32
اخر ربيع
اسمع صوت بهجت يحجي بعصبيه
وتكسير وامواعين
وعمه هم تصيح اصواتهم عاليه
حتى اخترعت ياربي شكو
شنو صار مو جانوا بلعرس ومتونسين
عفيه بيت ابد. مايهدء من المشاكل
طلعت من الغرفه وكفت يم الدرج واسمع شنو
مو طبعي اسمع
او ادخل بس هل المره الفضول خلاني اسمع شنو ي يصير يجوز الفراغ الي عايشه
بي مخليني هيج.اصير
واسمع صوت عمه وهي
دكول الله لاينطيهم
خربوا بيتي ظلوا يدخلون ويحرضوك
ويزنون براسك
ازوج وازوج
هاي ازوجت بعد شنو يردون
هم بعد هم وريايه
يدخلون
اسمع.واكول شنو مناسبه
هذا الكلام يعني المقصوده اني لو منو؟؟
مو جانوا بلعرس
،متونسين يجوز راح يزوج مره لاخ
ياريت والله
ورفعت ايدي بلدعاء
انتبهت للعياط.مستمر
اووه اني وهما وين
اجتي الكهرباء رجعت للوراه اخاف يشوفوني
وعمه بعد.تتحسب
وتصيح الله اكبر عليهم الله اكبر
على اخواتك.
طول عمري خادمتهم. وفاتحه بيتي
الهم وشايلتهم على راسي
عزاا.مو راس هذا
وهاي النتيجه صاروا
يتحكمون بكل زغيره وجبيره
ويردون كلشي علئ مرامهم
بس اني صوجي كون اسوي مثل ام زياد
جان الكل احترمني وعملي الف حساب
لج كافي على شنو هل الصوت العالي فوك مااستغفتلني وتتصرفين من ورايه
وتالي دكولين اهلي واختي السبب
ليش مادكولين المره شافت
ظلم وشي غلط
ماكدرت تسكت على تصرفج.واستهتارج
لج.اني خيري ياكل بي
الغريب وزوجتي الي باسمي هيج.تعامليها
مو هاي بنت اخوج.من لحمج ودمج.
بشنو ماذيتج البنيه ها كولي
توصل بيج تمضين عنها الاكل
والله اكبر ياربي شبكرها عند ربج
هاي ليش،يحجون عليه اني
احس العبره خنتكتني واني اسمعهم.
شون دنيا وصلتني لهنا
بس ماله داعي لهل الكلام
اني مااحب احد.يتعاطف وياي
ولاشاكيه لأحد
كلش ضجت
عفتهم. على نفس،كلامهم
وصياحهم ورحت للغرفه
ماريد اسمع أكثر
ظليت اتنفس،سريع
يارب امتحانك.والله صعب
اني شكو بهاي العائله
شنو اسوي لحظي الي جابني الهم
اجت عيني على.التقويم
الي ماصبحت يوم
الصبح اله احسب شكد.صارلي بهذا البيت وشكد.
وشكد.بقى إلى عدهم
حسبت صارلي ثلاثه شهور
وشفت انواع العذاب والف مشكله
يعني بعد.تسعه شهور هوايه كلش،هوايه
شون بيه شوكت
يخلصون وشون اتحمل واني اعيش،ويه هيج وحوش
لااكله لالبسه لاطلعه
حسبت بعد شهر او اقل
ويبدي الدوام واني لهسه
ماعرف اخبار صديقاتي ولاحتى اهلي هم
امي ماشفته
ولااعرف هي زينه او لا
ولاساره شكد.مشتاقتلها
وهما بعدهم أصواتهم عاليه
اليوم صباحي يجوز
طفيت الضوء
وتمددت واستلمت للنوم احسن حل
مايفيد.التفكير ولا الكلام
بس اسمع صوت عمه بعده عالي
رجعت اذكر كلامها وهي دكول اخواتك واهلك هما سبب زواجك.
مو هي الي خطبتني وهي الي قنعتني وشرطت عليه بعد.شكو هما
هوايه اسله براسي اريد اعرفها بس اسالمن اشوهي
هي لوتطبخ لو طالعه
وبهجت شوكت مااجيتله عاشق الولهان
حتى الحوار بينا معدوم
اووه شعليه بيهم ماريد.اعرف عنهم شي قابل راح اعيش
وياهم على طول هو اني فتره وطافره
واخلص منهم
ربي،طلبتك.ياحبيبي تعدي هاي الاشهر على خيرى
وماريد.شي،يربطني بيهم لاحمل ولاولد.
خلي يرجع لعمه واخلص منهم
اني طبعي مااسال ابد وهما هما مايحجون
لذلك. ماعرف شي
غفيت واني محمله هم وامنيات اتمنى تتحقق
اعرف النوم راح للبشر مو
هروب من الواقع
حسيت على صوت بهجت هو يوعيني
اباوع على الساعه تك.عين ساعه بوحده ونص
ها بهجت شكو
ليش،نايمه
تاخرت واني نعست
غير.تنتظريني
اهو عفيه مابيه احجي درت وجهي عنه واريد
ارجع انام
بس وين اكدر اله ياخذ،حقه يالله يرتاح
الصبح.كعدني من وكت هاي اول مره يسويها
