~Don't be sad my moon, smile suits you always~
ချေမိုးတိုက်ခန်းကို သူရောက်နေခဲ့တာကြာပြီ။ ဒါပေမယ့်အခန်းရဲ့ဖွဲ့စည်းတည်ဆောက်ပုံကို အခုမှ သေချာကြည့်ကြည့်ဖြစ်သည်။
"မင်းတိုက်ခန်းက တော်တော်လေးကိုကျယ်တာပဲ"
"ဟုတ်လား"
"ပတ်ဝန်းကျင်က တိတ်တိတ်ဆိတ်ဆိတ်ရှိတော့ မဆိုးဘူး"
"အင်း"
ပြီးတော့ အိပ်ခန်းနှစ်ခုရှိပြီး မီးဖိုချောင်လည်းသပ်သပ်ရပ်ရပ်နဲ့ဖြစ်သည်။
"ဂွီ"
အရည်တွေချည်းဇွတ်တ်သောက်နေတော့ ရည်မွန်ဗိုက်ကအချက်ပြလာသည်။ သောက်ပဲသောက်နေပြီး ဘာမှမယ်မယ်ရရမစားရသေးတော့ သူဗိုက်ဆာနေပြီ။
"ဗိုက်ဆာနေပြီလား"
သူ့ဗိုက်ကအော်သံကိုချေမိုးကြားသွားသည်။ သူလည်းတော်တော်တော့ ဗိုက်ဆာနေသည်။ ရေမိုးချိုးပြီးတော့ ပိုလို့တောင်ဆာသည်။ ချေမိုးကိုလှည့်ကြည့်လိုက်တော့ ရေမိုးချိုးပြီး သပ်ရပ်လို့နေသည်။
"အနံ့မွှေးနေတာပဲ"
ချေမိုးသူ့နားကနေဖြတ်သွားရင် ရည်မွန်ခံစားလိုက်ရတဲ့အနံသင်းသင်းလေးက သူ့နှာခေါင်းကိုဆွဲဆောင်နေပြန်သည်။
"ရေချိုးပြီးတာချင်းတူတာတောင် ငါကျ ဘာလို့မမွှေးကြိုင်နေရတာလဲ"
သူမကျေမနပ်ဖြစ်ပြီး တစ်ယောက်တည်းပြောနေသည်။ သုံးတဲ့ဆပ်ပြာတွေလည်းတူတူ၊ ပြီးတော့ သူဝတ်ထားတာလည်းချေမိုးအကျီဖြစ်နေတာတောင် သူ့ကိုယ်ကဘာအနံ့မှ မွှေးမွှေးကြိုင်ကြိုင် မထွက်နေဘူး။ ရည်မွန်ကိုယ့်အကျီကိုယ်ပြန်ကြည့်ပြီး နှာခေါင်းတရှုံ့ရှုံ့လုပ်နေရင်း အလုပ်ရှုပ်နေသည်။ သူပြောနေတာကို ချေမိုးတော့ ကြားပုံမရဘူး။ မီးဖိုချောင်းထဲက ရေခဲသေတ္တာနဲ့ရှုပ်နေလို့။
"မင်းလေးဗိုက်ဆာတယ်ဆို။ ကိုယ်ခေါက်ဆွဲပြုတ်ပေးမယ်။ စားမလား"
"ရတယ်။ ပိုတောင်ကောင်းသေး"
အခုသူတို့ဗိုက်ဆာတဲ့အချိန်က ညဆယ်နာရီကျော်ကျော်အချိန်ဖြစ်သည်။ ဒီနေ့ကလည်း အဖေ့ဆီကဖုန်းတစ်ခါမှမလာတော့ ရည်မွန်ကံကောင်းနေသည်။ မွေးနေ့တွေထဲမှာတော့ ဒီတစ်ခါက အမှတ်တရကောင်းဖြစ်လိမ့်မယ်ထင်သည်။ သူ့ရှေ့မှာချက်ပြုတ်ပြင်ဆင်နေတဲ့ ချေမိုးရဲ့ပုံရိပ်ကိုကြည့်ပြီး ရည်မွန်အမေ့ကိုသတိရသွားသည်။ အမေ့တုန်းကဆိုလည်း ဒီလိုပဲချက်ပြုတ်တာကို သူထိုင်စောင့်ခဲ့သည်။ အဲဒါကြောင့် ခုလိုပုံရိပ်က သူ့အတိတ်ကိုသတိရစေသည်။
KAMU SEDANG MEMBACA
Rain💛Moon (Completed)
Romansa"I LOVE YOU" If the eyes do not admire, the heart will not desire~💛 Rose Thornless_အဲ့ဒီပန်းလေးရဲ့အဓိပ္ပါယ်ကမြင်မြင်ချင်းအချစ်တဲ့။ (မင်းလေးရဲ့စာအုပ်ကြားမှာညှပ်ထားတဲ့ပန်းလေးတစ်ပွင့်ရဲ့အဓိပ္ပါယ်ကကိုယ့်ရဲ့အချစ်ကိုကိုယ်စားပြုတာပဲ)။ မြင်မြင်ချင်းအချစ်ကခ...
