علي مر الزمن

الفصل الرابع

الفصل الرابع

كارما بصدمة: علوم الارض بني سويف.
فاطمة: هو اي تنسيق الكليات.
سليم: طب وأسنان وصيدلة فوق ال 98%، مجموعها جايب كلية طب بيطري وعلوم الارض وعلوم وتمريض بس انا كتبتلها علوم الارض الأول لأنها الافضل.
فاطمة: قدر الله وما شاء فعل لعله خيرا ماتزعليش يا كارما علوم الارض دي كلية حلوة جدا ومن كليات القمة برضوا.

كارما: هااا بتقولي اي يا ماما.... كانت كارما في حالة من الصدمة ولكن ليس بخصوص كلية علوم الارض ولكن في مدينة بني سويف التي تركتها منذ اعوام وتركت معها حبها الاول والاخير بنظرها "عمر" .


<< Flash back>>
قبل ست اعوام

_ يعني اي يا ماما هنمشي من هنا وبعدين هنروح فين انا مش عاوزه امشي من هنا انا مش هسيب صحابي وامشي لا.

_ والله يا كارما الموضوع مش بأيدي انا وباباكي جتلنا فرصة شغل حلوة جدا في القاهرة ومش هتتعوض فماينفعش نسيبها لازم ننقل القاهرة.

_ بس اصحابي هسيبهم ازاي وبعدين انا معرفش حد هناك لا يا ماما انا مش عاوزه اروح.

_ بصي يا كارما الموضوع ده منتهي وغير قابل للنقاش فيه تمام بالنسبة لصحابك اتواصلي معاهم علي الفيس ولما نبقي نيجي زيارات لعمك يبقي شوفيهم بالنسبة لِ انك ماتعرفيش حد هناك فهتتعرفي ومش عاوزه كلام في الموضوع ده تاني مفهوم!!!

_ تركتها والدتها تبكي بشدة وكان السبب الأول في بكائها هو عمر ..

_ معقولة خلاص كدا مش هشوفك تاني يا عمر لا يا ربي لا انا مش عاوزه اسافر لا ياربي انا بحبه انا مش هعرف احب غيره انا مش عاوزه غيره اصلا.

_ كانت كارما تحب عمر منذ ان كانت في المرحلة الابتدائية وتركت مدينة بني سويف بعد ان انهت المرحلة الابتدائية تركت مدينة بني سويف لمدة ست اعوام وفي خلال تلك المدة لم تنس عمر ابدا فظلت تدعو الله في كل ليلة ان يجمعها ب عمر مرة أخرى حتى الآن مازالت تحبه لا بل تعشقه، فإن عشقه يكبر بداخلها كل يوم عن اليوم الذي يسبقه ف حبها فاق كل الحدود حاول الكثير من الشباب ان يرتبطون بها حيث كانت كارما فتاة جميلة حقا ولكنها كانت دائما ترفض وظلت تدعو الله ان يجمعها بحبيب طفولتها فقط.


<< Back>>

_ معقول اكون جبت المجموع ده علشان انا كنت دايما بدعي ان ربنا يجمعني بعمر معقولة يكون الحلم هيتحقق بجد انا هشوفه تاني وهقضي كام سنة في بني سويف يعني اكيد هشوفه الله بجد انا فرحانة اوووي.

_ولمجرد تخيلها انها سوف تراه مرة أخرى ظلت تبكي ظن والديها انها تبكي لأنها لم تحقق حلمها ولكنها كانت تبكي من سعادتها

_ كارما مالك مش مركزة معانا ليه وبعدين بتعيطي ليه أنتِ مش قولتي انا راضية باي حاجة يجبها ربنا قالها والدها .

_ ردت كارما تلقائيا لا يا بابا انا راضية والله بس انا اتصدمت في الاول علشان كدا عيطت بس خلاص مش هعيط الحمدلله على كل شيء بس هو انت هتسفرني بني سويف !؟

_ اه عادي هتروحي تقعدي مع عمك هناك مهو انا عمري ما هطمن عليكِ في سكن ابدا.
_ بجد يا بابا انا فعلا مبسوطة خالص.
_ عارف انك من زمان نفسك تروحي بني سويف وانا الل كنت بمنعك بس أنتِ عارفة بعد ما سافرنا علي طول عمك سافر هو وبنته الكويت ورجع علشان جامعتها من سنتين بس كنت هوديكِ عند مين ده حتي هو كان دايما بيجي القاهرة فماكنش فيه داعي لسفرنا بس اديكِ هترجعي تاني مع اصحابك افرحي بقي.
_ ردت كارما بفرحه ...
_ انا فعلا فرحانة جدا يا بابا.... ثم ضمته بقوة.

_ ثم دلفت لغرفتها وصلت ركعتين شكر لله وقالت بعد انتهائها من الصلاة ..

_ انا بجد مش مصدقة هو انا ممكن اشوفه تاني فعلا  يارب اشوفه يارب وظلت تبكِ من فرحتها وتدعو الله كثيرا

.....................................
وعلي الجانب الآخر بمدينة بني سويف

_كان يجلس عمر مع اصدقائه حازم ويوسف امام منزل عمر حيث كانت عادتهم يسهرون معا

_ ها طمنوني عملتوا اي بيقولوا نتيجة التنسيق بانت

_ رد حازم انا يسيدي مجموعي جاب طب بشري

_بجد يا حازم مبروووووووك ي ابو الصحاب كنت واثق انك هتجيبها احلي دكتور في العالم

_ الله يبارك فيك يا برو عبالك يارب لما نشوفك في كلية حلوة

_ رد عمر هندسة واخده مرحله اولي من 95% يعني خلاص يستحيل الحمدلله على كل شيء انا مش زعلان ماتقلقوش عليا المهم وانت يا يوسف عملت اي

_ انا هدخل ألسن بني سويف

_ اشمعنا ألسن بالذات طب ما تدخل اقتصاد وعلوم سياسية

_ رد يوسف عاوزة واسطة كبيرة علشان اشتغل ده غير ان ألسن مجالاتها كتيرة جدا ده غير اني حابب اكون مترجم بس بصراحة مش عارف لسه ادخل قسم اي.

_ احنا الفرنساوي والانجليزي درسناهم لكن الألماني لا، خليك في الألماني اسمع ان فرص شغله افضل.
_ هشوف والله يا عمر بس انا برضوا مايل للألماني.
_ تابع عمر وانت يا حازم رأيك اي حازم ؟
_ رد حازم هااا بتقول اي؟
_ تابع عمر سرحان في اي يا حازم.
_ لا ولا حاجة.
_ يا راجل علينا !؟، قول مين الل واخد عقلك ؟ قالها يوسف بضحك.
_ بصوا انا هقولكم انا بحب واحدة من زمان بس اختفت مرة واحدة بس انا معرفتش انساها لحد دلوقتي مش عارف وقلقان جدا عليها من ساعة النتيجة وهموت واعرف عملت اي؟

_ وانت عرفت منين انها ثانوية عامة !؟

_ ماهو لقيتها من حوالي سنتين صديق مشترك عند ريم بنت عمي ماكنتش مصدق انها هي، بس اتأكدت من صورتها ماهي كانت حاطة صورتها علي الفيس بس حاليا شالتها المهم اني متابعها من وقتها وبشوف كل حاجة بتنزلها وفعلا قلقان عليها مش عارف عملت اي.
_ هي ادبي ولا علمي قالها عمر
_ لا علمي علوم زيي
_ رد يوسف إن شاء الله هتلاقيها منزلة بعد شوية بوست بتقول دخلت اي!؟
_ رد حازم ان شاء الله
_ وهي كانت اختفت فين بقي !؟ سأله يوسف في حيرة.
_ القاهرة  فين بالظبط معرفش بس ريم تعرف اكيد واكيد مش هترفض تساعدني.
_ ياااه يا عبصمد القاهرة مرة واحدة، وأنت هتوصلها ازاي!؟
_ والله يعمر ربك يسهلها إن شاء الله انا سايبها عليه.
_ تابع عمر طب لما انت بتحب يا استاذ حازم مش عاوزني احب ليه.

_ رد حازم علشان انت ارتبطت بيها وغلطت جامد علشان كدا النهاية وجعتك لازم تفهم ان "ما بُني علي باطل كان باطل"، وكمان "البدايات التي لا ترضي الله نهاياتها لا ترضيك" والمشكلة إنك عارف الكلام ده، لكن انا حتي بعد ما وصلتلها مارضتش اكلمها أولا علشان انا مش عاوز اغلط غلط زي ده عاوز أول بنت اقولها بحِبك تكون مراتي، ثانيا ماينفعش اخليها تخون ثقة أهلها لو انا بحبها بجد هحب اشوفها كبيرة في عيون كل الناس أصحابها اهلها كل الناس؛ فعمري مثلا ما هكلمها علي الموبايل فأهلها يسمعوها ويبطلوا يثقوا فيها وتحصلها مشاكل بسببي، او مثلا اكلمها علي الموبايل برضوا بس في الشارع فحد يسمعها وده اكيد ويقولوا عليها بنت مش كويسة، او اقابلها بقي والكل هيشوفها مش متربية وبتخون اهلها وادمر سمعتها وسمعة اهلها الل كل ذنبهم أنهم وثقوا في بنتهم، بذمتك ده حب !؟ الل بيحب بيدخل البيت من بابه ومافيش اي حاجة اسمها ظروف الل بيحب بجد بيعمل اي حاجة علشان يكون مع حبيبته، وببساطة لو تقبل إن اختك تكلم ولد او بنتك يبقي كلم براحتك، وفي حديث عن النبي صلى الله عليه وسلم بيقول “البِرُّ لا يَبْلَى، والإثمُ لا يُنْسَى، والدَّيَّانُ لا ينامُ، فكن كما شِئْتَ، كما تَدِينُ تُدَانُ"
فبالل بلدي كدا الل هتقبله علي بنات الناس هيتردلك في يوم من الأيام.
_ انت عندك حق في كل كلامك، بس انا الحمدلله توبت لربنا وعمري ما هرجع للطريق ده تاني، بس انا كنت خايف إنك تكلمها وكدا يعني.

_ولا يهمك يا صاحبي، وإن شاء الله ربنا هيقبل توبتك.
_ اللهم امين يارب العالمين.
_ طيب انا همشي انا علشان تعبان شويه وعايز انام قالها يوسف.
_ رد عمر مالك يا يوسف فيك حاجة.

_ لا ده انا بس مانمتش من القلق وهموت وانام.

_ تابع حازم خلاص يلا وانا كمان هروح علشان عاوز انام برضوا.

_ تابع عمر تمام ولما تيجوا تقدموا قولولي علشان اروح معاكم.

_ رد حازم تمام يا باشا ثم عاد الي منزله وفتح موبايله لكي يتابع من خطفت قلبه وبالفعل وجدها تشارك منشور على صفحتها الشخصية وكان

" يا اسعد يوم في عمري بجد دخلت علوم الارض بني سويف ايوا مش حلمي بس الحمدلله علي اختيار ربنا ليا احلي حاجة اني هرجع بني سويف محدش هيباركلي ولا اي "

_ وقف حازم تلقائيا ثم صرخ قائلا... يا اجمل يوم في حياتي انا بجد هترجعي بني سويف يااااه اخيرا هشوفك بجد فرحان جدا الحمد لله يارب انا فعلا مش قادر اصدق......ثم خلد للنوم وهو في سعادة غامرة.

...........................

مَر اسبوع  علي ابطالنا دون اي احداث تُذكر

_ ثم جاء اليوم المنتظر يوم ظهور نتيجة التنسيق للمرحلة الثانية.
_ قلقان يا عمر قالتها سارة.
_ لا مابقتش قلقان خلاص انا راضي باي حاجة يجبها ربنا.
_ هو صح مين ال كتبلك الرغبات.
_ انا الل كتبتها.
_ كتبت هندسة.
_ ايوا كتبتها وكل المحافظات وكتبت حاسبات ومعلومات وعلوم رياضة وكليات تانية مش فاكرها.

_ طب يلا شوف النتيجة طلعت ولا لا

_ ماشي وادخل عمر الكود ورقم الجلوس ثم قال في دهشة... اي ده!!!

يتبع....