ورقة بينَ ثنايا الكتب

لست أنا

مرحبا

لاتنسى اضيء نجمتك الساطعة وتعليقك ليسعدني 💗🐰

اسمعوا الاغنيه ومتأكده راح ترجعكم بالزمن وللذكريات الحلوه 🤍

____________

ياسر

من التقيت بيها وشفت حالتها نقهرت وجهها ذبلان وبالكوه تحجي ووضعها متخربط واضح عليها المرض مدري شنو الي علقني بهالبنيه بس يمكن لان ماشفت البنت الي تعجبني نعجبت بملامح وجهها الهادئه وتربيتها مع انو ماكاعد وياها أو ماسائل عليها حتى اعرف بس كلبي يكلي خوش بنيه ودخلت كلبي من ناحيه تصرفات لا اكثرر

المهم طلعنا رجعنا للغرفه الي بيها ابو عزيز نص ساعه وترخصنا علمود نروح لأن تأخرنا وأركان وراه كعده هوا وابوي طبعا ابوي الشيخ بس أركان وياه علمود يتعلم على هذا الشي لأن اول وتالي هوا الشيخ ورا ابوي هوا مايحب هذا الشي بس بعد وكع الراس بالرأس اشوفه مرات ادخل غرفته اقرا كلماته أركان مختلف بكلشي انسان مثقف ومتعلم يعني من الأشخاص العارفين شلون نكول قيادي يعني اذا تمشي برأيه يجيك الخير كله كلبه طيب عمره وحياته ماضوج شخص يعني شخص جدا مثالي يصلي ويصوم مو لان اخوي أكول هذا الشي بس هوا معروف بطباعه الحلوه

طلعنا اني وأركان وعلي وصلنا للكراج ودعناه وكملنا طريقنا كتله خل ننزل بمطعم لأن جوعانين

"اكلك امشي نروح لمطعم جوعان"

"اني ماشتهي أكلت قبل منوصل هسه ادورلك مطعم نكعد بيه وبعدها نروح لابو شمس"
ابو شمس صديق أركان مع انو رجال جبير بس أركان تعلم من الصغر يكعد يمه لأن جان صديق أبويه ويانه بالعشيره وراها طلع بس أركان كل مايجي لعلي يروح اله

"اكلك انته شعندك تروحله شو هوه رجال أكبر من ابوي "ضليت اسئل اريد اعرف السالفه..

" خوش رجال وماكدر مازوره مره نقذني من الغرق شلون انسه فضله عليه"
اني تعجبت من كلامه شنو غرگ
.

"ليش انته غركان من قبل واني مادري"
هوا ضل يضحك انوب جوابني..

"تعرف البحيره إلى ورا بيتنا مرا جنت العب هناك ومدري شلون وكعت غركت بيها وماحسيت إله ايد طلعتني وطلع هوا وكلمرا اكعد يمه تصدك حتى هوا الي علمني على الصلاه خوش رجال مؤمن"

ضلينا نسولف إلى أن نزلنا مطعم أركان ماطلب شي بس ماعون مقبلات ضل ياكل بيهم واني طلبت كباب ضل يحجي وفجأه حجه

" ولك تغيرت شعجب جنت مسربت هسه صرت رجال حتى الكعده وياك حلوهه "
هوا حجه وهوا مبتسم اني ضليت اضحكك.
" ماكو شي يبقه على حاله"