قــــــمــــري🌝
البآرت الســـــــــــــآدس
يوومةة محمد ✨
...
غمضت عيوني ومباش النوم يجي
قعدت نفكر شوي .. وقعمزت بنمشي لكوجينه نشوف كان ف حاجه ناكلها
بمجرد ماقعمزت .. حسيت كأن ف حد وراي
تلفتت وجمدت ف مكاني ...
هو هو نفسه، شن جيبه لحوشنا
شن يدير ف داري آآآه ياربييي
بديت نوخر لين طحت من ع السرير وانا نرجفف
وهو يقدم ..
واني نووخرر ،
حسيت بحاجه زي صنم وراي
تلفتت لقيته حيط ..
اووووووف توااا دوووركك واااككك
زفرت بقوة وصبيت وقعدت نقدم .. ونردد ف نفسي
انا قمر .. مش انا اللي نخاف
هيا هياا .. قدمي .. متخافيش .. كمليي متتردديش .. اعرفي منو هذاا
ضرووري تعرفيه
لامتى بتقعدي هكي ؟؟؟
لآمتى الخوف يجري ف عروقكك؟
ساااد .. فديتتت .. ملييييتتت
جتني جرأه نمد يدي ع وجهه ونحيت من عليه اللثام
مكانش ف ضوء هلبا ف دار معدا ضوء خفيف جاي من الصاله جيهة الروشن
لفت نظري شعره اللي واصل ل رقبته والشامه الكبيره تحت دقنه ..
ضربني كف .. وجعني لكن مستسلمتش خبشته ف رقبته بكل قوتي لين سمعت صوته يقول ايييي
نزل ع ركابه وشد رقبته
وانا قعدت ندور ف حاجه نضربه بيهاا ..
ريت عصاة مكنسه جبدتها وقعدت نضرب فيه
لكن هو زي الثور ناض عليا ضربني هلبا كفوف حاولت ندافع ع روحي بس هو اقوى مني ف كلتا الاحوال !
طلع من جيبه حاجه ..
وقرب مني وشد يدي بالقوة ونا ندف فيه .. جبدت يده بننتشها
نحاها بسرعه وضربلي اليبره
لحظات ومعاش نندري ع شي
_________________________
" قــــــمـــــر قـــــــمـــــــرررررررر "
امي تنوض فياا ..
نضت بالسيييف جسمي مدقدق .. فتحت عيوني وسكرتهم
فتحتهم تاني ..
امي؟
ماما : نوضي يابنت تأخرتي ع الجامعه
اني : الساعه كم ؟
ماما : منعلمششش نوووضي
اني : نضت نندب .. ووووك عليااا بتفوتني المحااااااضرررهه وووووااااااكككككك
ماما : باهي لحقي عليهاا خير ماتقعدي تندبي هكي
طلعت نجري خشيت للحمام حشاكم .. دوشت خت فت
صليت الصبح
بدلت وطلعت نجري مكلمتش حد يرفعني ..
طلعت نجري كعابي ..
وصلت بعد ماقريب طلعت روحي
....
فرح : وينك النم نتصل بيك مقفل؟
سندس : وخير امك تتأخري هكي؟
غدير : وجبتيلي البدله ولا لا؟
اني : بالشووويه النممم يابنات والله تاعبه وكيف نايضه من النوم
فرح : هي نخشو بسرعه المحاضره بدتتت
.....
بعد ما طلعنا .. قعمزنا ف كافيتيريا نهدرزو ..
اني : ياحيوانات شنو الدراما اللي مبارح درتوهالي؟
غدير : اسألي السي سندس
فرح : اني مدخليش مقلت شي
اني : سندس عليش قلتيلي هكي حشمتيني قدام خوك راه !
سندس : هو طلب مني مش انا بروحي راه والله قالي نجيبلك كندر
اني : وزياده يدويلي مصري
فرح : اقوى لقطه لما سندس بدت تبكي
اني : وووه هههععع وحق الله حسيتها باعتينها من فرصه تانيه
سندس : نعجبكم ياتشمات
اني : غير كيف درتيها !
سندس : الخرا متاعك جاب ليم وحطهولي ف عيوني لما كنت نكلم فيك
غدير : مايطلع منه
اني : حبيبي صقع عليكم
سندس : متعاركين ولا؟
اني : وانتي شن دراك !
غدير : اخته عاد
فرح : كلا انتن مكسدات بكل انا بنرن ع حد يجيني
سندس : رني ع قصي
فرح شبحتلها بحده وعيونها تعبو دموع ومشت
غدير : ووووااااااااااااكككك ياربييي شن هالمصيبه خيررك النمممم
اني : سندس خيرك انتي زابطه انهم مسيبين من فتره ومتحبش من يجيب سيرته قدامها
سندس : والله نسيت الله
اني : تعالو نلحقوها بسرعه
طلعنا نلحقو فيها .. دورنا هلباا لين لقيناها تحت شجره شاده تلفونها وحاطه ع صورهم مع بعض وتبكي ..
أنت تقرأ
قمري ❤️ (روايات ليبية)
Comédieوع سبيـل التذڪيـر : سيـستجـيـب 🤍🕯 . بقلمي .. مريم موسى محمد✨🌸.
