغير فرع عسل: هااا خوش كيفك المهم لا تطرده حباب عمار: هاي هيه لاتلحين كتلج ما اطرده عسل:ما لحيت عمار:شبيج عسل: مابيه عمار: كااافي لاتضوجين ما يسوه الموضوع اصلا عسل:اوك هاي هيه عسل طلع عمار وفكرت انو هو معجب بيه وصراحه اني هم معجبه بيه تصرافاته حلوه ومرح عكس اسد مع العلم هو هم عسكري بس مو نفس اسد وعلي اخوي ولو علي هم حباب الا اسد غضب حتى من اروح للدوام يتحكم بلبسي اذا شافني الصبح مرات اطلع ويه طلعته ويشوفني صدفه يخبلني
استمرت الايام ولا جديد عدا فهد تقدم لخطبه شمس رغم هو الصغير بس اسد عادي عنده لان هو ما فكره بالزواج وميقبل يزوج حاليا اجه عمو وجدو وخالتي وبيبي وغزل واسد كلهم العصر وحجو ويه بابا وكلهم كبعو واخذو البنيه بتكم وشمس صارت طماطه واني اضحك عليها تجنن صارت وهي تستحي وعلي مكيف لان هو هم يريد غزل وادم يهوس راح نخلص منها وبقت عسل الاصغر منها بس عموري كالب خلقته وهو لو عليه اي شخص يجي يرفضه ميقبل نزوج ونعوفهم ابد حنين كلش رغم ما يدخل بكلشي بس يتخبل علينا يحبنا حيل
وطبعا بابا من انطاهم الموافقه كالو بعد اسبوع نسوي الخطوبه بين متجهز نفسها تحجز صالون وفستان والخ ... وفهد حبيبي مكيف يطب ويطلع يكولي عسوله اني عريس لحد يحاجيني وادومي متخبل عليه تره ما اطيك وتره اطردك وفهد يتخبل ع ادم من يكوله هيج يريد يكتله بس ميكدر مصلحته عدنا وشمس عافتهم ودخلت للبطبخ ورحنا اني وغزوله وراها عسل: شموس حبيبي الف مبروك فرحتي اكبر من فرحتج والله ابن عمي واخوي وصديقتي واختي الحلوه راح يتزوجون شريد اكثر من هيج شمس: حبيبتي عسلايتي يوم نفرح بيج غزل: عمري شموستي الف مبروك راح تجين وتعيشين وياي ع عناد ذولاك الناس وتباوع ع عسل شمس: حبيبتي غزوله الله يبارك بيج يوم الج عسل: عادي آٍجُـــي اعيش بغرفتج وغصباً عليج هم غزل: اهووو لزكه خوما لزكه غزل دخل علي والظاهر سمع كلامنا اني وعسل علي: ليش ست غزل منو يكول راح تبقين بيت اهلج حتى تكابلين شمس وتكعدين وغمز لغزل و راح عسل: حللللللل هيج احسنلج بقيت اضحك واحشش ع غزل وراحو بليل بيت جدي بعد ماتعشو عدنا وثاني رجعت داومت بدوامي عادي ورا يومين اخذت اجازه ورحنا اني وشمس وغزل ع مود نشرتي فساتين شتريت انــي فستان ردن وطويل ومن جوه قصه السمكه يسحل كلش نازك لون اسود غزل: رحت ويه بنات عمي واشتريت فستان طويل وردنه تول وكلوش كلش يخبل لون اوف وايت شمس: خطبتي من حبيبي وكلش فرحانه ومعجبني أجر بدله ابد عجبني اشتري فستان ف رحت وبعد ما افترينا هواي محلات اشتريت اثنين واحد مال محجبات لبسته بالعقد لونه ابيض بس ملبست وياه حجاب لان شعري تسريحه والثاني ماروني تول كلش حلو هم عسل:وشترت كعب شمس بس احنا عدنا ورجعنا للبيت ميتين تعب بيوم الخطبه الصبح راحت شمس للصالون ورحت وياها لان ماما بقت تحضر بالبيت والولد ويانه اخذنا علي اخوي للصالون اختارت شمس التسريحه والمكياج واني اختاريت بس مكياج وشعري فقط تسريح لان هو طويل وحلو ماكو داعي للتسريحة بقينا ل٢ وخابرت علي كتله كملنا واجانه ادومي لان علي مشغول واكيد الطريق كله ادومي يحشش ويضحك ادم: اكلج شمس شنو رائيج وهمه جاين يخطبون واكلهم بناتنا ما ننطيهن وهذا فهد مو خوش ولد واختي ما ازوجها اله شمس: حتى اموتك تموت انجب حقير ادم: خرب انه مفلفله😂خويه عـيب تره اني اخوج مو اصغر جهالج بس والله الاستحو ماتو بقو بس المايستحون امثالج عسل : اني ميته من الضحك عليهم بس يتعاركون وادم يحرك باعصابها وهي منا ترجف خايفه ومتوتره واني اخبلها بالزايد اكلها هسه تلكين وحده وياه ومخليه عينها عليه وتسويله سحر وتخرب خطبتج وهي ترجف رادت تبجي من القهر وهذا ادم كل ساعه ذابله حجايه يخليها تكمز من القهر هههههه والبنيه وجها صار اصفر وقطره دم ما بي واني وادومي ميتين ضحك عليها اخر شي ادومي طبك السياره يم محل مثلجات نزل جابلنا عصائر بارده خطيه خاف عليها بـعد ما طيح حظها وشربنا وكلت الها ريلاكس شمسنا نشاقه اني وادومي وياج اصلا فهد صاحله وحده مثلج المفروض يبوس الادين والرجلين لان انطينا اميرتنا وجبيرتنا شمس: عمري عسولتي عسل: وصلنا للبيت وطبعا لان بيت جدي بصفنا لكيت كل عمامي واكفين واسد هم بس فهد ماكو نزلنا اني وادومي وشموسه دخلت شمس بسرعه عادي هي لابسه قفطان فما اضايقت وعليه كبوس واني هم جنت لابسه عبايه جتف (صايه) وشال لان شعري سرح كلشي ما مسويتله بس سرحته وكفت سلمت ع عمامي وابوي دخل ورا شموسه واجه اسد يركض جنه خبل اسد: ما اطبين شمنتضره امه محمد كلها تطلع تباوع ع طولج؟ عسل: غير جدو وعمامي واكفين واسلم عليهم اوووي اسد: شلون افرك حلكها هسه عسل : حجاها بصوت ناصي سويت نفسي ما سمعت كتله ها شنو؟ عسل: طبي بنتي طبي جوه ولا اطلعين بعد ابد عسل : عفته ودخلت ما بيه اتناقش وياه واني فرحانه بالخطوبه وهو ادري بيه يعكر مزاجي شمس: دخلت للبيت وماما شافتني وشبكتني واني نفجرت بجي منا حجي ادم وعسل خبلوني ومنا ماما شبكتني ومبين ميته بجي ونوب اجه بابا شبكته وابجي وخالاتي وعماتي كلهن بيت جدو يجون ويه المشيه ويبقون لليل عدنا ومحد موجود بس اخواني وعمي الصغير هو ومرته تساعد بماما وخالتي الصغيره هم ويه ماما لان وحدها بابا: حبيبتي شموستي بنتي الحلوه لاتبجين وهاي الدموع ما اريـــًٍد اشوفهن ابد اعرفج قويه مو هيج ام دميعه شمس: بابا عمري الله يحفظك النا وشبكته عسل: دخلت لجوه وكتلهم بعدكم موكفين العروسه عقاب خوما عقاب خلوها ترتاح كـــافي اني وادم مطيحين حظها نوب انتوههههههه سحبت شموسه وكعدتها بكوشتها بالصاله لان الزلم تجي بالاستقبال وكعدنا ناخذ صور واحضر ويه ماما واروح منا واجي منا طبعا نزعت العبايه والشال بقيت هيج ونزل علوش من غرفته جان مبدل وكاشخ منتضرين بيت جدو كبل صوفر علوش علي: لك لك اليوم الكمر نازل بيتنا لاااا ومو بس كمر واحد كمرين فدوه شلون جمال عند خواتي هسه ابقه اتكلب واشمر ع بيت عمي لعد منطيهم كمر شويه خوما شويه عسل: فدوه لطولك الحلو يبعد اهلي وطوايفهم وعلي انته الكمر كلها كامت تضحك لان احجي هيج ويدرون احب القصص واقلد كلامهم وجدو وبيبي هم هيج يحجون واكعد احفظ كلامهم شمس: حبيبي علوش عيونك الحلوه علي: تعالو ناخذ صور سوه شمس: يلا ناخذ بموبايلي عسل: اخذنا كومه صور ويه العروسه وماما وبابا هم وبس انــي وعلوش وادومي هم اجه اخذ ويانه وعمر ماكو مختفي سالت عليه ماما كالت فوك رحت دكيت الباب شويه وكال تفضل عسل: تستقبل ضيوف؟ عمر: دخلتي بعد تعاي شعندج؟ عسل: شبيهن عيونك حمر؟! عمر: حساسيه احجي فضيني شتردين؟ عسل: اباوعله يحجي ع اعصابه وكوه لازم نفسه دمعته بعينه حبيبي هواي متاثر لان شمس نخطبت عسل: عموري عمري الحلو تره شموسه توها نخطبت حتى بعدها بسم الله يعني بعدها ع كلبك وبعدين كل واحد مصيره يتزوج وشموسه تسال عليك اذا تحبها روح باركلها وابقه يمها مو هنا حابس نفسك عمر: هو لو بيدي والله ولا انطيكم لو ملك هم ما انطيكم شنو تكولين ع كلبي قصدج بكلبي عسل: لزمت اجتافه من وره ومثل الادلك بيهم وكتله بعد عمري عموري الغالي وبسته من جتفه وكتله يله كوم حبيبي خل نروح يم شموس تضوج وحدها
فستان عسل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فستان غزل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فساتين العروس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الاحمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
