الدكتورة أسيرة الزعيم 🔫👩‍⚕️

الحلقة 20

لحق اليوم الموعود ناض ماكس فرحان برجوع جوليانا دوش لبس الحطة سروال كلاسيك نواغ و تريكو كولغولي نواغ و مونتو beige لبس ساعتو دار ريحتو و خرج هو مع لي خرج تلاقاها في الدروج لابسا سروال كحل مع تريكو ابيض و طالون نواغ و فيستا طويلة بيضا و شعرها طوماطيشة
ماكس: صباح الخير ناس تقول
جوري تحت لسانها: راك قلتها الناس لي تقول.......صباح الخير و حبطت للكوزينة صبحت عليهم و حطتلها الخدامة قهوتها
جوري: ميرسي و قعدت تشرب حتى صونا تليفونها تبسمت و خرجت تهدر ..شافها كيفاش تبسمت بمجرد اتصال و هو الهدرة تي الخزرة متخزرش فيه تقلق و خرج موراها لقاها ركبت في الطونوبيل تهدر و تضحك ركب طونوبيلتو و راح للشركة يسييتي الورق و يرجع للمطار

نولو عند جوري لي عيطتلها يماها لي توحشتها و بقات تقصر معاها و مع خالاتها و مانها فرحت بزاف كي شافتهم هدرت و ضحكت كي كملت راحت لخدمتها تخدم....
جميلة و الخدم طيبو من كل نوع ماكلة تحبها جوليانا خملولها بيتها بعدما علقولها صورتها في الدخلة تاع القصر لي جابها ماكس و امر انها تتحط في بداية الدخلة تاع القصر.....
سام غارق في الخدمة و مرة على مرة يروح للمرسم عند ميار لي رجعت من تركيا و يبقى يشوف فيها من البعيد حتى عرف وين تسكن ......
كارلا لي محبتش قدوم جوليانا و دارت انو عندها خدمة و راحت ....
يعني الحالة راهي تمشي كيما حب القدر ....
لحقت الساعة 11كان ماكس في المطار مع حراسو لي محاوطين المطار خايف من اي حاجة ممكن تآذيها ...
و اخيرا خرجت جوليانا و بقات تحوس بعينيها على ماكس حتى  شافتو من البعيد واقف يشوف فيها و يتبسم و يدو قي جيبو راحت تجري ليه و صوطات عليه حتى اختل توازنو قريب طاح...
ماكس: اششش ببطء
جوليانا: كيفاش حبيت بلعقل و عنقاتو: توحشتككككك بزاااف
ماكس و هو يزير عليها: حتى انا توحشتك يا روحي..امم مليح كي مازالكي تهدري بلغتك الام😂انا حسبتلي نسيتيها
جوليانا: و كاش واحد ينسى اصلو ...ديجا راني جيت تديني نقعد يامات تم
و كملو الطريق و هوما يقصرو و يضحكو حتى وصلو للقصر
جوليانا و هي تشوف فيه: حاجة متبدلت فيه هو هو دخلت شافت مايكل
مايكل: جوليانا ابنتي مرحيا بك لقد نورتي القصر
جوليانا: اهلا بك ايها العم لقد اشتقت لك كثيرا
مايكل: و اما كذلك بنيتي. دخلت للقصر شافت الصورة تاعها: واااااو ماكس بزااف شابة
ماكس اكتفى بابتسامة  هي تشوف في الحيط و تخرجلها جميلة: جولياناااا
جوليانا راحت تجري تعنقها : طاطااااااا و بقاو يتسالمو و ينعانقو و ووووو حتى طلعت جوليانا لبيتها دوشت و رقدت ديراكت...
جوري لي تخدم و عقلها ماشي معاها قاع عقلها في المطار و في الطفلة لي راح يجيبها للدار كانت غايسة حتى فاقت على  صوت سوغان راحت تجري شافت طفلة صغيرة تبكي و يماها مغاشية راحت شافتها و شخصت الحالة تاعها و خدمت خدمتها همها الوحيد انو تهرب متمدش لروحها وقت للتخمام ..
لحقت 20:00جميلة و الخدم حطو الطابلة لي كانت من كل انواع الماكلة دخل ماكس : وين راهي!
جميلة: مازال محبطتش راهي في بيتها دوك نعيطلها
ماكس: اه خلي دوك انا نطلع عندها
دار جا طالع حتى شافها حابطة شافت في الطابلة و صوطات تجري : اووووو هادو قاع علاجالي اويلييي يعطيك الصحة طاطا
جميلة: بصحتك بنتي  هوما هكاك حتى تحل الباب و دخل سام شافتو جوليانا: اووهوه شوفو ياناس شكون ساااام و راحت تجري عندو عنقاتو
سام: وااا الخنفوسة كبرت و حضنها ليك وحشة يا لالا هادي غيبة
جوليانا: خلاص راني هنا حتى تكره مني
سام: ايا bien
و قعدو ياكلو حتى هدر سام : اوو الدكتورة ماكاشها !
ماكس شاف فيه تاع  كول و بلع
جوليانا: دكتورة!!
ماكس: اومبعد تعرفي شكون
سام و هو يزكر في ماكس: وي دوك تعرفي مرت خوك سام واش نقولك فيها زين وحدو ااااه منك لله يا دكتورة ...راني نخمم نمرض باش هي تتهلى فيا
جوليانا: امممم يعني لهاد الدرجة طحت فيها الا ما نشوفوها ست الحسن و الجمال
سام: تشوفيها تشوفيها و قعد يشوف في ماكس لي ولا يتنفس بسرعة و يدو على شكل قبضة قادر في أي لحظة يهجم عليه يقتلو بالضرب و ينسى بلي صاحبو حتى شافو سام هكاك سكت محبش يستغنى على روحو
كملو العشا و راحو قعدو في الصالون ماكس راحلو شوية زعاف مي مازالو مقلق كانو يقصرو حتى سمعو صوت طونوبيل
جوليانا: شكون جا في هاد الوقت و شافت في ساعتها راهي 22:00
نطق سام : هادي متكون غير هي
جوليانا بضحكة: اه حبيبة القلب و غمزتلو
قارات طونوبيلتها و هي تدعي في ربي باش ماتتلاقهمش دخلت و عرفت انو في الصالون جات طالعة حتى تسمع سام يعيطلها دارت ليه : وي سام كاشما استحقيت !!
جوليانا و هي تشوف فيها بانبهار: يعني واش قال عليك سام قليل فيك
جوري و هي مطلعة حاحبها تشوف في سام لي شاد الضحكة و جوليانا لب تشوف فيها و تتبسم و ماكس لي راح يطرطق من الزعاف و هدرت : sorry مي مفهمتش
جوليانا: قال عليك سام انك شابة مي واش شفت خلاني نقتنع  بكلامو و بزاف و دارت عند سام: بصحتك تعرف تخير
جوري لي مازالت تشوف و مافاهما والو حتى هدر سام :نعرفكم جوري أشهر و انجح دكتورة اعصاب في كاليفورنيا
جوليانا وقفت و مدت يدها : اتشرفت بيك هدرلي ماكس عليك بزاف لانو من و انا صغيرة و نحب الطب و تمنيت نتعرف على طبيب ناجح نقدر نشد منو افكار....اه بالمناسبة انا جوليانا نكون............

        ااااه نموت على suspense 🤞😂😂❤                      je vous aimez   ❤❤❤🐚