ازاد... ولك فهد ما اتخيل وحده ع ذمتي مستحيل
فهد... ماكو شي مستحيل
ازاد... وليش تاخذ واحد معاق روح خويه
فهد... خويه شدينه رأيه العباس واسمها اتسجل بعد ليش تحجي
ازاد... الله كريم وانجبرت ع الامر الواقع معاق واخواني عجزو مني مر اسبوع و4ايام اني بالمستشفى بعدها خرجوني رجعت للانبار والولد يسلمو ويرمون بالهوى دخلنه للديوان صبو الغده اتغدو وكملو بعد ساعه سمعنه صوت عياط بالحديقه طلعو اللي بالديوان كلهم ضلينه اني و فهد واسد كاعد يمي ابو الدواوين من هسه يكعد بالديوان
اسد... بابا امس اجت بنيه حبابه
ازاد... حبيتها
اسد... يي حلووه ولعبت وياي وعلمتني الأحرف
ازاد... بلا سمعني
اسد... همزه الف باء تاء ثاء حاء جيم خاء
ازاد... عفيه بابني الشاطر
فهد... شنو أسمها
اسد... مااذكر العمه شنو تكلها بس جدو يكلها بنيتي
ازاد... هه بنيتي
فهد... يابه خلي اطلع اشوف شنو هاي الهوسه
ازاد... يي اطلع طلع فهد شوي واجه يبتسم حجينه ورحنه للغرفه
ازاد... يي احجي
فهد... شنو تنطيني
ازاد... انطيك هوى شنو احجي
فهد... الله الخبر يسوه مليون
ازاد... احجي لا تلعب باعصابي
فهد... ساهر وفدك
ازاد سحبت نفس وكتله... شبيهم
فهد... منفصلين ساهر طلع متزوج بالسر وهيه ما تريده وانفصلت عنه
ازاد... يي
فهد... وبعد سالفه
ازاد... شنو
فهد... زوجتك نعرفها
ازاد... اكلك شبيك اليوم وين نعرفها
فهد... يي نعرفها ونحبها
ازاد... اهوووو تحجي لو شلون
فهد... زوجتك هيه فدك ربك ما يكطع
ازاد... تحجي صدك انته شنو فدك لا مو معقوله
فهد... والله شبيك اني شفتها بعيوني و الهوسه اللي صارت بين فدك وساهر
ازاد... كافي قلبي راح يوكف
فهد... يمه الحب يمه
ازاد... هسه هيه وين
فهد... مادري
ازاد... تعال ساعدني علمود انام ومن اكعد اشوفها
فهد... يي تعال ارتاح
ازاد... تمددت ع السرير وضليت افكر بفدك القدر جمعنه بس بغير طريقه نمت
فدك... من بعد ما صارت الهوسه اللي صارت دخلت للغرفه وضلت افتر نار شابه بقلبي افتر بسرعه بالغرفه اروح وارجع دخلن البنات
أماني... لا تفكرين هذا جروو ما يكدر يسوي شي
فدك... قهر قهر حته هنا يطلع بوجهي
عهد... لا تخافين مادام انتي بسد ابو اسد مايكدر يسوي شي
فدك... دروحي انتي وابو اسد مالج هوه اني اعرفه حته اعتبر بضهر رجال
عهد... وداعتج ابو اسد ما يتركج
فدك... ماريده انه اعرف شلون اتصرف هذا عار تعلم ع الدك انوب اضربه كدام الولد ما يهتز اني الا اشوفك فدك شنو راح تسوي يا ابن صبيحه بنت تولستوي
عهد... منو هذا تولستوي
فدك... هذا كاتب شجاب هاي ع هاي مادري بس راح اموت قهر
أماني... لا تقهرين نفسج والله ما يستاهل ومثل ما كالت عهد عندج ابو اسد راح يحميج واذا تردين هسه يطيح حظه الهذا العار
فدك... تعالن احجلي فهد شيصير منكم
اماني... ولج شنو فهد كولي ابو جهاد
فدك... هلوووو ابو جهاد منو
اماني... فهد هوه ابو جهاد
فدك... لحظه اذا فهد اخوكم يعني ازاد هم اخوجن
عهد... انتي منين تعرفينهم
فدك... اعرفهم
أماني... يي هوه ازاد اخونه و فهد اخونه بس منين تعرفينهم
فدك... فهد أستاذي بالكليه وازاد تؤام رو... قاطعني صوت الفون يرن شفته تؤام روحي رديت عليه
ازاد... بذاته هاي وين صايره
فدك... هلا والله بابو اسد اني لو انته بذات
ازاد... مشتاقلج جكوم
فدك... واني هم مشتاقتلك يالصاك
ازاد... يي شلونج شخبارج
فدك... ليش هوه باقي لون
ازاد... يا ستار شنو صاير
فدك... ولك سنه كامله لا تسئل لا تتصل وتكول عندي بنيه اعرف اخبارها
ازاد... وين الشغل الراسي وهسه راح اكابلج اربعه وعشرين ساعه
فدك... يي شكو ماكو
ازاد... ماكو وين انتي
فدك... بيتكم وبغرفه عهد يمي اماني و اميره وعهد
ازاد... العصابه متجمعه تعالن يمي
فدك... هسه اشوف البنات اذا يقبلن نجي
ازاد... تعالن شنو اذا يقبلن
فدك... اوك هسه نجي باي نهيت الاتصال وكتهلن كومن يم ازاد
عهد... ازاد حاف شنو لو شيخ ازاد لو ابو اسد
فدك... اوك كومن انروح يمه رحنه كلنه نمشي الغرفه ازاد اقاربهم راحو كلهم وصلنه يم غرفته دكينه الباب ودخلنه
ازاد... هلا والله هستوه مانور البيت
البنات... منور بيك شيخ
ازاد... شلونجن اخبارجن
البنات... بخير
ازاد... شلونج كبد
فدك... هلا حب الحمدلله ع سلامتك
ازاد... الله يسلمج
عهد وهيه تكعد يم ازاد ع السرير... هاي كعده اريد اعرف انتم وين تعرفون بعض
ازاد... ما نحجي
فدك.. انتي منو حته نكلج شلون نعرف بعض
عهد... هاي شنو فدك احنه مو كلنه احنه خوات لازم تحجين
ازاد... اني اكلج هاي اللي كدامج صديقتي بالكليه وبيني وبينكم عدها علاقه ويه فهد
عهد... شنوووو انته تحجي صدك
ازاد... صدكي وبعدين شوفي شلون راح تضل تحجي وياه... شنو صاير هناا
الكل اندار ع مصدر الصوت
فهد... ساهر وانتي فدك مشاكلكم بيتكم مو كدام الناس
فدك... أستاذ عن أي بيت تحجي ليش احنه شنو بينه
ساهر... امشي فدك لا تخليني اتصرف وياج غير تصرف
فدك... ماروح تفهم لو لا ماروووح كافي لو كتلت أمس ما نفعت وياك
فهد... فدك فهمينه شنو السالفه انتي وساهر مو تزوجتو
فدك... هلووو هاي منو كال هيج
فهد... مو انتم كلتو انخطبتو
فدك... وبعدها انفصلنه
ساهر... امشي لا تخليني ادفنج والله
فدك... ما روح
موسى... كافي بويه فدك دخلي داخل وانته تعال شنو بينكم
ساهر... شيخ حرمتي اريدها
موسى... هيه تكول مو حرمتك
ساهر... خالي حرمتي شنو بكيفكم
أماني... بويه صدك فدك وساهر خاطبين بس بعدين انفصلو لان ساهر طلع متزوج بالسر وهيه ما تريده بعد واني ما شايفتها بس بصور المهر وماكدرت اتذكرها
فهد... يعني مالك حق بيها انتم منفصلين
ساهر... مو بكيفك انتم مادخلكم
موسى... ساهر كافي المره عقدنه عليها كافي
فهد... بويه أماني احجي الصراحه انفصلو لو لا
اماني... والله انفصلو وحته ساهر أمس يم بيتهم ومن عرف بيها اتزوجت كلب الدنيا
فهد... عجل هذا هوه ساهر البنيه مو الك خلص افهم ضل يصرخ ويغلط محد اهتم الا دخلت للديوان
ابو اسد... شصاير بره
فهد... كل خير خويه
ابو اسد... يا خير والدنيا مكلوبه
فهد... انشي نروح الغرفتك ونحجي
ابو اسد... امشي
خلص خلي نتعرف ع البطل
ازاد... السلام عليكم اني ازاد عمري 31 سنه خريج حقوق ادرس دراسات عليا ماجستير كليه بغداد حبيت بنيه جانت مرحله ثانيه اول ماشفتها وبالصدفة طلعت طالبه عند اخوي و زميله ساهر ابن عمتي حبيتها اني جنت رايح اقدم ع دراسات عليا ودخلت علينه وضلت تضحك ويه فهد وماانتبهت اني موجود بعد فتره طلع قبولي ضليت امشي وياها وسوالف وضحك بحيث صرنه اصدقاء حيل واني يوميه يمهم ومحاضراتي اضربهن اذا هيه ماعدها محاضرات علمود اكعد وياهم مرت الايام ودخلت مرحله رابعه وراح تتخرج في يوم جنه كاعدين اجت وضلت تحجي وبعدين عرفت انخطبت الساهر هنا انقهرت حيل راحت من ايدي خسرتها ادمرت كلياً عليها هيه جانت كلشي بحياتي بعد امي وابوي وابني اسد ضليت اتجنبها بس تغيرت صرت ازاد ثاني مو نفسه ازاد القديم الهادي صرت إنسان عصبي النهار كله واليل بس اعصاب جنت كاعد عد بيتي بغداد بالغرفه مالتي وضليت ابجي ارتفع صوت شهكاتي بدون ما احس انفتح الباب ودخل فهد
فهد... ازاد بيك شي
ازاد.. لا يخوي مابيه
فهد... لعد ليش تبجي
ازاد... مابيه تعبان وبجيت
فهد... ازاد يخوي انه رجال وانته رجال واعرف الرجال مايبجي غير السببين
ازاد... شنو هذان السببين اللي يخلن الرجال اللي الناس تحلف برأسه يبجي
فهد... الأول فقد عزيز مثل امي او ابوي لا سامح الله والثاني علمود بنيه تحبها من قلبك بنيه تحبها وتركتك
ازاد... وانته شتكول علمود شنو ابجي
فهد... علمود بنيه لان اهلك الحمدلله مابيهم شي
ازاد... راح احجيلك اريد احجي اللي بقلبي اريد ارتاح
فهد... احجي واني اسمعك احجي وارتاح
ازاد.... اني احب بنيه بس انخطبت واللي خطبها ساهر راحت مني ولك مااكدر بدونها صارلي اسبوع مبعد عنها بس مختنك حيل اريدها اريد اكون يمها اريد احتويها بس راحت الغيري
فهد.... ازاد اعرف الحب شنو يسوي بس انته لا تعب نفسك ارتاح خليها ع ربك والله اذا الها نصيب وياك ترجعلك يعني ترجعلك بس انته ادعي ربك وفدك بنيه حلوه بس مو من ملتنه فدك سافره وعدها حريتها بس احنه ماعدنه هيج
ازاد... ماعرف احبها فهد احبها
فهد... ربك كريم يلا كوم نام
ازاد... مرت الايام وصار سنه واني مااعرف عنها شي بيوم كعدت الصبح وطلعت رحت البيت خالي سلمت طلعت ويه غياث رحنه علمود عنده شغل خلصنه عصر جنه راجعين البيت خالي طبعا غياث ابد ما تبع القانون يخالف بكلشي ويكول الدوله شعرفها شديصير فطلعنه من الفرع بدون ما ينتبه وضرب سياره اللي طلعت بوجهه بعدها ما حسيت غير بالمستشفى رجلي ما احس بيهن شفت فهد كاعديمي انتبه
فهد... هاا خويه شلون صرت
ازاد... بخير غياث شلونه
فهد... انطاك عمره
ازاد... مااكدر اوصف حالي بهاي الحظه صح عندي 6اخوان غيره بس الاخو غالي مهما يكون بعدها كالو فصلنه اهل الولد 100 مليون وفصليه
ازاد... يي ومنوو راح ياخذ الفصليه
فهد... انته
ازاد... انته خبل شنو اني اخذها
فهد... خويه اعرف اللي راح اكوله يزعجك بس انته هسه معاق لا تكدر تتحرك ولا شي ومن انصير احنه مو بلبيت منو يساعدك امي مابيها لو نسوانه
ازاد... ماريد احد روح لا تفكر اني بحاجتها بنيه تروح بالرجلين
فهد... ازاد انته العاقل اخذها وارتاح ايمن خاطب و زين يموت البنيه اذا اخذهاعهد... ولج انستري
فدك... شكو شبيج
عهد... ادري نايمه يم زلمتج هيج تره احنه بنات
فدك... ولان بنات البس هيج
عهد... شكد عيب
اماني... وشنو العيب هيه متعلمه ع هذا البس
فدك... يي والله ما ارتاح اذا ما ألبس هيج
اماني... نامي حبيبه نامي
اميره... اكلج انتي ما تاكلين
فدك... ليش
اميره... لان جسمج مشدود
فدك... مو اني من جنت بغداد مسجله بجم والعب رياضه دائما فجسمي هيج واذا ع الاكل من جنت بغداد كله اكل مطاعم من اطلع ويه اخواني وناكل عن سنه بوجبه وحده بس الرياضه هيه تشد الجسم
اميره... هاا
أماني... انتي جسمج حلو وبشرتج حلوه الماروني ياكل ويشرب عليج
فدك... 😶😶
عهد... خجلت يمه الصراحه انتي وابو اسد حلوين
فدك... انجبي اشو اني وازاد اخوان فتهمتي سو لا تفكرين بالي بالج
عهد... اخوان من جنتو بالكليه هسه انتم متزوجين
فدك... اكلج سدي الموضوع وانتي اماني تعالي احجي أمس شلون رجعلكم هذا العار
أماني... ولج كاعدين ع الغده دك تلفون عمي رد عليه وطلع ابوج حجه عليه حجي ما ينلبس عليه ثوب وكله هسه تجي تاخذ ابنك البنيه تزوجت وراحت بحال نصيبها لا بجي ابنك يدمر حياتها راح سليم ولاكي مكتول كتله معدله جابه واجه عمي هم استلمه رزايل وضربه لان ساهر اتماده هواي
اميره... بس سؤال
فدك... جواب
اميره... شنو عجبج بهذا العار
فدك نزلت رأسي وكتلها... ماعرف شنو اكلج بس جنت مخدوعه بي
اميره... تحبي
فدك... قبل يي بس هسه اكرها ولج بسببه دخلت مخفر والشرطه والضباط كلها تباوعلي لو يجي يرمي ع بيتنه لو لو لو كليلي شنو يخليني احبه بعد
عهد... ويع هذا مال حب ابو بنات
فدك... ااااخ نهله كله تكلي لا تقربين منه بس ما اصدك
عهد.. حبيبه هوه هاي الناس عدهم وجهين واحنه عباله ملائكه بس همه شياطين انتي انسي ساهر واعتبري ماموجود
فدك... أصلا هوه مو شي مهم المهم ضلينه نسولف شوي ونمنه كعدت يوم ثاني ع لمسات ع وجهي فتحت عيوني
اسد... صباح الخير
فدك... صباح النور
اسد... بابا يكول تعالي اكلي
فدك... ان شاء الله بس اطلع علمود ابدل
اسد... ان شاء الله
فدك... طلع اسد كمت غيرت ملابسي وطلعت للصاله كاعد يتريكون كتلهم... صباح الخير
الكل... صباح النور
فدك... عهد ليش ما كعدتيني
عهد... نايمه وماعدنه شي علمود شنو اكعدج
فدك... ميخالف كعديني
عهد... يي تعالي هسه مادري شعدنه
فدك... كعدت يمهم تريكنه وكملنه وكمنه نغسل المواعين دخل فهد وكعد يسولف ويضحك للعصر البنات راحت لبيوتهن كعدنه اني وعهد اشوفها صوري بغداد
عهد... شكد حلوو هيج بغداد حلوه
فدك... تجنن شوي هاي الصوره
عهد... حلووه منو هذا اللي وياج
