البارت الثاني عشر
وقفنا المرة الفاتت عند كريم وقمر
قمر : أي بقا الخطة
كريم : أي رايك نسافر كلنا مثلا شرم أو الساحل
قمر : فكرة حلوة تمام بس بلاش شرم ولا الساحل
كريم : اومال
قمر : أي رايك في مرسي مطروح
كريم : تمام بس اشمعنا
قمر : حلوة وبعدين ناس كتير بتصيف فيها دلوقتي
كريم : تمام انا هقول لماما وانتي جهزي الشنطة
قمر : اشطااااا
كريم : ماما ماما
سامية: أي ياحبيبي انا في المطبخ
كريم : ازيك يا ست الكل
سامية : اة ياكريم عاوز اي
كريم: وانتي عرفتي منين اني عاوز حاجه
سامية: علشان أنا قاعدة معاك من الصبح لية دلوقتي يعني بتقولي ازيك وداخل المطبخ
كريم : بيفرك في شعرة احم احم بصراحة يعني كنت عاوز يعني نسافر اسبوع
سامية: نسافر فين
كريم : نسافر ياماما نغير جو يعني نقضي اسبوع في مطروح
سامية : ماشي ياكريم فكرة حلوة بس يارب اخوك يوافق
كريم : انشاء الله بس قوليلو انتي
سامية : انشاء الله ربنا يستر
________________________________________________
عند زين في المكتب
سمر : مستر زين المشمهندس احمد برة عاوز يقابل حضرتك
زين : خلية يدخل
سمر : تمام يافندم
اتفضل يا استاذ احمد
احمد : ازيك يا مستر زين
زين: اخلص وقول عملت أي
احمد : تمام يافندم اتفضل دي كل المعلومات عنها
زين: وانا اعمل اي با الورق قول واخلص
احمد : احم آنسة ملك هيا عايشة مع مامتها واختها الصغيرة وابوها متوفي من وهيا صغيره وهيا محترمة جدا وعندها صاحبتها اسمها شروق ومن هما صغيرين مع بعض
زين: واهلها فين
دك
احمد : عيلة امها جدتها متوفية واخوات امها مسافرين برة
اما عيلة ابوها منقطع العلاقة معاهم
زين : لية
احمد : اعمامها وكلين حق ابوها في الورث وكان في خلاف بينهم واخوهم مات ابو ملك جدها حزن علية ومات بعدو بسنة
احمد : تمام لو عرفت حاجة تانية بلغني
احمد : تحت امرك يامستر زين
