⬅️⬅️⬅️اقتباااس #رواية_كيرفينيا⬇️⬇️⬇️
((((كيرڤينيا ))))
🌹بقلم ريحانة الجنه🌹
(((اقتباااااااااس))))
روح قاعدة بتسمع كلام والدتها وبتكتم دموعها . هي مش حاسة انها بتدبحها بكلامها ده ووصفها ليها بالشكل ده. ساكتة ومش بترد.
بس دكتور شاهر حاسس بملامحها ومتألم علشانها وفي نفس الوقت مش عاجبه كلام والدتها . وبهدوء كلم والدتها .
شاهر ابتسم بهدوء: مدام مريم حضرتك خلصتي ولا لسة عايزة تقويلي حاجة!
مريم بزهق وتعب : انا لو هقول هقول للصبح انا تعبت منها يا دكتور دي مابتبطلش اكل هتروح فين بعد كدة. دي ماحدش هيرضي يبصلها وهي بالشكل ده.
شاهر بضيق من طريقة كلامها بص لروح وابتسم: قوليلي يا روح انتي لما بتاكلي بتبقي جعانة ولا بيكون جواكي ضغط بتنفسي عنن بالاكل . يعني شعورك في معظم الاوقات بيكون ايه.
قبل ماروح ترد كانت ردت مريم بسرعة.
مريم: بيكون طفاسة بعيد عنك. دي بتاكل طول الوقت هو فيه حد جعان ليل ونهار . وكبت ايه اللي هتنفس عنه ده هي دي بتحس دي جبلة لو بتحس كانت ساعدت نفسها من سنين واحنا روحنا طلعت معاها غلبتنا.
شاهر مابقاش متحمل مريم ووجودها والضغط اللي محملاه علي روح.
شاهر بعصبية : مدام مريم ممكن تسنيني برا شوية عايز اتكلم مع روح لوحدها بعد اذنك.
مريم مستغربة: ليه مش فاهمة. اصل خد بالك اي نصيحة او تعليمات قولهالي انا. دي ايدك منها والارض مش هتسمع الكلام.
شاهر: حاضر هبقي افهمك التعليمات. ممكن بقي تسبيني معاها شوية .
مريم بزهق قامت وخرجت وهي بتبص لروح بغيظ.
شاهر قام من علي مكتبه وقعد قصاد روح وابتسم: ممكن بقي اسمع صوتك انتي ساكتة من ساعة ما دخلتي . انا عارف ومقدر مدي تأثرك وزعلك من كلام والدتك. بس معاكي حق انا نفسي اتضايقت.
روح بتحبس دموعها وكسوفها منه بعد كل الاهانة اللي والدتها اهانتها بيها .
روح بصتله وهي غصب عنها دموعها خانتها ونزلت: ااانا مش زعلانة .. انا اصلا مابحسش .. ااانا زي ماهي قالت بقرة بتاكل وبس لا بحس ولا بفهم. ااانا اصلا مش بني آدمة ... اانا المفروض اتعزل بعيد عنهم .. انا اصلا مش هخس ولا هبطل آكل.. ولا هتجوز ولا هحب ولا اتحب. انا واحدة وحشة وحشة وتخينة ومافيش حد ممكن يبصلي. انا عاجبني نفسي كدة هما مالهم. يسبوني في حالي بقي. انا مش عايزة اتجوز مش عايزة.
شاهر اتنهد بحزن عليها كلامها دموعها وجعت قلبه قرب منها واخد منديل ومسح دموعها وابتسم: مين قال انك وحشة !
انتي جميلة جدااا. شعرك كيرلي وجميل عيونك حلوة اوي ولو علي جسمك هو ايوة مليان شوية بس هيتظبط. وبيني بينك هو مش وحش يعني نقدر نسميه كيرڤي مش بشع ولا حاجة...
روح سهمت وبصتله بعدم تصديق: انا ! انا شعري حلو وكيرڤي ! ااانا عنيا حلوة !
شاهر ابتسم : ايوة عيونك حلوة. ايه مش بتبصي في المرايا ولا ايه!
بصي يا روح انتي لو هتخسي فده علشانك . علشان تكوني افضل واحسن. علشان صحتك. علشان حيويتك وشبابك. مش علشان تعجبي حد ولا تتجوزي..
انتي هتحسني من نفسك علشان نفسك. وانا هكون معاكي خطوة بخطوة. ووالدتك دي اركنيها علي جنب. كلامنا هيبقي بينا احنا . واوعدك هتكوني اجمل بنت في عيلتك واصحابك.
روح ابتسمت وهي سعيدة اول حد يشوفها كدة. اول حد يكون رقيق وحنين معاها كدة غير باباها: هو انا فعلا ممكن اخس من غير عملية.
شاهر ضحك : ههههههه. ايوة هتخسي من غير عملية بس بشرط.
روح بصتله وعقدت حاجبها: شرط ايه !
شاهر قرب منها شوية وابتسم بهمس: مش هتخسي كتيير شوية بس لانك بصراحة جميلة اوي وانتي كيرڤي كدة.
روح ابتسمت وهي مكسوفة: احممم . مماشي اللي انت شايفه مناسب. وانا اوعدك هكون مطيعة واسمع الكلام.
وكملت بتردد طفولي : ببس االصل هههو ممكن يعني تبقي تزودلي الاكل شوية ... اصلي بحوع.
شاهر قلبه حنلها بشكل غريب
فيها طفولة وبرائة مش طبيعية ابتسم: ماتخفيش. نظامك هيكون اسلوب لحياة جديدة تقدري تستمري عليه مش هنمنع حاجة هنقلل الكميات وهنبدل في الانواع. حتي الحلويات والشيكولاتات. هتكون بالتبادل ومش هتتمنع. بس المهم تلتزمي بكلامي وماتستعجليش النتيجة . واوعدك هتكوني جميلة اكتر لانك في الاصل جميلة.
روح بصتله واتنهدت وبينها وبين نفسها: هو انت حقيقي ولا انا بحلم. هو فيه كدة. ده انت مافكش غلطة يخربيت جمالك لا ولا كلامك يجننن. كلك علي بعضك تجنن.
شاهر شافها ساكتة وسارحانة: روح... روح ... معايا...
قبل ما ترد مريم خبطت ودخلت .
😊😊😊نكمل بعدين يا حلوين ... ده كان اقتباس من
**كيرڤينيا **
#ريحانة_الجنه🌹
#رواية_كيرفينيا_بقلم_ريحانة_الجنه
🚫🚫 اقروا و استمتعواااا و ابقوا افتكروني🚫🚫
و نشووووووف أحلي تفاااااااعل
