ورقة بينَ ثنايا الكتب

الخوف

مرحبا

لاتنسى اضيء نجمتك الساطعة وتعليقك ليسعدني 💗🐰

اسمعوا الاغنيه إلى فوق لأن مهمه وراح تكون موجوده بالأحداث القادمه

. ________.

قومٌ إذا مس النعالُ وجوههم ... شكت النعالُ بأي ذنبٍ تُصفعُ - ابو الطيب المتنبي

_________

أركان

كعدت من الصبح اروح اشوف الشغل وحاليا اني اتريك لكيت امي وابوي الكل كاعدين المهم احب لمن اكعد واشوف عائلتنا كلها ملتمه تحس بأرتياح طبعا كل مرا اروح للشغل ب ٦ لذلك مالحك على شوفتهم بس نادرا ألكاهم كاعدين..

"اكلك فاضل شفت البارحه شلون لكينا بيت ابو عزيز والله صدفه" امي تحجي لأبوي

"اي بس شكد عيب احنا من شالوا ماسئلنا عليهم أخذت رقم ابو عزيز البارحه".
ابوي يحجي بس اني اسوي نفسي مامهتم

"اي اكلك شفت علي ابنهم هوا هذا الي طلب فاطمه"
امي حجت طبعا اني فرحان انو اختي تزوج شخص مثل علي يمكن البعض يشوفني ابالغ بس علي إله مواقف مانساها ورجال ينشد عليه الضهر واختي ماقاصره ام بيت وبنت شيوخ وفاطمه مو من البنات الي عاشت مراهقتها أو نحازت لأشياء هذا الجيل بالعكس من الصغر هيه رزنه وهادئه لذلك اشوفهم متلائمين

"اي شفته خوش ولد هوا وإخوانه بس هم لازم نسأل بالمنطقه مالتهم احنا ماشايفيهم من جانوا الولد صغار"
اني هنا تدخلت لأن اعرف بيت علي ورايح ال بيتهم وكاعد ومعاشرهم حتى علي كلشي يسولفلي واني كلشي اسولفله

"بويه اني رايح لبيتهم وماكو شخص معاشرهم أكثر مني وفاطمه أخيتي وادور مصلحتها وهيه مني ماشوف احسن من علي عريس الها اما بالنسبه لأهله اني دوما اروح بيتهم وإخوانه وابوه خوش ناس حتى أمه من اروحلهم تكعد وتسلم علي وعائله كلش محترمه وبعد بكيفكم"

اني حجيت لأن مايحتاج اصلا يسأل وإذا يريد يسأل عليهم اني بيدي اروح للمنطقه واسأل بس اعرفهم معرفه قويه لذلك هيج حجيت

" بويه إذا أنت هيج تكول احنا موافقين واعرفك تريد الزين لأختك بس خل نسأل فاطمه موافقه لو لا"فاضل حجه

" فاطمه فاطمه"
ضل يصيح على فاطمه يريد يسألها

"بويه اجوج خطابه والولد خوش ولد والقرار قرارج إذا موافقه كوليلي حتى نردلهم جواب

______

فاطمه

ابوي يسأل بيه واني مستحيه شأكول ياربي اني مو كلت لأمي موافقه هسه ميته من الخجل اخواني كلهم كاعدين وابوي يسأل بيه هاي شلون سالفهه