مرحبا
لاتنسى اضيء نجمتك الساطعة وتعليقك ليسعدني 💗🐰
اسمعوا الشعر إلي فوق لأن كلش حلوو😭🤏🏻
____________
لا تحسبوا رقصي بينكم طربا فالطير يرقص من الألم
_____________
زهراء
ورا فتره من دخلوا بابا للعمليات طلع الدكتور وكال بس اول اربعه وعشرين ساعه خطرر واني فكرت شيخلصها بابا فدوا اصحى بسرعه اما بالنسبه لملاك فهي حاليا نايمه وشاديلها مغذي اني نفسي بعد ماتحمل كلت لأمي اروح اوكف يم باب المستشفى اشتم هوى بس ماقبلت لذلك ظليت كاعده بس شنو احس نفسي راح اموت اولا معدتي توجعني ثانيا ريحه المستشفى موتتني ثالثا نعسانه اني ابدا منايمه امي كلساع تكولي خل محمد يرجعكم بس اني ماقيل شلون اعرف أبويه بهالحاله واني انام المهم صار نص ساعه علي مدري وين راح سمعته يكول صدقانه جايين مدري شنو بس اني بغير عالم
دخل علي وصدقانه اني عدلت نفسي وكعدت هوا كال السلام عليكم كلنا ردينا السلام ضل يحجي وي امي اني بوقتها رفعت راسي وشفته هواا
هوا نفسه إلي شفته بالعرس وراد الرقم مالي لعد شكد ابو نسوان ومايستحي مايكول اخت صديقي ومايصير هيج اني ضليت اباوعله بحقد هوا رفع حاجبه كضيت درت وجهي وتذكرت من شفته بال كاضم (ع) المهم شذكرني بيه مادري ضليت اصفن كلساع رحت يم امي كلتلها بعد ماستحمل فدوا بس اروح اشم هوى
"روحي بس ديربالج تتحركين من مكانج ولاترحين لأي مكان بعيد نص ساعه وادز محمد الج يلا روحي"
واخيرا قبلت احس طكت حوصلتي من كمت شفته ضل يباوعلي بمعنى وين أو مدري شنو اجيت اصلخه بنعال إله اطير وجهه شدخله والله يالله
ضليت امشي لنهايه الممر اكو مصعد صعدت وضغطت على زر الطابق الأرضي دقايق ونفتح الباب
وشفت صديق علي كاعد على المقاعد إلي يم مركز الاستقبال اني تجاهلته وطلعت برا لكيت مثل الكرسي وكعدت عليهه يمهه ضليت أجر نفس سريع ماصدكت راحت شويه من ريحه المستشفى
شفت أسواق يم المستشفى رحت اشتريت عصير بارد بس فرحانه بيه واخيرا لكيت شي يريح معدتي.
طلعت ولكيت صديق علي بوجهي هاي شلون سالفه خوا
"وين جنتي شعندج تفترين اكعدي بمكان واحد"
اني تعجبت وأكثر شي اكرهه انو شخص يتدخل بيه واهلي راضين
"بابا شدخلك انت ابوي اخوي زوجي والله يالله" عفته ورجعت كعدت عالمقعد وهوا هم كعد يمي
أنت تقرأ
ورقة بينَ ثنايا الكتب
Poésieمشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
