الدكتورة أسيرة الزعيم 🔫👩‍⚕️

الحلقة 21

جوليانا: و انا نكون جوليانا اخت ماكس الصغيرة
جوري للحظة تشوكات من واش سمعت : اخت ماكس الصغيرة !!!! يعني هي ختو يااك
فاقت من سرحتها كي عيطتاها جوليانا : وين رحتي
جوري: اه سمحيلي و الله غير راني عيانة شوية  تشرفت بمعرفتك و ان شاء الله راح نحققلك حلمك و راح نعلمك كل حاجة اساسية في الطب مي ماشي دوك باسكووو راني جثة بلا روح يعني لوكان  تزيد شوية نرقد واقفة 😂
جوليانا: اوكي تصبحي على خير غدوة نكملو قصرتنا
جوري: اوكي و طلعت لبيتها قعدت دور كي المهبولة و تهدر : يعني لي دار علاجالها هاد الشي قاع تكون ختو اييييه مليح المهم انا تروح نرقد و خلي كلش للوقت و رقدت مع الغمضة الاولى

سام: شفتي مرت خوك شحال شابة !
جوليانا: منها شابة و موهوبة و تبان حنينة و عاقلة و دارت عند ماكس: واش رايك فيها!!
شاف فيها ماكس و ناض بلا  حتى كلمة طلع لبيتو
جوليانا: واش بيه !!!
سام: انت الوحيدة اللي تقدر تعاوني في هاد الشي
جوليانا: في واش!!
سام: اسمعيني مليح ماكس لي جامي خاف على كاش طفلة من بعدك خاف على جوري ماكس لي جامي غار على وحدة غار على جوري  و مني كيما شفتي جابها تعيش معاه لانو خاف عليها علابالي راح تسقسي كيفاش تعرف عليها راح نحكيلك و راح يقعد كلش بيناتناو حكالها كلش منهار دخلت جوري لحياة ماكس حتى للدقيقة لي راهم فيها
جوليانا: يعني يحبها   و يعاند و ماشي حاب يعترف هكدا قصدك!!
سام: بالضبط
جوليانا: اوكي راح نديرو كلش باش نخلوهم يعتارفو مالقري ماكس راسو يابس و باين بلي راح يكمل يعاند مي معليش مسألة وقت...المهم و جوري يعني عندها مشاعر اتجاهو و لا !!
سام: على هادي قتلك لازم تعاونيني جوري من النوع لي جايا غامضة شوية متقدريش تعرفي واش راهي تخمم و زيد ماكاش الوقت باش يقعدو فيه هي على العام في الصبيطار تدخل في الليل و منداك متجيش قاع و هو في الشركة يعني جوري خليتها عليك انا ماكس راني متاكد 100%بلي يحبها لانو كيما يقولك الغيرة اول اعتراف الحب و هو غار عليها و مني يعني ماكس راهو في الجيب تبقالك جوري هاديك شغلك شوفي كيفاش تجبديها ليك و تكوّنو علاقة مليحة مع بعض ابري ساهل.
جوليانا: اوكي خليها عليا
___________
يعني جازت سمانة جوري عجبتها جوليانا و علمتها عفايس في الطب تسحقهم في حياتها يعني ولاو يتفاهمو
ماكس فرح كي شاف جوري و جوليانا متفاهمين
سام و جوليانا راهم يسيو معاهم
ناضت صباح جوري لبست جيب ميني مارون مع تريكو beige و godasse  و فيستا كوير جبدت شعرها و حبطت
جوري: صباح الخير
جميلة : صباح النور بنتي رقدتي مليح!!
جوري: ويي و قعدت تشرب في قهوتها و حبطت جوليانا : اوو صباح الحب
جوري بضحكة : صباح كل حاجة شابة
جوليانا و هي توجد قهوتها كان حابط ماكس و دخل مي جوري منتبهتلوش لانو كان ظهرها للباب
جوليانا:وين بيها بهاد الحطة ؟ للمرضى هذا قاع و لا كاشش و غمزتاها ..
جوري: هههه ماشي للمرضى لانو اليوم منخدمش راح نتلاقا بصحبتي علاهاديك
جوليانا: اممم و هادي صحبتك كيما راكي تقولي انتيم و لااا
جوري فلتت ضحكة منها بالصوت من التخمام لي راحتلو جوليانا انها حسبتلها راهي رايحة عند حبيبها علاجالو لبست هكداا...
جوري: المهم انا نروح ..دارت شافتو موراها  يشوف فيها مالفوق للتحت و كملت خارجة حتى ..
ماكس: خرجة هكدا ماكاش
دارت شافت  فيه بمعنى واش !!
ماكس و هو يقرب لبهت و يهدر بصوت عالي نسبيا: قتلك خرجة هكداا ماكااش
جوري: نخرج و بهاد اللبسة و ادا معجبكش الحال اخبط راسك في الحيط و جات دايرة شدها من يدها و هدر: جوليانا 10دقايق تكوني واجدة و تروحي معاها 10دقايق اجري .طلعت جوليانا تلبس حوايجها لبست جين مقطع مع تريكو كحل godasse و مونتو نواغ طلقت شعرها و حبطت
جوليانا : راني واجدة
ماكس: معاها ملي تخرجو حتى تولو و دار عند جوري و ياا ويلك كاشما يصرالها و راح
جوري: جايح
جوليانا: جوري سمحيلي مكونتش حابة تقلقك و نتي راكي....
جوري: واش هاد الهدرة هيا منها تبدلي و منها نعرفك على صحبتي 😂
جوليانا: اوكي
خرجو ركبو الطونوبيل و راحو لريسطو في وسط المدينة بعدما تفاهمت مع ميار يتلاقاو تما..
قعدو جوري و جوليانا و طبلو واش ياكلو
جوري: انا المخلوقة تاعي جامي جات في الوقت بعد 10 دقايق جات
جوري: شرفت ست الحسن و الجمال...لالا لوكان زدتي شوية مزال الحال
ميار :درت روطار خطرة في 40سنة نورماال.....اهاه دقيقة شكون هادي!!
جوري: تي اقعدي قبل
قعدت و كموندات واش تاكل : ايهايه شكون هادي!
جوري: جوليانا اخت ماكس الصغيرة ميار صحبتي لانتيم
جوليانا: امم تسما كاين منها متشرفين
ميار: متشرفين ا زين مي نقولك حاجة متشبهيش قاع للغول تاع خوك هو صاح شباب و حطة و...
سكتت بسبة الخبطة لي جاتها من جوري
شافت جوليانا في جوري كيفاش كانت تشوف في ميار تبسمت و هدرت : تحبي نديرلك لافار مع خويا تتوالمي انت وياه !
ميار شافت في جوري تستنى وقتاش تنطق مي جوري معبرتهاش و كملت تاكل
ميار: نخمم و نقولك
كملو البنات كلاو و قصرو و شبعو ضحك و هوما ماشي منتبهين للعينين لي راهي مراقبتهم و مراقبة جميع تحركاتهم ،دفعو الحساب و ناضو حبطو للقاراج باش يروحو مع جوري بحكم ميار جات بطاكسي ركبو و هوما راجعين يقصرو في الطونوبيل قطعت جوري لحس و تبدلو ملامخ وجهها و زادت في السرعة
جوليانا: جوري واشبيك علاه راكي تجري !!بلعقل
شافت جوري في الطروفيزور و سكتت و بقات تجري و تسيي تدخل ممرات متقاطعة و خالية تخلعو البنات فيها و في واش دير حتى و أخيرا نطقت جوري: راهم يلاحقونا .
تخلعت ميار و جوليانا و بدا الخوف يدب فيهم   ميار: ك.كيفاشش!!!
جوليانا: واش راكي تهدري جوري ؟؟!
جوري: اتكالماو كاينا طونوبيل كحلا تبان من تاع المافيا راهي تبع فينا و ماشكيتش راح نسلكو منهم
جوليانا تخلعت و تمتم رفدت التلفيون تاعها تعيط لماكس
ماكس لي كان يصوني التلفيون تاعو مع الاول ماسمعوش
جوليانا: هيا ماكس هياااا
شافت جوري في جوليانا لي كي نطقت اسم ماكس تفكرت هدرتو"ياا ويلك كاشما يصرالها " بقات الجملة هادي تتعاود في راسها و شافت مدى حبو و خوفو على ختو لي تعنيلو الدنيا و مافبها قررت انها دير المستحيل باش تنقذ حياتها يا لوكان يكلفها الامر حياتها تمدها لطفلة هذا وين بدات تشوف الدنيا....
ماكس لي سمع تليفون  يصوني لقاها جوليانا رفد: توحشتي خوك تعيطيلو دوك !
جوليانا : ماكس كونا راجعين حتى لقينا طونوبيل نوع jeep تبع فينا و كيما سيينا نهربولهم مقدرناش راني خايفة ماكس...
ماكس الدم نشف فيه معرفش واش يدير: وين راكو ؟؟
جوليانا: الطريق *****لي يدي للغابة
ماكس: راني جاي و خرج  يجري عيط لسام لي لحقو بطونوبيلتو و طارو لعندهم ...
جوري لي زادت في السرعة حتى دخلت لغابة وين مالقاتش وين تزيد تهرب : لازم علينا نخرجو من الطونوبيل و نجرو باتجاه  الكنيسة حتى نخرجو للطريق
جوليانا: ماكس راهو جاي
جوري: جوليانا انت بالذات لازم تسلكي
جوليانا بعدم فهم جوري: راح نحبسلك هنا بعد 300متر كاين قرية صغيرة ادخلي للقرية و قوليلهم بعتتني الدكتورة جوري و راح تقعدي لتم حتى انا ولا ماكس نجوك ميار انت تاني
راحت تهدر حتى عيطت جوري: منيحق حتى إعتراض و حبست : دووك و خرجو يجرو و هي كملت بالطونوبيل تشوف حتى واحد موراها حتى.....

                       ارائكم🔥🌀