مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
مر اسبوع كامل بابا طلع من المستشفى فرحنا كومه عمامي والأقارب كلها اجتي زارتنا اجتي ساره واومها قبل يومين بس اني حتى لو اشوفهم ماكعد وياهم احس بالراحه واحدي مرت الايام عاديه جدا رجعت داومت وامتحانات ومدري شنو واني اصلا مالي خلك ماعرف شبيه من دخل بابا المستشفى لهسه واني نفسيتي تعبانه.
راح احاول اوصف شعوري من خلال هالكلمات البسيطة تعبانه مادري من شنوو جسمي كله يوجعني اسبوع كامل واني بالغرفه من الكليه للبيت احساس غريب منهكه اني بس ماعرف من شنو اول مرا يصير لي هيج لذلك ماعرف شلون اتصرف مع حالتي الجديده احس بحزن اريد ابچي مع انو مصاير شي يستجوب البكاء بس مجرد مشاعر والمشاعر الها وقت وتزول وكلشي يرجع طبيعي حاولت ارجع لروتيني القديم وحياتي القديمه كمت سبحت وبدلت تعطرت ونزلت كعدت يم ملاك تريد تشتري فستان وتدور بالبيجات مال الانستا صح نسيت ملاك تحسنت نفسيتها ورجعت مثل قبل الحمد الله.
من السيئات إلي بيه أو بشخصيتي ربما المبالغه يعني مثلا إلي صار وي ابوي راح يخليني افكر بالموضوع أشهر ويمكن سنين أضل افكر لو راح منو يبقى الي اخواني يبقون سندي عائلتي تبقى نفسها ماحبيت اتعمق بهالموضوع بس شسوي عقلي وسواسي
الوقت حاليا غروب تقريبا يعني وقت عشاء واجه هاشم الغثه وأهله بوياي يمته اخلص منه استغفر الله بس شوفته تجيب كل الشئوم دخل هاشم بالاستقبال يم الولد وبابا
وساره وامها دخلن سلمن وكعدن طبعا ماما وملاك كامن سلمن وباوسوهم وهاي بس اني ضليت كاعده وأكلب بالتلفون اريد احسسهم انو مامرغوبه جيتهم ماما دوما تكلي انتي صلفه ووكحه بس اني ماشوف هذا الشي كل الي بالأمر اني مانسى إذا شخص اذاني أو أذى عائلتي اني مستحيل أرجع ويا مثل قبل وهذا طبعي والي يعجبه يبقى وياي اهلا وسهلا والي مايرضى يركع نفسه بالحايط آخر همي حاليا اهتم بكلام الناس
