အပိုင်း (၄၈) လက်တစ်ဖက်တည်းနဲ့ မိုးကောင်းကင်ကိုကာခြင်း
ဟွားကျူ့ယွီ နာကျင်မှုကိုကြိုးစားသည်းခံရင်း ရှောင်ယင့်ဆီတစ်ချက် ခေါင်းမော့ကြည့်လိုက်တယ်။ ချောမောလှပတဲ့သူ့ရဲ့မျက်နှာမှာ စိုးရိမ်ပူပန်မှုတွေပြည့်နှက်လျက် သူမကို ငုံ့ကြည့်နေ၏။
တော်ဝင်သမားတော်က သူမရဲ့သွေးကြောကိုစမ်းသပ်ပြီး မေးလာ၏၊ “မိန်းကလေး ဒီရက်ပိုင်းအတွင်း မင်း ဘာတွေစားခဲ့တယ်ဆိုတာ ကျွန်တော့်ကိုပြောပြပေးနိုင်မလား?”
“သန်းဟုန်ရဲ့အစားအစာတွေအားလုံးကို ဟွေရွှယ်ပဲ စီမံတာပါ ဟွေရွှယ် ဒီကိုလာ၊ ဒီရက်ပိုင်းအတွင်း သန်းဟုန် ဘာတွေစားခဲ့လဲဆိုတာ သမားတော်ရန်ယွီကို ပြောပြပေး” ရှောင်ယင် အမိန့်ပေးလေသည်။
ဟွေရွှယ် အရှေ့သို့ လျင်မြန်စွာထွက်လာပြီး သမားတော်ကိုပြောပြ၏။ ဟွေရွှယ်ရဲ့ပြောစကားကို နားထောင်ပြီးတဲ့နောက် သမားတော်ရန်ယွီ ခဏလောက်တွေးတောစဉ်းစားပြီး ထပ်မေးလာ၏၊ “အဲ့ဒီဟင်းပွဲတွေအပြင် မင်း ဘာထပ်စားသေးလဲ?”
သူမ,စားသုံးခဲ့တဲ့ဟင်းပွဲတွေမှာ ပြဿနာတစ်ခုမှမရှိဘူးဆိုတာ သေချာသိနေတာမို့ ဟွားကျူ့ယွီ မျက်မှောင်ကြုတ်မိသွား၏။ အဆိပ်ဆိုလျှင် သူမရဲ့လက်ကောက်ဝတ်ကလက်ကောက်နဲ့ ကျိန်းသေ ပတ်သက်ဆက်နွယ်နေလိမ့်မယ်။ အဲ့လိုမှမဟုတ်ရင် ဒီစားပွဲကိုမလာခင် ရှောင်ယင်တစ်ယောက် သူမကို အဲ့ဒီလက်ကောက်ဝတ်ဆင်ခဲ့ဖို့ သတိပေးမှာမဟုတ်ဘူး။
ဒီလက်ကောက်က ကိုယ်လုပ်တော်ယဲ့နဲ့ ပတ်သက်ဆက်နွယ်နေရမယ်၊ ဒါပေမဲ့ သူမ အကုန်လုံးတော့ နားမလည်သေးဘူး။ ရှောင်ယင် သူမကို ဘယ်လောက်ပဲမျက်နှာသာပေးပေး၊ သူမကဲ့သို့ ဘာမှမဟုတ်သေးတဲ့လူတစ်ယောက်ကို ကိုယ်လုပ်တော်ယဲ့အဆိပ်ခတ်ခြင်းအပြစ်ဒဏ်က ယဲ့မိသားစုတစ်စုလုံး ပြိုလဲသွားလောက်တဲ့အထိ မဟုတ်သေးဘူး!
“မဟုတ်သေးဘူး အဲ့ဒါက ဘယ်လိုအဆိပ်မျိုးဆိုတာ ရှင် ကျွန်မကို ပြောပြပေးနိုင်မလား၊ ကျွန်မ သေတော့မှာလား?” လက်တစ်ဖက်ကို ပင့်မြှောက်ပြီး သမားတော်ရဲ့အင်္ကျီလက်စကို တင်းတင်းကျပ်ကျပ်စွဲဆုပ်ရင်း ဟွားကျူ့ယွီ စိုးရိမ်တကြီး မေးမြန်းလိုက်တယ်။
YOU ARE READING
Feng Yin Tian Xia မြန်မာဘာသာပြန် စဆုံး
Historical FictionFeng Yin Tian Xia (ပုန်းလျှိုးနေသောဖီးနစ်မင်းသား) Author - 月出云 မြန်မာဘာသာပြန် - My Novel Dramaအနေနဲ့ဆိုရင် Love under the floral rainနာမည်နှင့် Sebrina Chenနဲ့ Leon Leongတို့ အဓိကပါဝင်သရုပ်ဆောင်ရိုက်ကူးနေပါတယ် အပတ်စဉ် တနင်္ဂလာနှင့် သောကြာနေ့တိုင်း...
