الدكتورة أسيرة الزعيم 🔫👩‍⚕️

الحلقة 19

بعدما هدرت معاه هكداك تقلق و خبط الكاس لي كان قدامو و بقا يشوف في الفراغ تاعها ببرود حتى طلع لبيتو و جبد تليفونو و عيط 
ماكس: الو جميلتي
****:هااي ماكس كيف حالك ؟ اتعلم لقداشتقت لك كثيرا
ماكس: و اتا ايضا ...لقد اتصلت بك لاعلمك فشيء.
****:نعم  ماذا هناك!
ماكس: يجب عليك ان تعودي الى كاليفورنيا الى القصر و الى العيش معي يا جوليانا
جوليانا: حقا!!!!!ياا انا لا اصدقك هل انت جاد يا ماكس!
ماكس  بضحكة: نعم جاد و جاد للغاية وحتى لكي اثبت لك ذلك لقد اشتريت لك تذكرة طائرة الى هنا !
جوليانا بحماس: نعم!! و متى موعد طائرتي!!!
ماكس: انه بعد الغد على الساعة 11صباحا
جوليانا: حسنا حسنا هناك الكثير من الاشياء التي يجب عليا تحظيرها لذلك ساعاود الاتصال بك مساءا يا جميل. 
ماكس: حسنا حبيبتي و كوبا...
تنهد و حبط عند جميلة : صباح الخير خالتي
جميلة: صباح النور ماكس وليدي
ماكس: قولي للخدم بعاودو يوجدو غرفة جوليانا راهي راح تولي تعيش معانا هنا من اليوم و روح
جميلة بابتسامة: يااااه و الله غير فرحت من قلبي دوك انا نطلع نوجدها كيما هي تحب
ماكس: يعطيك الصحة خالتي
جميلة: خدمتي
و طار للشركة خدم حتى للعشية رجع للدار اما جوري لي كملت الخدمة روطار لانو كانت في عملية جراحية صعيبة شوية راحت قعدت في البحر شوية و رجعت للدار لقاتو في الصالون يهدر في التلفيون و يضحك
ماكس: حسنا حسنا سيكون موعد وصول الطائرة على الساعة 13زوالا لذلك انا من سآتي لاصطحابك لانني اشتقت لك كثيرة ايتها المشاكسة الصغيرة
*********
ماكس: نعم اعرف انه رغم دراستك لادارة اعمال الا انك مولعة بالطب لذلك ساعرفك على انجح دكتورة اعصاب قد ترينها في حياتك
**********
ماكس: حسنا حسنا هسا خذي بالك من نفسك يا صغيرتي.....و انا ايضا احبك ...
كانت واقفة تسمع فبه يهدر و يضحك و كانت تقريبا اول مرة تسمع ضحكتو
جوري: باش لحق يضحك قااع هكذا و يهدر كاام حنين و عاقل مايكون يهدر غير مع حبيبة القلب و زيد الوجه الصحيح لي عندو يزيد يعرفها عليا و حابني نعلمها الطب في احلامك .و طلعت للبيت و خبطت الباب و هي دور و تهدر وحدها في البيت و تلوح بيدها حتى قعدت : و انا واش دخلني !!! اناا واش دخلنيي!!!! اواه انا لوكان نقعد هنا نطرطق رفدت ساكها و خرجت لحقت لباب القصر سمعت صوتو : وين بيها في نص الليل!
جوري : sorry!!
ماكس:متلعبيهاش متفهميش الهدرة ياك قتلك وين بيها في نص الليل!!  و كمل بسخرية: اه ولا رايحة تتلاقاي مع حبيبك!
جوري: ااه شفت كي تفهم عليا تمتم خلاص عرفت دوك خليني نروح و فتحت الباب
شاف فيها و عينيه حمورة  و خبط الباب موراها بقوة حتى تنفضت من بلاصتها : وين تروحي!
جوري  تشوف فيه و مش قادرة تهدر سكتت سكتت..
ماكس :راني نستنا في الإجابة على سؤالي
جوري: معندو مدخلك
ماكس بعدلها من قدام الباب : اوكي تقدري تروحي
خرجت ركبت طونوبيلتها و هو لحقها في الطونوبيل بلا متشوفو  راحت طريق الصبيطار تبسم و كمل طريقو و هو موراها غير لحقت شافت سيارة اسعاف مخرجين منها مرا حامل
جوري: واشبيها
الممرض: استاذة المرا في اواخر العشرين حامل في الشهر التاسع و الحمل تاعها خطير
حبطت جوري عند المرا و تمسح على شعرها : مرحبا انا جوري ما اسمك
المرا: ص...صو..صوفيا
جوري: حسنا صوفيا لا تقلقي سنقوم بحل الأمر و دارت عند الممرض : جهزو القاعة رقم 7حالااااا و دخلوها و دخلت جوري للعملية لي كانت شوية صعيبة لانو الجنين ماكانش في بلاصتو مي في الاخير نجحت جوري في توليدها..
ماكس لي عجبو اهتمامها بالمرضى تاعها و بالرغم من انها جراحة اعصاب مي هكداك و مخلاتش المرا تتعذب و راحت ولدتها حب يعرف واش ظلرت دخل  الاستقبال و سقساهم : لقد اتت امراة قبل ساعات قليلة حامل و كانت الطبيبة جوري معها كيف هي الان
الإستقبال بإعجاب لهاذ الشخص : دقيقة فقط اجري اتصال لكي اعرف حالتها...................
الطفلة: لقد استغرقت العملية ثلاثة ساعات و نصف و كان احتمال 60%فقدان الجنين او الام لكن الان كلاهما بخير و العملية نجحت  100%
ماكس: شكرا
تبسم و هدر : طلعتي فيك ما يكفيك يا دكتورة وين نحطوك تكوني و خرج ...
بعد  العملية  بساعة طلعت جوري لغرفة صوفيا
طبطبت و دخلت تضحك: كيف حال بطلتنا !
صوفيا بفرحة : لا يمكن ان يكون هناك بطل آخر غيرك....لقد انقذتي روحين مهما شكرتك كان قليلا جدا عليك ....شكرا لك دكتورة
جوري: لا شكرعلى واجب انه عملي و انا أحب القيام به على اكمل وجه
ضحكت معاها صوفيا و مدتلها باطا و قاتلها: ساكون جد مسرورة اذا قبلت مني هذا الشيء البسيط صحيح انه لا شيء أمام تعبك لكن ليكن ...
رفدت جوري الباطا فتحتها لقاتها شيكولا
صوفيا: ليفتح الله طريقك و لتري السعادة طول حياتك .
شكرتها جوري و خرجت راحت رفدت فيستتها و مفاتحها و راحت شرات قهوة و راحت للدار غير دخلت لمحت تصويرة على عرض الحيط تاع طفلة تكون في 19 /20 سنة بيضا و عينيها رمادي و شعرها صفر كانت شابة بطريقة مثيرة مي كان فيها ملامح تشبه لماكس شافت فيها و هدرت: هادي مازال ماجات و السيد هبل قاع هكدا كي تجي كيفاش و طلعت لبيتها دخلت للدوش فتحت عليها ماء بارد و بقات مدة ابري دوشت و خرجت لبست بيجامتها لي كانت طويلة و مقطنة خلات شعرها مطلوق و مشمخ و رقدت
❤🐚