دارت الدنيا لتدق طبول قلبي

البارت الرابع والعشرون

ملاك..
مشاعري ك شتاء من دونك همزتهُ تاء...

صعب

تجاوزتك وكملت!
مجبر جنت مو بطل
ليش استلذ بالنصر!
وادري انه مو نشمي
غصباً علية عشت
من انتَ مو يمي
گلت اعله هجرك حلو
وگالولي عفيه وكفو
بس النتيجة شنو؟
گدام ناسي صدك
انه ربحت الحرب..
بـَسہ خسرت حلمي .!
_________

عيوني متشخصه عليهم اريد ارمش ما اكدر ، صح مابيناتنا حب ولا تعلق ولا حتى تعود ،

بس الخيانه بكل اشكالها واصنافها شي مقرف لهذا جنت اتجنب اتصالات صعب وما ارد على مسجاته من بدايه زواجي رغم هو اعز من روحي واغلى شي على كلبي بس ماخنت ،

ما انكر يجي على بالي ومرات تهيج مشاعري وابجي واكضيها حسرات بس هذا الشي مو بيدي جنت ادعي ربي يسامحني وينسيني وبديت اسعى حتى احقق نجاح بحياتي الزوجية النجبرت عليها..

انمدت ايد على ظهري ربتت عليه بهدوء ورقه التفتت ادهم ،

عبر عن الموقف بحركة اسف بحلكه

اماعيونه متجمعه بيها دموع  ، يمكن ملامحي وصدمتني جانت مؤشر تبعث ايعاز للمقابل يخليه يتعاطف ويايه ويحزن ، باوعتله وحجيت بنظراتي بمعنى شنو اسوي فهمني ليش هيج صار ويايه وليش مجبورة اعيش مثل هيج حياة وليش اشوف هذا الموقف ولازم اسكت ليش...

ادهم : باباتي اخذي نفس راح تختنكين..

من كال باباتي عبالك ذب جمر على جروحي وصرت انزف، عصفت ابالي تساؤلات وحجيتهن بصوت عالي ...

ملاك : وينه ابويه ليش ما يسأل عليه ليش ما يطبطب على ظهري ليش جبرني على هيج حياة ليش ليش ليش ..

رفعت ايدي وأأشر على جهة ضيغم واحجي بشهكة..

ملاك : هذا الموقف ليش عشته وحتى هو ليش عايش مجبور وما مرتاح ليش كل هذا يصير بينا منو السبب مو ابويه ، اي اني اكلك ابويه السبب لان ضعيف الشخصيه ماكدر يوكف بوجه جدي ويكوله بناتي ما ازوجهن على كيفك ، بناتي من دم ولحم وعدهم احاسيس ولازم اخذ رأيهم ، ابويه دمرني اي دمرني ..

حجيتها وكعدت بالكاع نزل لمستوايه ربت على كتفي وظل يستغفر رفعت عيني بأتجاه ضيغم وحبيبته باوعته شلون لازمها من خصرها ، قربهم مستحيل يوحي لعلاقة صداقة او حب لا اعمق كأنه مرتبطين ، يكفي الضحكة المرسومة بوجوهم تكشف طبيعة علاقتهم ...

ملاك : كرهته صح هو ماعنده ذنب بالصار ومظلوم مثلي بس صرت اكرها...

ظليت اردد بالكلمة الاخيرة..
جر نفس قوي وكال..

ادهم : حقج شعور طبيعي ك رده فعل للعشتيه بس كله يزول صدكيني..

ملاك : اختنكت اريد هوى ادهم اختنكت..

ادهم : وعيونج راح اخليه يعيش هذا الشعور اصبري عليه شويه..

شهكت ، ضرب على ظهري بخفيه ايديه وكال.