هواجس حب

البارت لاول

بسم الله

صدفة شفناك
ونسينة شلون جنة
كثر ما بيها أمان النضرة منك
جنة نتمنى مثل عينك وطنة .

تلمبر العراق / منقول

............................

ام مصطفى : ماما كعدي
سارة : هاا
ام مصطفى : تاخرتي يوم كعدي يلة
سارة : كمت / تتثاوب

سارة
كمت بلكوة من الفراش عدلتة ورحت لحمام فرشت اسناني وغسلت وجهي عدلت ملابسي نزلت باوعت ماكو احد بس ماما

سارة : صباح الخير
ام مصطفى : صباح نور بنيتي
سارة : ماما وينهم لعد
ام مصطفى : ايمن طلع من الفجر وابوج قبل شوية طلع
سارة : هااا
ام مصطفى : تعالي اكلي يلة لا تاخرين

...

سارة : عاشت ايدج الاكل طيب
ام مصطفى : بلعافية

سارة
كملت اكلي شلت الماعين على سنك صعدت فوك غسلت وجهي وفرشت بدلت ملابس المدرسة لبست الحجاب حظرت الجنطة سمعت ابو الخط الهورن مالتة كعد المنطقة كلهة رحت اركض

ام مصطفى : يوم مصروفج
سارة : ها نسيتة تسلمين
ام مصطفى :ديري بالج على نفسج يوم
سارة : تمام باي

سارة

طلعت طايرة طلعت لباب هو يدك ركبت وبديت العركة اني لساني طويل وما اسكت ابد

اني وحيدة اهلي اربع ولد اعرفكم على عائلتي مصطفى الجبير مزوج 35 يشتغل بمعرض السيارة يلي نملكة عندة طفلين انس و ادم توائم ومرتة اسمهة مريم واخوية سامر 34 هم مزوج مرتة حامل وعندة طفل واحد امير مرتة هدى وايمن عمرة 30ومامزوج ضابط وعلاء اصغر واحد من ولد 27 صيدلاني مزوج مرتة حامل بشهر اولا مرتة ريم واني البنية الوحيدة شكلي عادي بس ملامحي دل على الغرور وزني 50 قصيرة شوية طولي 159 سم 😊 شعري اسود طويل اما بنسبة لحب فا ماعندي

وصلنة للمدرسة فتت شفت البنات المدرسة اني متعودة يباوعن علية ويتبسبن لان ملامحي حادة ومبين علية مغرورة المهم مهتميت طبعا نسيت اكلكم اني سادس علمي فتت شفت صديقتي زهراء معندي غيرهة سلمت عليهة وكعدنة ظلينة نحجي بعدين دك الجرس وبدة الدوم من خلص جنت انتظر ابو الخط اجتي زهراء وياهة نبأ

زهراء : نبأ تريدني اروح وياهة لمكتبة لي ورة المدرسة لان تخاف وحيدهة تروح
سارة : ليش متروح على هاية شعدهة رايحة لذيج
زهراء : تريد تشتري ملزمة مال كيمياء لي عدهة ضايعة وابو المكتبة معندة فروح على ذيج
سارة : اني اروح انتي ابقي
زهراء : هاا
سارة : اذا اهلج درو يكسرون رجليج
زهراء ؛ تمام احبججج
سارة : ولي ايععع
زهراء : هههههه

سارة
زهراء صاحت على نبأ كلتلهة هذيج وجهة صار ينطي الوان بعدين كالت يلة لعد اعرف ب نبأ مو راحة وهي صديقتهة ياسمين