فدك... ساهر منو هاي
البنيه... انتي منو انه زوجته
فدك... ساهر اللي تحجي صدك
البنيه... يي صدك انتي منو
فدك بنفعال... ساهر ما تحجي منو هاي
ساهر... فدك صوتج لا يعله
فدك... كول منو هاي
ساهر... اول شي كعدي
فدك... ها كعدت وهسه احجي هاي منو
ساهر... زوجتي بس من مثل ما انتي مفكره
فدك... يعني كل الفتره كنت تخدعني واني مثل الغيبه مصدكه بيك
ساهر... فدك بس خلي افهمج
فدك... لا افهمك ولا تفهمني من هاي لحظه انه بطريق وانته بطريق نزعت الحلقه من صبعي وذبيتها بوجها وطلعت من المطعم طلع وراي لزم ايدي انداريت عليه وضربته راشدي وكتله والله اذا شفتك بعد مشيت وكفت تكسي وصعدت كتله أخذني ع منطقه شافني الطريق كله ابجي وصلت انطيته الفلوس ونزلت دخلت للبيت
مسلم... هاا شو اليوم راجعه من وقت
فدك... وين ابوي
مسلم... مااعرف طالع بعد ساهر وين
فدك... مسلم مو وكتتك
مسلم... هاي شبيها
فدك... عفته ورحت للغرفه اول مادخلت وكفت كدام الم ايه واخذت عطر وضربته بالمرايه صارت قطع مكسره ضليت اكسر بالغرفه بدون ما احس اكسر وأصرخ حقيرر ربي ياخده الله لا ينطي حقيرر ابو بنات مسلم دخل ولزمني
مسلم... الج شبيج شصاير وياج طلعتي عين الله عليج شصار
فدك... مسلم مابيه تعبت ماريده
مسلم... ماتردين منو شبيج
فدك... ساهر ماريده خلي يطلع من حياتي
مسلم... اهدي يعمري واللي تردي يصير بس أهدي
فدك... ضليت حاظنه مسلم وابجي مسلم أقرب واحد من اخوني دائمآ أكله شنو يصير وياي يعرف عني كلشي ضليت لليل بالغرفه دخل أبوي
بابا... فدووك تعالي احجي شنو صاير
فدك... بابا ساهر بعد ماريده
بابا... ليش شنو شبيكم
فدك... بابا طلع متزوج تعرف شنو متزوج
بابا... أهدي حبيبتي خلي اتصل ع ابوه واعرف السالفه
فدك... بابا ماريده لو يضل اخر واحد ع وجه الكره الأرضية ماريده (طبعا هاي العباره كل البنات يكولنها واني وحده منهن )
بابا... اوك رتاحي
فدك...اتصل بابا ع ابو ساهر وكله طلع حته هوه ميعرف ابنه متزوج ضليت يومين بس ابجي بس بعدها كلت ليش ادفن نفسي علمود واحد خاين ميسوه اخذت الجهاز واتصلت ع أستاذ جاسم وكتله اذا عنده قيضه يرسلي الملف كال لا بس باجر لازم اروح للمحكمه كتله عادي اجيك رحت ع مسلم كتله
فدك... سمسم اريد اطلع
مسلم... اوك وين تردين ترحين
فدك... مااعرف ايي مكان المهم اغير جوو
مسلم... اوك روحي حضري نفسك ع ما اروح اغير ملابسي
فدك... اوك رحت لبست قميص وردي فاتح وبنطرون ابيض وحذاء ابيض وجنطه بيضه وطلعت رحنه للمول افترينه ومسلم حلوو ودمه خفيف ضل يذب نكت واضحك عليه دخلنه المحل اخذت قميص ورحت علمود اشوفه يصير علي او لا لبسته وطلعت لمسلم سمعت مره تكله عرسان الف مبروك كلها لا خاله أختي
فدك... هاا سمسم شلونه
مسلم... يجنن بس ماكو غير ابيض ما تملين منه
فدك... لا ابيض وأسود عششششق
مسلم... يلا روحي غيري علمود نطلع
فدك... اوك رحت غيرت وطلعنه رحنه لمنطقه المنصور فترينه غيرنه جوو اخذت صوره وخليتها خلفيه ع الواتس ورسلتها ع الكروب مال الشله رد عبود ع الصوره
عبود... هذا غدر ليش ماكلتلي علمود نطلع وياكم
فدك... ما كلت تريد تطلع جان كتلك واجيت ويانه
عبود... لعد شعجب ساهر مو وياكم
فدك... اللي مايريدني بالغالي ماالبسه برجلي
عبود... شكو شصاير
فدك... ماكو شي بس صديقكم طلع متزوج واهله ويعرفون
عبود... شنوو
نهله... هلا فدووك ولج طالعه كيكه ومثل ما كلتي لا تلبسي برجلج
فدك.. يي عبود مثل ما سمعت متزوج
فدك... ولك حته الحذاء اللي اخذه غالي هوه ما يسوه
ساهر... فدك اعتقد ماكو داعي كلهم يعرفون وانتي مفتهمه غلط
فدك... اسكت ماريد اسمع منك شي
فدك... شباب لو انه لو هوه بالكروب
ساهر .. مو كروب الخلفوج
عبود... ساهر انته تسويها وتطلع متزوج ولك حرام عليك
ساهر... لا اكعد تستحرم برأسي وبعدين الشرع حلل أربعه
فدك... انته بس علي حافظها الشرع حلل أربعه
مرتضى... هلا شباب
الكل... هلا
مرتضى... ولج فدك طالعه تموتين ولك سويهر هنيالك عليها
فدك.... هههه مرتضى ع شنو هنياله
مرتضى... عليج بعد علمود شنو
فدك... لا يعمري بعد ماكو شي بينه
مرتضى... جذذذب لييش
فدك... اقرا وتعرف ليش
نهله... يلا حبي ربج يعوض وهم زين خلصتي منه هسه
فدك... يي والله يلا حبي اريد انام
الكل... باي
فدك... طبعا مرتضى اول ما عرف طرد ساهر من الكروب نمت مره 6 اشهر واني ما خلصانه من ساهر كل اسبوع جاي هوه واهله علمود ارجعله بيوم كعدت ب8 كمت من الفراش رحت للحمام غسلت أسناني وطلعت غيرت ملابسي وسويت شعري من فوق سرحته والأطراف برم طلعت من البيت اخذت السياره ورحت للمحكمه شفت أستاذ جاسم واكففدك... صباح الخير
جاسم... صباح النور شلون صرتي
فدك... تمام بس أستاذ بشنو اكدر أساعدك اليوم
جاسم... بس هاي القضيه راجعيها
فدك.... اوك أستاذ اخت ملف القضيه وكعدت ادرسها كنت كاعده واجوي بنيه بعمري ومره يطلع عمرها 50 وكفو كدام مكتب رفعت رأسي كتلها
فدك... تفضلي خاله بشنو اكدر اساعد
المره... يمه اريد المحامي جاسم......
فدك.... تفضلي خاله اني مساعدته اكدر اساعدج بشي هسه هوه بالمحكمة
المره... خاله ابني راح راح يموت
فدك.. أشرت ع الكرسي وكتلها تفضلي خاله واني هسه افهم منج كمت رحت ع الثلاجه اخذت بطل مي انطيته الها وكتلها شنو السالفه واريدها من البدايه وبدون كذاب
المره... خاله إبني رجال بحاله وهوه المعين الوحيد العائله وهاي مرته وعنده أطفال إثنين قبل شهرين اجاله واحد وضل يهدد بي يكله اموتك بس اخليك تموت بالبطيئ وتتمنه الموت امس الصبح راح للمحل ماله شوي ودخلت الشرطه لعبو بالمحل لعب واخذو وياهم ويكولون متهد بتجاره المخدرات وهسه بالسجن
فدك... خاله اني مااكدر استلم القضيه انتظري يجي المحامي و هوه يقرر ضليت المره يمي وبس تبجي نص ساعه واجه أستاذ جاسم
جاسم... السلام عليكم
الكل... وعليكم السلام
جاسم... فدك بس روحي نسخيلي هاي الاوراق بسرعه
فدك... ان شاء الله أستاذ اخذت الاوراق وكعدت أنسخ بيهن رحت وخليتهم ع مكتبه وجانت المره تحجي السالفه ابنها
جاسم... ان شاء الله خاله القضيه عندي وانشالله يطلع براءة
المره... فدووه الطولك يمه
جاسم... فدك اريدج ترحين ويه ام علي وخلي تاخذج ع مكان محل ابنه وشوفي اذا اكو دليل
فدك... حاضر طلعت اني وام علي و هدى زوجه علي رحنه وياهم لمكان المحل كتلهم
فدك... خاله خلي المفتاح عندي وانتي وهدى رجعو للبيت
ام علي.... لا خاله خلي اضل يمج
فدك... لا خاله روحي لان ماراح اكدر اتحرك براحتي
ام علي.. براحتج يمه بس انطيني رقمج علمود اذا نحتاجج نتصل عليج
فدك... ان شاء الله انطيتها رقمي وأخذت رقم هدى ضليت اشوف اذا اكو شي يدل ع براءة المتهم ضليت لساعه ب9 بليل واني كاعده بمحل علي ماكو اي شي يدل ع براءة طلعت من المحل وقفلته رجعت للبيت
ماما... وين جنتي اتصلت ع أستاذ جاسم كلي طلعت من الصبح ويه موكله
فدك... ماما أستاذ جاسم استلم قضيه تجاره مخدرات ورحت ويه ام الولد المتهم علمود اعرف اذا اكو دليل يثبت براءته بس ماكو شي السالفه مدروسه عدل
مهدي.... وانتي ثوله اكو واحد يستلم قضيه تجاره مخدرات ولج كاعد تمشين للموت برجليج
فدك... مهدي موتيش بابا منو يموتني
مهدي... ولج تجاره مخدرات يعني موت انتي من تحققين بالقضيه راح تجيبين المشاكل النفسج
فدك... مهدي الحافظ الله وبعدين تعرف اني شنو واكدر اتصرف
مهدي... فدك انتي ما تفهمين موت اذا انتي ماتردين نفسج احنه نريدج امج ابوج اخوانج كلنه نحتاجج
فدك... مهداوي حبيبي محد يوموت قبل يومه اذا ربك كاتبلي اعيش راح اعيش بس لازم اوكف بوجه الضلم تقبل رجال الوحيد المعين العائلته ينسجن وانته تعرف تجاره مخدرات عليها حكمين لو سجن 15سنه لو اعدام واني من دخلت حقوق اعرف هذا الشي راح يصير واعرف راح اواجه مجرمين واوجه بريئين
بابا... بنيتي مدخلج باخوج انتي هذا واجبج
فدك... لا بابا كلام مهدي ع عيني وراسي بس اني راح اكمل هاي القضيه وتره مو اني المسؤله عن القضيه أستاذ جاسم هوه المسؤل وهسه اريد انام تعبانه عفتهم ورحت للغرفه نمت بسرعه كعدت يوم ثاني ثاني نفس الروتين يوميه المحكمه ومن اخلص اروح المحل علي بس اريد طرف خيط رؤس أقلام ماكو شي القضيه متلبسه بي مر شهر ع هاي الحاله بيوم كلت جمعه استراحه ماكو محكمه جنت كاعده ويه أبرار زوجه مهدي نحضر بالغده وسمعنه صوت اطلاق نار ع بيتنه
يتبع....
